NEJ/ ၂၁ မေ ၂၀၀၈
မုန်တိုင်းကြောင့် ရန်ကုန်တွင် လူ (၇) သိန်း၊
ဧရာဝတီမှာ လူ (၁) သန်းခွဲ ဒုက္ခရောက်
မေ (၂၁) ရက် ထုတ်ပြန်သည့် UNOCHA အဖွဲ့ အစီရင်ခံစာအရ နာဂစ်မုန်တိုင်းကြောင့် မြစ်ဝကျွန်းပေါ်တွင် လူ (၁) သန်းခွဲ ဒုက္ခရောက်နေပြီး ရန်ကုန်တွင် လူ (၇) သိန်းနီးပါး ဒုက္ခရောက်နေသည်။ ဧရာဝတီတိုင်း ကိုယ့်မြို့ကိုယ့်ရွာတွင် ဖွင့်ထားသည့် ကယ်ဆယ်ရေး စခန်းများ၌ ဒုက္ခသည် (၉) သောင်းကျော်ရှိပြီး တခြားမြို့နယ်များသို့ ရွှေ့ပြောင်းထားသည့် ဒုက္ခသည်ပေါင်း (၂၅,၀၀၀) ရှိသည်။
မုန်တိုင်းဒုက္ခသည်များထောက်ပံ့ရန် ပြည်ပက ဆန်တင်သွင်းရန်လို
လာမည့် (၆) လအတွင်း ဒုက္ခသည်များအတွက် အစားအစာ တန်ချိန် (၆၅,၀၀၀) လိုမည်ဖြစ်ပြီး ပြည်ပက ဆန်တင်သွင်းရန် လိုသည်ဟုပါ UNOCHA က မှန်းထားသည်။
မြန်မာကလေး (၁) သန်း မုန်တိုင်းဒဏ်သင့်
ကုလသမဂ္ဂ၏ ထုတ်ပြန်ချက်အရ နာဂစ်မုန်တိုင်းဒဏ် ခံရသည့် လူဦးရေ (၂) သန်းခွဲအနက်
(၄၀) ရာနှုန်းမှာ ကလေးများဖြစ်သည်၊ မုန်တိုင်းဒဏ်ခံရသည့် ကလေးများကို စိတ်ဓာတ်ရေးရာ အားပေးရေးကိစ္စမှာ ဦးစားပေးဖြစ်သည်ဟု UNICEF အဖွဲ့က ထုတ်ပြန်ထားသည်။
khitpyaing news
Wednesday, May 21, 2008
နောက်ဆုံးရသတင်းများ
Subscribe to:
Post Comments (Atom)
0 comments:
Post a Comment