ဉာဏ်မောင်။ ဇွန် ၂၅၊ ၂၀၀၈
ဥရောပ ပါလီမန်အတွင်းမှ မြန်မာ့အရေး ဆောင်ရွက်နေသူများအဖွဲ့ကြေညာချက်ကို အာစီယံ ပါလီမန်အတွင်းမှ ထောက်ခံကြိုဆိုလိုက်သည်။
ဥရောပ (၈) နိုင်ငံမှ ပါလီမန်အမတ်များပါဝင်သည့် မြန်မာ့အရေးဆောင်ရွက်သူများ၏ ကြေညာ ချက်သည် လက်ရှိမြန်မာနိုင်ငံအခြေအနေများကို အချိန်ကိုက်ထုတ်ပြန်ကြေညာခြင်းဖြစ်၍ ထောက်ခံအားပေးကြောင်း အာစီယံ ပါလီမန်အတွင်း မြန်မာ့အရေးဆောင်ရွက်နေသူများက ယခုလ (၁၉) ရက်နေ့က ကြေညာချက်ထုတ်ပြန်ခဲ့ခြင်း ဖြစ်သည်။
မြန်မာစစ်အစိုးရအား ဥရောပသမဂ္ဂအဖွဲ့ဝင်နိုင်ငံများ၊ ကုလသမဂ္ဂအဖွဲ့ဝင်နိုင်ငံများနှင့်အခြား အစိုးရနှင့် ပုဂ္ဂလိကအဖွဲ့များမှ ပြင်းထန်စွာအရေးယူမှုကို တွန်းအားပေးရန် အဓိကထား၍ ထည့်သွင်းထားပြီး ဥရောပနှင့် အာစီယံနိုင်ငံများမှ ပါလီမန်အမတ်များ ပူးပေါင်းဆောင်ရွက်ခြင်း ဖြင့် ပိုမိုအင်အားကောင်းသောလုပ်ငန်းများ၊ အခွင့်အရေးကောင်းများ လုပ်ကိုင်ဆောင်ရွက်နိုင် လိမ့်မည်ဟု မျှော်လင့်ကြောင်း ဖေါ်ပြထားသည်။
နှစ်စဉ်မပြတ် မြန်မာ့ဒီမိုကရေစီပြောင်းလဲရေးအတွက် ဥရောပအမတ်များက ဖိအားပေး ဆောင် ရွက်နေမှုအပေါ် အာစီယံအမတ်များက အသိအမှတ်ပြုလေးစားကြောင်းလည်း ထုတ်ပြန်ချက် က ဆိုသည်။
ထို့အပြင် ပြည်ပရောက် စင်ပြိုင်အစိုးရအဖွဲ့မှ ၀န်ကြီးချုပ် ဒေါက်တာစိန်ဝင်းက တရုတ်နှင့် အိန္ဒိယအစိုးရ ကိုယ်စားလှယ်များနှင့်တွေ့ဆုံဆွေးနွေးရန် တောင်းဆိုလိုက်သည်။
ဝန်ကြီးချုပ်ဒေါက်တာစိန်ဝင်းက “ကျွန်တော်အနေနဲ့ တရုတ်နဲ့ အိန္ဒိယနိုင်ငံသို့ သွားရောက်ပြီး သက်ဆိုင်ရာ နိုင်ငံပြည်သူများကဲ့သို့ လက်ရှိကျွန်တော်တို့ရဲ့ အမြင်တွေကို အစိုးရအရာရှိတွေနဲ့ တွေ့ဆုံဆွေးနွေးလိုပါတယ်” ဟုဆိုသည်။
အဆိုပါ နိုင်ငံနှစ်နိုင်ငံသည် စစ်အစိုးရနှင့် ဆက်ဆံရေးထိခိုက်မည်ကို စိုးရိမ်ကြောက်ရွံ့သည့် အတွက် မိမိတို့နှင့် တွေ့ဆုံဆွေးနွေးရန်ကို ရှောင်ဖယ်နေသော်လည်း မြန်မာပြည်တည်ငြိမ်ရေး၊ အကျိုးစီးပွားကို ရှေ့ရှု၍ ပြည်ပရောက် မြန်မာအစိုးရအဖွဲ့အနေဖြင့် သက်ဆိုင်ရာအစိုးရနှစ်ဖွဲ့နှင့် တွေ့ဆုံဆွေးနွေးလိုသည်ဟု ဆက်လက်ပြောဆိုသည်။
“၁၉၉၀ ခုကတည်းက ကျွန်တော်ဟာ တရုတ်နဲ့ အိန္ဒိယတို့ကို မသွားနိုင်ခဲ့ပါဘူး၊ ကျနော်တို့ အစိုးရအဖွဲ့အနေနဲ့ အမေရိကန်နိုင်ငံ ဝါရှင်တန်ဒီစီမှာ ရုံးထိုင်တာထက် အိန္ဒိယနိုင်ငံမှာ ပိုပြီး အခြေချလိုပါတယ် ” ဟု ဒေါက်တာစိန်ဝင်းက တွေ့ဆုံမေးမြန်းခန်းတခုတွင် ပြောဆိုလိုက်သည်
YOMA 3news
Wednesday, June 25, 2008
ဥရောပပါလီမန်အဖွဲ့ကြေညာချက်ကို အာစီယံ ပါလီမန်အတွင်းမှ ထောက်ခံကြိုဆို
Monday, June 23, 2008
နိုင်ငံခြားရေးဝန်ကြီးဌာနမှ ထွက်လိုသူများကို (၃) နှစ်စောင့်ခိုင်း
နေပြည်တော် နိုင်ငံခြားရေးဝန်ကြီးဌာနမှ နုတ်ထွက်လိုကြောင်း လျှောက်ထားသူများကို နုတ်ထွက်ခွင့်တောင်းပြီး (၃) နှစ်ကြာမှ ထွက်ခွင့်ပြုသည့်အတွက် အမှုထမ်း အရာထမ်းများ စိတ်ဓာတ်ကျနေသည်ဟု သံတမန်သတင်းရပ်ကွက်က ပြောသည်။
နိုင်ငံခြားမြန်မာသံရုံးများတွင် တာဝန်ထမ်းဆောင်နေသည့် သံတမန်များ မကြာခဏ ထွက်ပြေးခြင်း အကြောင်းတရားများအနက် နေပြည်တော်မှာ မနေချင်သည့်အချက်က အဓိကအချက်ဖြစ်သည်ဟု နေပြည်တော်အရာရှိတဦးက ပြောသည်။
နိုင်ငံခြားတွင် တာဝန်ထမ်းဆောင်ရာမှ နေပြည်တော် နိုင်ငံခြားရေးဝန်ကြီးဌာန ပြန်ရောက်လျှင် နောက်တခေါက် နိုင်ငံခြားပြန်ထွက်ရန် အနည်းဆုံး (၃) နှစ်စောင့်ရလေ့ရှိသည်။ သို့သော် အထက်လူကြီးနှင့် ပြေလည်သူများကိုမူ နေပြည်တော်ရောက်ပြီး (၃) လနှင့် (၆) လကြား နိုင်ငံခြားမြန်မာသံရုံးတခုခုသို့ ပြန်လွှတ်လေ့ရှိသည်ဟုပါ ပြောသည်။
နိုင်ငံခြားရေးဝန်ကြီးဌာနမှာ တာဝန်ထမ်းဆောင်နေသည့် ဗိုလ်ချုပ်မှူးကြီးသန်းရွှေ၏ သမီး (၄) ဦး အပါအ၀င် ဆွေမျိုးစုစုပေါင်း (၈) ဦးခန့်ရှိပြီး အထူးအခွင့်အရေးများ ရနေသည်ဟု စုံစမ်းသိရသည်။
khitpyaing news
Saturday, June 21, 2008
စစ်အစိုးရ၏ အရေးပါသော ရာထူးများတွင် အပြောင်းအလဲများလုပ်
နယူးဒေလီ။ ။ မြန်မာနိုင်ငံမှ လျှို့ဝှက် သိပ်သည်းလှသော ဗိုလ်ချုပ်ကြီးများသည် အစိုးရ အဖွဲ့တွင်းနှင့် တပ်တွင်း အရေးပါသော ရာထူး နေရာများကို အပြောင်းအလဲ ပြုလုပ်လိုက်သည်။
ကက်ဘိနက်အတွင်း အပြောင်းအလဲများကို စစ်အစိုးရက တရားဝင် ကြေညာသော်လည်း စစ်တပ်တွင်း တပ်မှူး အပြောင်းအလဲများနှင့် စစ်ဆင်ရေးနှင့် ကွပ်ကဲမှု ဌာနချုပ်များ (ကစထ) အပြောင်းအလဲများကိုမူ ထုံးစံအတိုင်းပင် ထုတ်ပြန် ကြေညာခြင်း မပြုပါ။
ယခင်က ဝန်ကြီးဌာန ၂ ခုကို ပူးတွဲ ကိုင်ထားခဲ့သော ဗိုလ်ချုပ် မောင်မောင်ဆွေကို လူမှုဝန်ထမ်း ကယ်ဆယ်ရေးနှင့် ပြန်လည် နေရာချထားရေး ဝန်ကြီးဌာန တနေရာကိုသာ တာဝန်ယူရန် လျှော့ချလိုက်သည်။ အခြား ဝန်ကြီးဌာနတခု ဖြစ်သော လူဝင်မှု ကြီးကြပ်ရေး နှင့် ပြည်သူ့အင်အား ဌာနကိုမူ အသစ် ခန့်အပ်လိုက်သော ဗိုလ်ချုပ် စောလွင်က တာဝန်ယူမည် ဖြစ်သည်။
ဗိုလ်ချုပ် စောလွင်၏ ယခင် ရာထူးဖြစ်သော စက်မှု (၂) ဝန်ကြီး တာဝန်ကို ရေတပ် စစ်ဦးစီးချုပ် ရေတပ် ဒုတိယဗိုလ်ချုပ်ကြီး စိုးသိန်းက လွှဲပြောင်း တာဝန်ယူမည် ဖြစ်သည်။
ယင်းကို လေ့လာသူများက အာဏာ လျောကျသွားခြင်း ဖြစ်သည် ဟု သုံးသပ် ပြောဆိုနေကြသည်။
ထိုအတောအတွင်း တပ်မှူး အပြောင်းအလဲ အများအပြားကို မြန်မာ စစ်အစိုးရက ကြေညာခြင်း မပြုဘဲ ပြုလုပ်ခဲ့ သည်။ ငယ်ရွယ်သော အရာရှိများကို တပ်မှူးများအဖြစ် ရာထူး တိုးမြှင့်ပေးခဲ့ပြီး ကစထ သို့ တိုးမြှင့် ခန့်အပ်ခဲ့သည်။
စစ်တပ် အသိုင်းအဝိုင်းမှ လာသော သတင်းအရ အရေးပါသော စစ်တပ် တပ်မှူး ၄ ဦးကို ကစထမှူးများအဖြစ် ခန့်အပ်ခဲ့သည်ဟု သိရသည်။
အဆိုပါတပ်မှူးကြီး ၄ ဦးမှာ အရှေ့မြောက်တိုင်းမှူး ဗိုလ်ချုပ် အောင်သန်းထွဋ်၊ မြောက်ပိုင်းတိုင်းမှူး ဗိုလ်ချုပ်အုန်းမြင့်၊ ဗိုလ်ချုပ်မင်းအောင်လှိုင်၊ တောင်ပိုင်းတိုင်းမှူး ဗိုလ်ချုပ်ကိုကို တို့ ဖြစ်ကြသည်ဟု မဇ္ဈိမက စုံစမ်း သိရှိရသည်။
မြန်မာစစ်တပ်တွင် ကထစမှူးရာထူး ၅ နေရာရှိပြီး ယခင် ကစထမှူးများထဲမှ ဗိုလ်ချုပ်မောင်ဘို တဦးသာ မူလရာထူးတွင် ကျန်ရစ်သည်။ ဗိုလ်ချုပ် ရဲမြင့်၊ ဗိုလ်ချုပ် အောင်ထွေး၊ ဗိုလ်ချုပ် ကျော်ဝင်း နှင့် ဗိုလ်ချုပ် ခင်မောင်သန်း တို့ကိုတော့ အငြိမ်းစားပေးလိုက်သည်။
အနားယူသွားရပြီ ဖြစ်သော ကစထမှူးများမှာ စစ်အစိုးရ အဖွဲ့အတွင်း နံပါတ် ၃ ခေါင်းဆောင် ပူးတွဲညှိနှိုင်း ကွပ်ကဲရေးမှုး (ကြည်း၊ ရေ၊ လေ) ဒုဗိုလ်ချုပ်ကြီး ရွှေမန်းထက် ဝါရင့်သူ (သို့မဟုတ်) အကြီးအကဲဟောင်းများ ဖြစ်ခဲ့ကြခြင်းကြောင့် စစ်တပ်ပုံစံ အမိန့်ပေး ကွပ်ကဲမှုအရ ကသိကအောက် ဖြစ်ခဲ့ကြသည်။
အသစ်ခန့်အပ်မည့် တိုင်းမှူးသစ်များတွင် ကလော စစ်ဦးစီးတက္ကသိုလ် ကျောင်းအုပ် ဗိုလ်မှူးချုပ် ကျော်ဖြိုးနှင့် သံတောင် စစ်ဦးစီးတက္ကသိုလ် ကျောင်းအုပ် ဗိုလ်မှူးချုပ် ရာပြည့် တို့ ပါဝင်မည် ဖြစ်သည်။ အခြား ၂ ဦး၏ အမည်ကိုမူ ဆက်လက် စုံစမ်းဆဲ ဖြစ်သည်။
ဤအတောအတွင်း အရေးပါသော ရန်ကုန်တိုင်း တိုင်းမှူး ဗိုလ်ချုပ်လှဌေးဝင်း ကိုလည်း တပ်မတော် လေ့ကျင့်ရေး အရာရှိချုပ်အဖြစ် ခန့်ထားလိုက်သည်။ ယခင်က အဆိုပါတာဝန်ယူထားသော ဒုတိယ ဗိုလ်ချုပ်ကြီး အောင်ထွေးမှာမူ အငြိမ်းစား ယူလိုက်သည်ဟု သတင်းရပ်ကွက်များကပင် ပြောကြားသွားပါသည်။
"တပ်မှူးတွေ အကုန်လုံး အပြောင်းအလဲ ရှိတယ်၊ မပြောင်းတာဆိုလို့ (ဗိုလ်ချုပ်မှူးကြီး) သန်းရွှေနဲ့ (ဒုဗိုလ်ချုပ်မှူးကြီး) မောင်အေးဘဲ ရှိတယ်" ဟု စစ်တပ် အသိုင်းအဝိုင်းက ပြောသည်။
MIZZIMA NEWS
Thursday, June 19, 2008
ဒေါ်အောင်ဆန်းစုကြည်မွေးနေ့ အဖွဲ့ချုပ်ရုံးတွင် ဆွမ်းကပ်လှူခွင့်မရ
19-6-2008
နေအိမ်အကျယ်ချုပ်ဖြင့် ဖမ်းဆီးခံနေရသည့် မြန်မာ့ဒီမို ကရေစီခေါင်းဆောင် ဒေါ်အောင်ဆန်း စုကြည်၏ (၆၃) နှစ်မြောက် မွေးနေ့အထိမ်းအမှတ်အဖြစ် ရည်စူး၍ သံဃာတော်များအား အမျိုးသားဒီမိုကရေစီအဖွဲ့ချုပ်ရုံးတွင် နေ့ဆွမ်းဆက်ကပ်ရန် အစီအစဉ်ကို အာဏာပိုင်များက ခွင့်မပြုသဖြင့် မလုပ်ဖြစ်တော့ကြောင်း အဖွဲ့ချုပ်မှ ပြောသည်။
“သံဃာတော်တွေကို မနက်ပိုင်းမှာ တန်းဆွမ်းလောင်းပြီးပါပြီ။ နေ့ဆွမ်းကပ်ဖို့ အဖွဲ့ချုပ်ရုံးမှာ စီစဉ်ထားပါတယ်။ ဒါပေမယ့် ကြွရောက်မယ့်သံဃာတွေကို သက်ဆိုင်ရာတွေက လာတားတဲ့
အတွက် သံဃာတွေ မကြွနိုင်ပါဘူး” ဟု အန်အယ်လ်ဒီပါတီ၏ ပြောရေးဆိုခွင့်ရှိသူ ဦးဥာဏ်ဝင်းက ပြောသည်။
ထို့ကြောင့် သံဃာတော်များအား ကျောင်းသို့ ဆွမ်းချိုင့်ပို့ပေးပြီး ဒေါ်အောင်ဆန်းစုကြည်၏ မွေးနေ့ အခမ်းအနားကို အဖွဲ့ချုပ်ဝင်များက ရုံးချုပ်တွင် ကျင်းပပြုလုပ်ကြသည်။
ဒေါ်အောင်ဆန်းစုကြည်ကမူ ၎င်း၏ (၆၃) နှစ်မြောက်မွေးနေ့ အထိမ်းအမှတ်အဖြစ် အ၀ါရောင် နှင်းဆီပန်းများကို အမျိုးသားဒီမိုကရေစီအဖွဲ့ချုပ် အဖွဲ့ဝင်တဦးမှတဆင့် ရွှေတိဂုံဘုရားတွင် ကပ်လှူပူဇော်စေခဲ့သည်ဟု အေပီသတင်းတွင် ဖော်ပြသည်။
နိုင်ငံတကာမှ ကန့်ကွက်နေသည့်ကြားမှ စစ်အစိုးရက ဒေါ်အောင်ဆန်းစုကြည်ကို ပြီးခဲ့သည့်လတွင် နေအိမ်အကျယ်ချုပ်သက်တမ်း နောက်ထပ် (၁) နှစ် တိုးခဲ့သည်။
ဒေါ်အောင်ဆန်းစုကြည်ကို နေ့စဉ်စားစရာများ ၀ယ်ပေးနေသူဖြစ်သည့် အဖွဲ့ချုပ်အဖွဲ့ဝင်တဦး ဖြစ်သူ ကိုမြင့်စိုးက ဒေါ်အောင်ဆန်းစုကြည်မွေးနေ့အတွက် ရွှေတိဂုံဘုရားတွင် နှင်းဆီဝါ (၆၄) ပွင့် ကပ်လှူခဲ့သည်ဟု အဖွဲ့ချုပ်သတင်းရပ်ကွက်ကို ကိုးကားဖော်ပြသည်။
မြန်မာ့လွတ်လပ်ရေးခေါင်းဆောင် ဗိုလ်ချုပ်အောင်ဆန်း၏ ဇနီးလည်းဖြစ်၊ ဒေါ်အောင်ဆန်းစုကြည်၏ မိခင်လည်းဖြစ်သူ ဒေါ်ခင်ကြည်၏ အုတ်ဂူတွင်လည်း အ၀ါရောင် ဂန္ဓမာပန်း (၆၄) ပွင့် သွားထား ပေးခဲ့သည်ဟုလည်း သတင်းတွင်ပါရှိသည်။ ဒေါ်ခင်ကြည်၏အုတ်ဂူမှာ ရွှေတိဂုံဘုရား ခြေရင်းတွင် တည်ရှိသည်။
ဒေါ်အောင်ဆန်းစုကြည်သည် ၎င်း၏မွေးနေ့ကို အင်းလျားကန်ဘေးရှိ နေအိမ်မှာပင် အေးအေး ချမ်းချမ်း နေထိုင်နေသည်ဟုလည်း အိမ်နီးနားချင်းတယောက်ကို ကိုးကား၍ အေပီသတင်းတွင် ဖော်ပြသည်။
“အိမ်ပတ်ဝန်းကျင်မှာ လှုပ်ရှားသွားလာမှု မတွေ့ရဘူး။ ခြံဝမှာလည်း ရဲနှစ်ယောက်ပဲ စောင့်နေတယ်။ တခြံလုံး ငြိမ်ဆိတ်နေတာပဲ။ သူ့ဆီကိုလာပြီး မွေးနေ့ဂုဏ်ပြုတဲ့ ဧည့်သည်လည်း မရှိဘူး။ အလှူ အတန်း ကန်တော့ခံမယ့် သံဃာတော်လည်း မတွေ့ရဘူး” ဟု အမည်မဖော်လိုသူ အိမ်နီးချင်း တယောက်က ပြောသည်။
ဒေါ်အောင်ဆန်းစုကြည်သည် (၁၈) နှစ်ကြာကာလအတွင်း (၁၂) နှစ်ကျော် နေအိမ်အကျယ်ချုပ် ကျခံနေရသူဖြစ်သည်။ ၁၉၉၀ ပြည့်နှစ် ပါတီစုံရွေးကောက်ပွဲတွင် ဒေါ်အောင်ဆန်းစုကြည်၏ အမျိုးသားဒီမိုကရေစီအဖွဲ့ချုပ်ပါတီမှ တပြည်လုံး အတိုင်းအတာအထိ အနိုင်ရရှိခဲ့သော်လည်း စစ်အစိုးရက ရွေးကောက်ပွဲရလဒ်အား အသိအမှတ်မပြုဘဲ စစ်အစိုးရထိန်းချုပ်မှု အပြည့်ရှိနေသည့် “ဒီမိုကရေစီလမ်းပြမြေပုံ” အတိုင်းသာ အကောင်အထည်ဖော် လုပ်ဆောင်နေသည်။
ယနေ့ကျရောက်သည့် ဒေါ်အောင်ဆန်းစုကြည် မွေးနေ့အထိမ်းအမှတ်အဖြစ် ထိုင်းနိုင်ငံ မဲဆောက် မြို့၌လည်း မြန်မာနိုင်ငံသား (၆၃) ဦးအား ဒုလ္လဘရဟန်းခံပေးခြင်း၊ သွေးလှူဒါန်းခြင်းနှင့် အခြား ကောင်းမှုကုသိုလ်များ ပြုလုပ်ပေးခြင်း၊ ဒေါ်စုမွေးနေ့အထိမ်းအမှတ် သက်ဆိုင်ရာဘာသာအလိုက်
ဝတ်ပြုဆုတောင်းခြင်းများ၊ ဂုဏ်ပြုဟောပြောပွဲများ ကျင်းပပြုလုပ်ခဲ့ကြသည်။
အဆိုပါအခမ်းအနားများ ဖြစ်မြောက်ရေးအတွက် ဂျပန်နိုင်ငံရောက် မြန်မာနိုင်ငံသားများ၊ အမျိုးသမီး များအဖွဲ့ချုပ် (မြန်မာနိုင်ငံ)၊ မြန်မာနိုင်ငံ အမျိုးသမီးထုလှုပ်ရှားမှုကော်မတီ (ထိုင်း-မြန်မာနယ်စပ်) အဖွဲ့နှင့် မဲဆောက်အခြေဆိုက် လူမှုရေးအဖွဲ့အစည်းအသီးသီးတို့မှ ပူးပေါင်းကျင်းပခြင်း ဖြစ်သည်။
khitpyaing မှယူပါသည်
မောင်ဝိတ် အဖမ်းခံနေရဆဲ ဖြစ်ဖွယ်ရှိ
ကာသပတေးနေ့၊ ဇွန်လ 19 2008 12:51 - မြန်မာစံတော်ချိန်
နယူးဒေလီ။ ။ မူးယစ်ဆေးဝါး ဖောက်ကားမှုတွင် ပတ်သက်သည်ဆိုသော စွပ်စွဲချက်ဖြင့် ခေါ်ယူ မေးမြန်းခြင်း ခံခဲ့ရသည့် လူငယ် စီးပွားရေး လုပ်ငန်းရှင် မောင်ဝိတ်သည် အထိန်းသိမ်းခံနေဆဲ ဖြစ်သည်ဟု ယုံကြည်ရသည်။
စစ်အစိုးရ ထိပ်ပိုင်း ခေါင်းဆောင်များနှင့် သဟဇာတဖြစ်သူ အသက် ၃၅ နှစ်အရွယ် မောင်ဝိတ်နှင့် မိသားစု ကုမ္ပဏီ လီမိတက်၏ မန်းနေးဂျင်း ဒါရိုက်တာ မောင်ဝိတ်ကို မူးယစ်မှုဖြင့်ပင် စစ်ဆေးခံရသည့် ဒုဗိုလ်ချုပ်ကြီး ရဲမြင့်၏သား အောင်ဇော်ရဲမြင့်ကို ဖမ်းဆီးပြီးနောက် နှစ်ရက် အကြာတွင် ဖမ်းဆီးခဲ့သည်ဟု သတင်းရပ်ကွက်များက ပြောသည်။
Maung Weikမဇ္ဈိမက ရန်ကုန်မြို့ လမ်းမတော်လမ်းရှိ မောင်ဝိတ်နှင့် မိသားစု ကုမ္ပဏီ လိမိတက်သို့ ဖမ်းဆီးထားသည် ဆိုသော သတင်းနှင့် ပတ်သက်၍ ဆက်သွယ် အတည်ပြုချက် ရယူရာ ကောလဟလသာ ဖြစ်ပြီး ကျိုက်လတ်မြို့နယ်တွင် နာဂစ်ဆိုင်ကလုံးဒဏ်သင့် ဒုက္ခသည်များအတွက် ကျန်းမာရေး ၀န်ဆောင်မှုနှင့် ပြန်လည် ထူထောင်ရေး လုပ်ငန်းများ လုပ်ဆောင်လျှက် ရှိသည်ဟု ပြန်လည် ဖြေကြားခဲ့သည်။
သို့သော် ကျိုက်လတ်တွင် မောင်ဝိတ် ရောက်ရှိနေခြင်း ရှိ မရှိ မဇ္ဈိမ အထောက်တော်များက သွားရောက် စုံစမ်းခဲ့ရာ ကုမ္ပဏီအနေဖြင့် လုပ်ငန်း များ ဆက်လက် လုပ်ဆောင်နေသော်လည်း ရောက်လာခဲ့ခြင်း မရှိဟု ၀န်ထမ်းများက ပြောသည်။
ရာထူးမြင့် စစ်တပ် အသိုင်းအ၀ိုင်း အပြောအရ ပြည်ထဲရေး ၀န်ကြီးဌာန လက်အောက်ခံ နေရာတခုတွင် ထိန်းသိမ်းခံထားရသည်ဟု ဆိုသည်။
ယခင်ကလည်း မောင်ဝိတ်ကို စစ်ဆေးပြီး ပြန်လွှတ်ပေးလိုက်သည် ဆိုသော သတင်းများ ထွက်ပေါ်ခဲ့သည်။
ဖယ်ရှားခံလိုက်ရသော ၀န်ကြီးချုပ်ဟောင်းဖြစ်သူ ဗိုလ်ချုပ်ကြီး ခင်ညွှန့်နှင့် ရင်းနှီးသူဖြစ်သည့် မောင်ဝိတ်ကို စွဲချက်တင်မည်ဟု စစ်ခေါင်းဆောင် များနှင့် နီးစပ်သည့် သတင်းရပ်ကွက်များက ပြောသော်လည်း မည်သည့် အမှုဖြင့် စွဲချက်တင်မည်ကို မဇ္ဈိမအနေဖြင့် ရှင်းရှင်းလင်းလင်း မသိရသေးပါ။
မောင်ဝိတ်သည် စစ်ဘက်ရေးရာ လုံခြုံရေးဌာန အကြီးအကဲ ဒုဗိုလ်ချုပ်ကြီး မြင့်ဆွေ၏ တူမဖြစ်သူ မယဉ်မင်းခင်ကို လွန်ခဲ့သည့် လအနည်းငယ် အတွင်း မြန်မာကျပ်ငွေ သိန်းပေါင်း ၁ သိန်းပေးကာ ကွာရှင်းထားသူ ဖြစ်သည်။
ဒုဗိုလ်ချုပ်ကြီး မြင့်ဆွေသည် ဗိုလ်ချုပ်မှူးကြီး သန်းရွှေ၏ ဇနီး ဒေါ်ကြိုင်ကြိုင်နှင့်လည်း ဆွေမျိုးတော်စပ်ပြီး ယခင် ထောက်လှမ်းရေး အကြီးအကဲ ဟောင်း ဗိုလ်ချုပ်ကြီးခင်ညွှန် နောက်ပိုင်း တန်ခိုး ထွားလာသူလည်း ဖြစ်သည်။
အောင်ဇော်ရဲမြင့်ကို ဖမ်းဆီးသော အမှုနှင့် ပတ်သက်၍ မဇ္ဈိမက သတင်းဦး ထုတ်ပြန်ပြီး ဖြစ်သည်။ လက်ရှိအချိန်တွင် အောင်ဇော်ရဲမြင့်ကို ပြန်လည် ပြုပြင်ရေး စခန်းတခုတွင် ပို့ထားကာ မူးယစ်ဆေး ဖြတ်လျက် ရှိသည်။
ယခုကဲ့သို့ စစ်အစိုးရ အသိုင်းအ၀ိုင်း၊ ရုပ်ရှင်မင်းသား မင်းသမီးများ အပါအ၀င် ရုပ်ရှင်နယ်ပယ်မှ လူ ၂ ဒါဇင်ခန့်ကိုပါ ခေါ်ယူ စစ်ဆေးမှု ပြုလာခဲ့သည်။
နာမည်ကျော် ရုပ်ရှင်သရုပ်ဆောင် မနန္ဒာလှိုင်နှင့် ကိုဇေသီဟတို့၏ မေလအတွင်းက ပြုလုပ်ခဲ့သော မင်္ဂလာဆောင် အခမ်းအနားသို့ တက်ရောက် ရန် ကာယကံရှင်များက နိုင်ငံတော် အေးချမ်း သာယာရေးနှင့် ဖွံ့ဖြိုးရေးကောင်စီ၏ နံပါတ် ၃ အကြီးအကဲ ဒုတိယ ဗိုလ်ချုပ်ကြီး ရွှေမန်းကို သွားရောက် ဖိတ်ကြားမှုပြုရာမှ အစပြုခဲ့သည်ဟု ဆိုသည်။
မဇ္ဈိမက ကိုဇေသီဟရှိရာ မြရိပ်ညိုဟိုတယ်သို့ ဆက်သွယ် အတည်ပြုချက် ရယူရာတွင် ကိုဇေသီဟက တယ်လီဖုံး လာရောက်ကိုင်ကာ ဆဲရေးပြီး ဖုံးချသွားသည်။
မင်းသမီးများကို အာမခံဖြင့် ပြန်လွှတ်ပေးထားခြင်းမှာ ပြန်ကြားရေးဝန်ကြီး ဗိုလ်မှူးချုပ် ကျော်ဆန်း၏ မေတ္တာရပ်ခံချက်ဟု ပြန်ကြားရေး ၀န်ကြီး ဌာန သတင်းရပ်ကွက်က ပြောသည်။ နာဂစ်မုန်တိုင်းဒဏ် ဒုက္ခသည်များအတွက် ရန်ပုံငွေ ရှာရန် ပြန်ကြားရေး ၀န်ကြီးဌာနက ရုပ်ရှင် အစည်းအရုံးဝင် မင်းသား မင်းသမီးများဖြင့် ဗီဒီယို ၆ ကားကို ရိုက်ကူးလျှက် ရှိသည်။
MIZZIMA NEWS မှယူပါသညါ
ဒီချုပ် ရုံးအတွင်း ကြံ့ဖွံ့များ ဝင်ပြီး လူ ၄ ဦး ဖမ်းဆီး
နေသွင်
ကြာသပတေးနေ့၊ ဇွန်လ 19 2008 13:03 - မြန်မာစံတော်ချိန်
ချင်းမိုင်။ ။ လူထုခေါင်းဆောင် ဒေါ်အောင်ဆန်းစုကြည်၏ ၆၃ နှစ်မြောက် မွေးနေ့ အခမ်းအနား ကျင်းပမည့် ရန်ကုန်တိုင်း ဗဟန်းမြို့နယ် ရွှေဂုံတိုင်လမ်းရှိ အဖွဲ့ချုပ်ရုံးအတွင်း ကြံ့ဖွံ့များ ဝင်ရောက်စီးနင်းကာ သံဃာနှင့် လူပုဂ္ဂိုလ် ၄ ဦးကို ဖမ်းဆီးသွားသည်။
ပြီးခဲ့သည့် နာရီပိုင်းက စွမ်းအားရှင်များသည် တားဆီးနေသည့် ကြားကပင် အခမ်းအနား ကျင်းပမည့် အချိန်ကို စောင့်ဆိုင်းနေသည့် အဖွဲ့ချုပ်ဝင် ၇ဝဝ ခန့်ရှိရာ ရုံးဝင်းအတွင်း ဝင်ရောက်ကာ အခမ်းအနား တက်ရောက်သူများထဲက သံဃာတော်တပါးနှင့် လူ ၃ ဦးကို ဖမ်းဆီးသွားခြင်း ဖြစ်သည်။
“ဆွမ်းလောင်းပြီးတော့ ငှက်တွေ လွှတ်တယ်။ လူတွေက အော်တာပေါ့။ ဒေါ်အောင်ဆန်းစုကြည် ကျန်းမာပါစေလို့။ အဲဒါ စွမ်းအားရှင်တွေ ရောက်လာတယ်။ ၄ ယောက်လောက်တော့ ပါသွားတယ်။ ဦးထွန်းမြင့်၊ ဘုန်းဘုန်းတပါးရယ်၊ နောက် ၂ ယောက်ရယ်” ဟု အဖွဲ့ချုပ် ပြောခွင့်ရသူ ဦးဉာဏ်ဝင်းက ပြောသည်။
အဖွဲ့ချုပ် လူငယ်တဦးက “လုံခြုံရေး ချထားတယ်။ ဝင်ဖမ်းမှာ စိုးလို့။ ဝင်ဖမ်းတာဗျ။ စွမ်းအားရှင်ကားတွေနဲ့ ရုံးအရှေ့မှာ ရပ်လိုက်ပြီးတော့ ဝင်ဖမ်းတယ်။ အခု အရင်နေတဲ့ ရွှေတိဂုံဘုရားဘက်ကို သွားတဲ့ကွေ့မှာ ပြန်ရပ်နေတယ်။ ထောက်လှမ်းရေးတွေလည်း သူ့နေရာမှ ပြန်နေနေ ကြတယ်” ဟု ပြောသည်။
ရုံးအနီးတွင် လက်နက်ကိုင် လုံထိန်းတပ်သား၊ ရဲနှင့် ကြံ့ဖွံ့ စုစုပေါင်း ဦးရေ ၁ဝဝဝ ခန့် လုံခြုံရေး ချထားသည်။
“အားလုံးပေါင်း ၁ ထောင်လောက် ရှိတယ်။ ဒိုင်နာတွေနဲ့ဆို ၅-၇ ကားရှိတယ်။ ရဲကားတွေလည်း အများကြီး” ဟု အဖွဲ့ချုပ် လူငယ်က ပြောသည်။
ဦးဉာဏ်ဝင်းကလည်း “မနက်က ဆွမ်းလောင်းပါတယ်။ သံဃာတွေရော၊ မယ်သီလရှင်တွေရော ဆွမ်းလောင်းပါတယ်။ ရုံးပတ်ဝန်းကျင်မှာတော့ လုံခြုံရေး အကြီးအကျယ် ချထားပါတယ်။ လက်နက်ကိုင် လုံထိန်းကား ၄-၅-၆ စီး ရှိတယ်။ အရပ်ဝတ်နဲ့ လူတွေလည်း အများကြီး ချထား ပါတယ်” ဟု မဇ္ဈိမကို ပြောသည်။
နံနက်ပိုင်းတွင် သံဃာနှင့် သီလရှင် ၂ဝဝ ကျော်ကို ဆွမ်းကပ် လှူပြီးကတည်းက အာဏာပိုင်များနှင့် အန်အယ်ဒီ အဖွဲ့ဝင်များအကြား ထိပ်တိုက် တွေ့မှုများဖြစ်နေပြီး ယခု သတင်းပေးပို့ချိန်အထိ အဖွဲ့ရုံးကို ယာယီ ပိတ်ထားရသည်။
အဖွဲ့ချုပ် လူငယ်တဦးက “အခု ရုံးတွေပိတ်ထားရတယ်။ ခဏ။ ဆွမ်းကျွေးဖို့ ရှိတယ်။ ဘုန်းဘုန်းတွေကို အင်္ဂါနေ့တိုင်း ဆွမ်းလောင်းတာတွေ ဘာတွေ လုပ်ပြီးသွားပြီ။ ဆွမ်းကျွေးမလို့၊ မကျွေးရသေးဘူး” ဟု မဇ္ဈိမကို ပြောသည်။
မဇ္ဈိမက နောက်ဆုံး ဆက်သွယ်သည့် မြန်မာစံတော်ချိန် ၁၂ နာရီခွဲအထိ အာဏာပိုင်များနှင့် အန်အယ်ဒီ လူကြီးများ အကြားတွင် ညှိနှိုင်းနေဆဲ ဖြစ်သည်။
မွေးနေ့ အထိမ်းအမှတ်အဖြစ် ၁ဝ နာရီခွဲ - ၁၁ နာရီခန့်တွင် သံဃာ ၅ ပါးကို နေ့ဆွမ်းကပ်ရန် ဖိတ်ကြားထားသော်လည်း အာဏာပိုင်များက တားမြစ်သဖြင့် မကြွရောက်နိုင်ဟု ဦးဉာဏ်ဝင်းက ပြောသည်။
MIZZIMA NEWS
Wednesday, June 18, 2008
မုန်တိုင်းသင့် ရုပ်အလောင်း သဂြုင်္ိဟ်ပေးသူများ ဖမ်းဆီးခံရ
နန်းဒေဝီ
ဗုဒ္ဓဟူးနေ့၊ ဇွန်လ 18 2008 15:58 - မြန်မာစံတော်ချိန်
နယူးဒေလီ။ ။ မုန်တိုင်းသင့် ရုပ်အလောင်းများကို လိုက်လံမြှုပ်နှံပေးသူ “မြန်မာထရီဗျုး” ဂျာနယ် အယ်ဒီတာချုပ် ဦးအောင်ကျော်ဆန်းနှင့် အဖွဲ့ဝင် ၆ ဦးထက်မနည်းကို အာဏာပိုင်များက ယခုလ ၁၄ ရက်နေ့တွင် ဖမ်းဆီးလိုက်သည်။
“မြန်မာထရီဗျုး” ဂျာနယ်၏ အမှုဆောင် အရာရှိချုပ်လည်းဖြစ်သူ ဦးအောင်ကျော်ဆန်း (၄၅ နှစ်) အပါအဝင် ဧရာဝတီတိုင်း ဘိုကလေးမြို့နယ် အတွင်းရှိ လူသေ ရုပ်အလောင်းများကို လိုက်လံ သိမ်းဆည်းကာ မြေမြှုပ်ပေးနေသူ ၆ ဦးထက်မနည်းကို ပြီးခဲ့သည့် စနေနေ့က ဖမ်းဆီး ထိန်းသိမ်းလိုက်ခြင်း ဖြစ်သည်။
“ကိုအောင်ကျော်ဆန်းကို အခုထိ မလွှတ်သေးဘူး။ ဘိုကလေးမှာ ဖမ်းတာလို့ ပြောတယ်။ ရန်ကုန် ပို့လိုက်ပြီလို့တော့ ကြားတယ်။ အခု ဘယ်မှာ ဆိုတာလဲ သူ့ဇနီးသည်က မသိတော့ စိတ်ပူနေတယ်။ လိုက်ပြီး မေးနေတာပဲ။ ဘယ်မှာလဲဆိုတာ မသိရသေးဘူး” ဟု အမည်မဖော်လိုသူ မိသားစုနှင့် နီးစပ်သူတဦးက ပြောသည်။
သူက “ဘိုကလေးကို သွားလိုက်ပြန်လိုက်ပါပဲ။ စုစုပေါင်းတော့ ၃ ခေါက်လောက် ရှိသွားပြီ။ အခု နောက်ဆုံး အခေါက်မှာ အဖမ်းခံလိုက်ရတာ။ သူနဲ့ အတူတူ အလုပ်လုပ်တဲ့ သူတွေကိုတော့ မနေ့ကပဲ စစ်ဆေး မေးမြန်းတာတွေ လုပ်ပြီးတော့ ပြန်လွှတ်လိုက်တယ်လို့ ကြားတယ်” ဟု ဆက်ပြောသည်။
ဖမ်းဆီးမှုနှင့် ပတ်သက်ပြီး အသေးစိတ် မသိရသေးသော်လည်း လေဘေး ဒုက္ခသည်များကို ဝိုင်းဝန်းကူညီနေသူ စေတနာရှင်များအား အာဏာပိုင်များဘက်က မေးမြန်းစစ်ဆေးခြင်း၊ လိုက်လံတားဆီး နှောင့်ယှက်ခြင်းများ အပြင် ဖမ်းဆီးခြင်းအထိ လုပ်ဆောင်လာသည့်အပေါ် စာပေအနုပညာရှင် အသိုင်းအဝိုင်းက ဝေဖန် ပြောဆိုကြသည်။
အပတ်စဉ်ထုတ် ဂျာနယ် အယ်ဒီတာတဦးက “သူတို့ (အစိုးရ) ကိုယ်တိုင်က မလုပ်နိုင်တဲ့ ကိစ္စတွေကို လူထုဘက်က စေတနာရှင်တချို့က တဖက်တလမ်းကနေ ကူညီပံ့ပိုးပေးတာ ကောင်းတဲ့အချက်ပါ။ ဒါကို လိုက်ပြီး နှောင့်ယှက်တာမျိုး၊ တားဆီး ပိတ်ပင်တာမျိုးလုပ်တာ ဒုက္ခ ရောက်နေတဲ့ လေဘေးဒုက္ခသည်တွေ ပိုပြီး ဒုက္ခ ရောက်စေပါတယ်” ဟု ပြောသည်။
ဦးအောင်ကျော်ဆန်းသည် “မြန်မာထရီဗျူး” ဂျာနယ်ကို လွန်ခဲ့သည့် ၂ လခန့်ကပင် အကြောင်းအမျိုးမျိုးကြောင့် လုပ်ငန်း လည်ပတ်မှု ရပ်ဆိုင်း ခဲ့ကာ နာဂစ် လေမုန်တိုင်းကြောင့် သေဆုံးသည့် ရုပ်အလောင်း အကြွင်းအကျန်များကို မြေမြှုပ်သဂြုင်္ိဟ်သည့် လုပ်ငန်းတွင် လုပ်အားဒါနဖြင့် ဦးဆောင် လုပ်ကိုင်နေသူ ဖြစ်သည်။
mizzima news
ရွှေတိဂုံပေါ်မှ ကျောက်စိမ်းဆင်းတုတော်၏ သမိုင်းမှတ်တမ်းများ ပျောက်ဆုံးသွား
18-6-2008
ရွှေတိဂုံစေတီတော်ရင်ပြင် စနေထောင့်ရှိ ပုည ကုသလအသင်း ဓမ္မာရုံရှိ ကျောက်စိမ်းဆင်းတု တော်၌ ထားရှိသော ဆင်းတုတော်၏ သမိုင်း မှတ်တမ်းများ ပျောက်သွားကြောင်း ဘုရားဖူးများက ပြောသည်။
ယခင်က ကျောက်စိမ်းဆင်းတုတော်၏ သမိုင်းကို ဆင်းတုတော်ရှေ့ ဘေးတဖက်တချက်၌ စိုက်ထူ ထားသော တိုင်ပေါ်တွင်တင်ထားသည့် ကြေးပြားများတွင် ရေးထားခြင်းဖြစ်ပြီး ယခု ထိုတိုင်(၂) တိုင်ကို မတွေ့ရတော့ကြောင်း ဘုရားဖူးများက ပြောသည်။
“ရွှေတိဂုံ လုံခြုံရေးအဖွဲ့က လုံခြုံရေးဝန်ထမ်းတဦးကို မေးကြည့်တော့ နာဂစ်တိုက်ပြီးနောက်ပိုင်း သိမ်းထားတာလို့ပြောတယ်။ သိမ်းထားရတဲ့အကြောင်းကိုတော့ မသိရဘူး။ ဒါဆိုရင် အခြား ဘုရားတွေရဲ့ သမိုင်းစာကိုလည်း သိမ်းရမှာပေါ့။ အခုက အဲဒီဘုရားရဲ့သမိုင်းစာကိုပဲ သိမ်းတာ ဆိုတော့ လူတွေက ပိုပြီး စိတ်ဝင်စားကုန်တယ်” ဟု နိုင်ငံခြားသားဧည့်လမ်းညွှန်တဦးက ပြောသည်။
ပြီးခဲ့သည့် (၁၀) ရက်ခန့်က အဆိုပါ ကျောက်စိမ်းဆင်းတုကို လာရောက်ဖူးမြော်သူထက် လာရောက်လေ့လာကြည့်ရှုသူ ပိုများကြောင်း မျက်မြင်များက ပြောသည်။
“အပြင်မှာ ကောလာဟလတွေ ထွက်နေတာဗျ။ ဒီကျောက်စိမ်းဆင်းတုတော်ကို သန်းရွှေမျက်နှာနဲ့ ဆင်အောင် ထုထားတာလို့ ပျံ့နေတဲ့သတင်းတွေကြောင့် လာကြည့်ကြတာဖြစ်မယ်” ဟု ရွှေတိဂုံ ဘုရားပေါ်တွင် အမြဲတမ်း တရားလာထိုင်နေသူတဦးက ပြောသည်။
အဆိုပါ ကျောက်စိမ်းဆင်းတုတော်ကို နိုင်ငံခြားသားများ ပို၍ဖူးမြော်ကြကြောင်း၊ နအဖက မည်သည့်နိုင်ငံမှဖြစ်စေ လာရောက်သော သံတမန်များအား ယင်းဆင်းတုတော်ကို တကူးတက ဖူးမြော်ပူဇော်ခွင့်ရစေရန် ဆောင်ရွက်ကြောင်း နိုင်ငံအကြီးအကဲများ သွားရာတွင် လိုက်ပါခွင့် ရသူတဦးက ပြောသည်။
၎င်းက “တရုတ်ဧည့်သည်တွေ လာတုန်းကလည်း အဲဒီဘုရားကို လိုက်ပြတယ်။ ဖူးမြော်ကြတယ်။ ကျနော်ကတော့ အဲဒီတုန်းက အမှုမဲ့အမှတ်မဲ့ပါပဲ။ နောက်ပိုင်း လူပြောများလာတော့မှပဲ ဂရုတစိုက် ကြည့်မိတော့ တူသလိုလိုတော့ရှိသား၊ နာမ်နှိမ်ချင်တဲ့သဘောနဲ့ အခုလို ထုထားတာလို့လည်း ကြားရတာပဲ” ဟု ပြောသည်။
ပြည်တွင်း သတင်းအယ်ဒီတာတဦးကလည်း “အင်တာနက်သတင်းတချို့မှာပါတဲ့ ဓာတ်ပုံတွေဆိုရင် လူကြီးလမ်းကြောင်းနောက်က ဓာတ်ပုံဆရာတွေဆီက ရတာကလွဲရင် ဘယ်သူ့ဆီကမှ မရနိုင်ဘူး လေ။ ဂမ်ဘာရီနဲ့ ဘန်ကီမွန်းလာတော့ အဲဒီကျောက်စိမ်းဆင်းတုတော်ကို ဦးနှိမ်ချကန်တော့နေတဲ့ ပုံဟာ ဒီသတင်းသမားတွေဆီက မထွက်ရင် ဘယ်ကမှ မထွက်နိုင်ဘူး။ ဒီဘုရားမျက်နှာတော်ဟာ သန်းရွှေမျက်နှာအတိုင်း ထုထားတယ်ဆိုတဲ့ သတင်းကလည်း သူတို့အထဲက သိတဲ့သူတွေက ပြောတဲ့သတင်းပဲဆိုတာ သေချာတာပေါ့” ဟု ပြောသည်။
အဆိုပါကျောက်စိမ်းဆင်းတုတော်အား ရွှေတိဂုံစေတီတော်ကြီးအား ရွှေသင်္ကန်းကပ်သည့် ၂၀၀၀ ပြည့်နှစ်နောက်ပိုင်းတွင် သတ္တုတွင်းဝန်ကြီးဌာနမှ ထုလုပ်လှူဒါန်းထားခြင်းဖြစ်ကြောင်း၊ ပလ္လင်အပါ
အ၀င် ဆင်းတုတော်၏ အလေးချိန်မှာ (၁၀၁) ကီလိုဂရမ်ကျော် ရှိကြောင်း၊ ဗိုလ်ချုပ်မှူးကြီး သန်းရွှေ၏ အသက် (၄၀) နှစ်က ရုပ်အတိုင်း ထုထားခြင်းဖြစ်ကြောင်း ပြည်တွင်းရှိ နိုင်ငံခြားသား ဧည့်လမ်းညွှန်များထံမှ သိရသည်။
ယခုအခါ အဆိုပါကျောက်စိမ်းဆင်းတုတော်ကို သွားရောက်ကြည့်သူများ ရှိသော်လည်း ဗုဒ္ဓဘာသာ ထုံးတမ်းစဉ်လာအရ မလျှော်ကန်မတင့်တယ်သည့် လုပ်ရပ်ဖြစ်ကြောင်း ပြည်သူများက ဝေဖန်ပြော ကြားကြသည်။ ။
khitpyaing news
၁၈ နှစ်အောက် မိန်းခလေးငယ်များ လိင်လုပ်ငန်းလုပ်ဆောင်ခြင်း ပိုမိုများပြားလာ
18-6-2008
ဆင်းရဲကြပ်တည်းလာသည့် စားဝတ်နေရေးအခြေအနေများကြောင့် ရန်ကုန်မြို့တွင် (၁၈) နှစ် အောက် အမျိုးသမီးငယ်လေးများ လိင်လုပ်ငန်းလုပ်ဆောင်ခြင်းများ ပိုမိုများပြားလာနေသည်။
အမျိုးသမီးငယ်လေးများမှာ မိသားစုစီးပွားရေး ပိုမိုကြပ်တည်းလာနေသဖြင့် နိုက်ကလပ်အချို့ နှင့် လမ်းဘေးများတွင် ခန္ဓာကိုယ်ရင်းနှီးကာ ဝင်ငွေရှာဖွေနေရခြင်းဖြစ်သည်။
စစ်အစိုးရအရာရှိတဦး ဖွင့်လှစ်ထားသည့် အင်ပါယာအမည်ရှိ နိုက်ကလပ်နှင့် ဘီယာရောင်းချ သည့် နေရာများတွင် (၁၇) နှစ်နှင့် အသက် (၂၀) ကြား မိန်းခလေးငယ်အများအပြားကို တွေ့မြင် နေရသည်ဟု ရန်ကုန်မြို့ခံတဦးက ပြောသည်။
“သိမ်ကြီးဈေးအပေါ်ထပ်က အင်ပါယာနိုက်ကလပ်၊ ပန်းဆိုးတန်းက အင်ပါယာဘီယာစတေရှင်နဲ့ ကန်တော်လေးက အင်ပါယာဘီယာစတေရှင်မှာ မိန်းခလေးငယ်လေးတွေ နည်းတာမဟုတ်ဘူး၊ အပြင်ကလာတာ မဟုတ်ပဲ သူတို့ဆီမှာပဲ အယောက်(၃၀) လောက်ရှိတယ်၊ အပြင်ကလာတာနဲ့ ဆိုရင် (၁၀၀) လောက်ရှိမယ်၊ အဲ့ဒီဆိုင်တွေက ဗိုလ်မှူးစိုးမင်းထက်ဆိုတဲ့ လူပိုင်တာ၊ သူ့ အမျိုးသမီးက ရန်ကုန်တိုင်းအမျိုးသမီးရေးရာအဖွဲ့က ဒေါ်ခင်စောရီပါ” ဟု ရန်ကုန်မြို့ခံတဦးက ပြောသည်။
ဒေါ်ခင်စောရီမှာ ရန်ကုန်တိုင်းအမျိုးသမီးရေးရာအဖွဲ့မှ ဒုတိယဗိုလ်ချုပ်ကြီးမြင့်ဆွေ၏ ဇနီး အနီးတွင် လိုက်ပါနေရသူဖြစ်ပြီး ယခုကဲ့သို့ လုပ်ငန်းလုပ်ဆောင်ခြင်းကို အရေးယူခြင်းမရှိ ကြောင်း ၎င်းကဆက်လက်ပြောဆိုသည်။
အမျိုးသမီးငယ်အများစုမှာ ဆင်ခြေဖုံးရပ်ကွက်များဖြစ်သည့် လှိုင်သာယာ၊ တောင်ဒဂုံ၊ မြောက် ဒဂုံနှင့် သာကေတ မြို့နယ်များမှအများစုဖြစ်ကြပြီး ညနေပိုင်းအချိန်များတွင် ရန်ကုန်မြို့လယ်ရှိ အများပြည်သူသွားရာလမ်းပေါ်တွင် တွေ့မြင်နေရသည်ဟု ဆိုသည်။
“ညနေ (၅) နာရီ (၆) နာရီလောက်ဆိုရင် တက္ကစီနဲ့လာကြပြီ၊ အင်ပါယာကလပ်က ကာရာအိုကေ အရင်ဖွင့်တယ်၊ ကာရာအိုကေမှာ ထိုင်ကြတယ်၊ ကိုးနာရီကျော်တာနဲ့ နိုက်ကလပ်ဖြစ်သွားပြီး လာတဲ့ဧည့်သည်တွေ ခေါ်တဲ့နောက်ကို လိုက်သွားကြတာပဲ” ဟု မျက်မြင်အမျိုးသမီးတဦးက ပြောဆိုသည်။
စီးပွားရေးပိုမိုကြပ်တည်းလာသည့် အခြေအနေများကြောင့် ယခုလပိုင်းအတွင်း ရန်ကုန်မြို့ပေါ်ရှိ လူနေအိမ်တိုက်ခန်းအချို့တွင်လည်း အမျိုးသမီးငယ်လေးများဖြင့် လိင်လုပ်ငန်းလုပ်ကိုင်မှု ပိုမို များပြားလာနေသည်ဟု ၎င်းကဆက်လက်ပြောဆိုသည်။
စစ်အစိုးရအနေဖြင့် အမျိုးသမီးရေးရာအဖွဲ့ကိုဖွဲ့စည်း၍ စွမ်းဆောင်ရည်မြင့်မားအောင် ပြုလုပ်နေ ကြောင်း ပြောဆိုနေသော်လည်း ယခုကဲ့သို့ ဖြစ်ပွားနေခြင်းများကို ကာကွယ်တားဆီးပေးခြင်း မရှိကြောင်း အမျိုးသမီးတဦးက “အမျိုးသမီးရေးရာက ဒါတွေ တကယ်တမ်း စိုးရိမ်တယ်သာ ပြောတာ၊ ဘယ်ကလပ်သွားကြည့်လိုက် သွားကြည့်လိုက် (၁၇) နှစ် (၂၀)နှစ်အရွယ်လေးတွေ ထွက်လာတာတွေ့နေရတယ်၊ ဒီလိုဖြစ်နေတာ နိုင်ငံတော်အစိုးရမှာ အများကြီးတာဝန်ရှိတယ်” ဟု ပြောသည်။
အချို့အမျိုးသမီးငယ်များမှာ ရှမ်းပြည်မြောက်ပိုင်း၊ လားရှိုးမြို့ဘက်မှ လာရောက်ကြသည့်သူများ ဖြစ်ပြီး စီးပွားရေးကြပ်တည်းမှုကြောင့် ခန္ဓာကိုယ်ရင်းနှီး လုပ်ကိုင်စားသောက်နေရသည်ကို စိတ်မကောင်းစွာ မြင်တွေ့နေရသည်ဟု ၎င်းကဆက်လက်ပြောဆိုသည်။
“ဒီတပတ်အတွင်းကြားနေရတာတွေက အဲဒီအကြောင်းတွေဘဲ ကြားနေရတယ်၊ ရန်ကုန်မှာ ကလပ်ပေါင်းကလည်း မနဲဘူး၊ သိသလောက်တောင် (၁၀) ခုလောက်ရှိတယ်၊ အခုဆို ပေါ်တင်ဘဲ ဈေးစကားကို လမ်းမှာဘဲ ပြော၊ ကားပေါ်တင်သွား၊ လမ်းမှာတင်ဘဲ မြင်တဲ့သူ တောင် ရှက်တယ်၊ အဲလိုဖြစ်နေတာ၊ အလွန်ဆုံးရှိမှ (၂၀) လောက်ဘဲ ငယ်ငယ်လေးတွေ၊ စိတ်ထဲမကောင်းလိုက်တာရှင်” ဟု ရန်ကုန်မြို့မှ အမျိုးသမီးတဦးက ပြောဆိုသွားခဲ့သည်။
ရန်ကုန်မြို့တွင် အမျိုးသမီးငယ်များဖြင့် စားသောက်ဆိုင်၊ နိုက်ကလပ်နှင့်၊ ဘီယာဆိုင်များ အများအပြားဖွင့်လှစ်ထားပြီး အဆိုပါလုပ်ငန်းလုပ်ကိုင်သူအများစုမှာ စစ်ဘက်ဆိုင်ရာ အရာရှိ များနှင့် ၎င်းတို့နှင့်နီးစပ်သူများပင်ဖြစ်သည်။
yoma 3 news
မွေးနေ့နိုင်ငံရေး ယဉ်ကျေးမှု
PDF Print E-mail
ဆောင်းပါး
နေသွင်
ဗုဒ္ဓဟူးနေ့၊ ဇွန်လ 18 2008 16:45 - မြန်မာစံတော်ချိန်
လူပုဂ္ဂိုလ်တယောက်ရဲ့ မွေးနေ့ပွဲဆိုတာ ပျော်ပျော်ရွှင်ရွှင် ကျင်းပရတဲ့ ပွဲလမ်းတခုပါ။ ဖယောင်းတိုင်ထွန်း၊ ကိတ်မုန့်လှီး၊ Happy Birthday! ဆိုပြီး၊ ခွက်ချင်းတိုက်ကြတဲ့ အခါသမယပါပဲ။ ဒါပေမဲ့ မြန်မာပြည်ရဲ့ မွေးနေ့ပွဲ ယဉ်ကျေးမှုကတော့ ဒီလို ဖြစ်ရိုးဖြစ်စဉ် ကိစ္စတွေ မဖြစ်တတ်ပါဘူး။
အထူးသဖြင့် မြန်မာပြည်က ဂုဏ်သိက္ခာရှိတဲ့ လူတွေရဲ့ မွေးနေ့ အခမ်းအနားတွေကို သာရေးကိစ္စလို့ နားလည်မိရင် တက်တက်စင် လွဲပါတယ်။ ဒီလိုပွဲလမ်းတွေဟာ သာရေးထက် နာရေးဖြစ်ဖို့ များပါတယ်။ လွတ်လပ်စွာ စည်းရုံးခွင့် မရှိတဲ့ တိုင်းပြည်မှာ အစိုးရနဲ့ သဘောကွဲလွဲတဲ့ အုပ်စုတွေအတွက် ရှားရှားပါးပါး ရရှိတဲ့ စုရုံးလှုပ်ရှားခွင့် ဖြစ်နေတတ်လို့ပါ။
မနက်ဖြန် ဇွန်လ ၁၉ ရက်နေ့ဟာ ဒေါ်အောင်ဆန်းစုကြည်ရဲ့ ၆၃ နှစ်မြောက် မွေးနေ့ ဖြစ်ပါတယ်။ လွန်ခဲ့တဲ့ နှစ်တွေက အတိုင်းပဲ မွေးနေ့ရှင် မတက်ရောက်နိုင်တဲ့ မွေးနေ့ပွဲကို ဒီမိုကရေစီ လိုလားသူတွေက ပြည်တွင်းပြည်ပမှာ ကျင်းပမှာ ဖြစ်ပါတယ်။ မုန်တိုင်းကြောင့် လူသန်းချီပြီး အတိဒုက္ခ ရောက်နေချိန်မှာ ဒေါ်အောင်ဆန်းစုကြည်ရဲ့ ၆၃ နှစ် မွေးနေ့ အခမ်းအနားကို ကျင်းပဖို့ စည်းရုံး လှုပ်ရှားသူတွေ အနေနဲ့ ကသိကအောက် ဖြစ်စရာ ကောင်းပါတယ်။ ဒါပေမဲ့ ဇွန်လ ၁၉ ရက်နေ့ဟာ မြန်မာပြည်မှာ လူ့အခွင့်အရေးနဲ့ ဒီမိုကရေစီရေး ကင်းမဲ့မှုကို မီးမောင်းထိုးပြတဲ့ နေ့တနေ့ ဖြစ်တဲ့အတွက် နိုင်ငံရေး လှုပ်ရှားသူတွေ အနေနဲ့ ဒီအခွင့်အရေးကို လက်လွှတ်ခံမှာ မဟုတ်ပါဘူး။ နေအိမ် အကျယ်ချုပ်ဘဝနဲ့ မွေးနေ့ရှင်ဟာ မြန်မာပြည်မှာ ထောင်နဲ့ချီနေတဲ့ နိုင်ငံရေး အကျဉ်းသားတွေရဲ့ နိမိတ်ပုံဖြစ်သလို လူ့အခွင့်အရေး ဆုံးရှုံးနေတဲ့ ပြည်သူ သန်းပေါင်း ၅ဝ ကျော်ရဲ့ သင်္ကေတ ဖြစ်နေလို့ပါပဲ။ နှစ်စဉ်ဇွန်လ ၁၉ ရက်နေ့ဟာ မြန်မာပြည်ရဲ့ ဒီမိုကရေစီနဲ့ လူ့အခွင့်အရေး တိုက်ပွဲဝင်မှုကို ကမ္ဘာကြီးက အာရုံထားမိတဲ့ တဒါဇင်လောက်သာရှိမယ့် နေ့ရက်တွေထဲက ရက် တရက် ဖြစ်နေလို့ပါပဲ။
မြန်မာပြည်ရဲ့ ထူးခြားချက်က သာရေး၊ နာရေးကိစ္စတွေဟာ သာမန် သာရေး၊ နာရေးကိစ္စသက်သက် မဟုတ်ဘဲ အဲဒီခေတ်နဲ့ ဖိနှိပ်အုပ်ချုပ်တဲ့ အစိုးရကို ဝေဖန်တဲ့ စကားဝိုင်းတွေ ဖြစ်နေတတ်ပါတယ်။ ဒီလို ပွဲလမ်းတွေကနေ အစိုးရ ဆန့်ကျင်သူတွေက အစိုးရကို အာခံဖို့ ကြိုးပမ်းကြတာ ထိပ်တန်း လျှို့ဝှက်ချက်တခု မဟုတ်တော့ပါဘူး။ ဒီမိုကရေစီ လိုလားသူတွေရော၊ အစိုးရတွေ ကိုယ်တိုင်ရော ကောင်းစွာ သဘောပေါက်ထားတဲ့၊ လူတိုင်းသိတဲ့ လျှို့ဝှက်ချက် တခုသာ ဖြစ်ပါတယ်။ ဒါကြောင့် ဒီလို လူစုလူဝေး ကိစ္စတွေကို အစိုးရက မျက်ခြေ အပြတ်မခံသလို ဆန့်ကျင်ဘက် အုပ်စုတွေကလည်း ဘယ်တုန်းကမှ လက်လွှတ်မခံခဲ့ပါဘူး။
ထင်ရှားတဲ့ အဖြစ်အပျက်တွေကတော့ ၁၉၇၆ မတ်လ ၂၃ မှာ ကျရောက်တဲ့ သခင်ကိုယ်တော်မှိုင်းရဲ့ နှစ် ၁ဝဝ ပြည့်မွေးနေ့ကို အကြောင်းပြု ဖြစ်ပွားခဲ့တဲ့ မှိုင်းရာပြည့် အရေးတော်ပုံ၊ ၁၉၇၄ ခုနှစ်၊ ဒီဇင်ဘာမှာ ကုလသမဂ္ဂ အထွေထွေ အတွင်းရေးမှူးချုပ်ဟောင်း ဦးသန့်ရဲ့ ဈာပနကို အကြောင်းပြု ဖြစ်ပွားခဲ့တဲ့ ဦးသန့် အရေးအခင်းတို့ ဖြစ်ပါတယ်။ အဲဒီ လှုပ်ရှားမှုတွေဟာ အစပိုင်းမှာ သာရေး၊ နာရေးကိစ္စလို့ ထင်ရပေမယ့် အစိုးရနဲ့ ဆန့်ကျင်ဘက် အင်အားစုတွေကြားမှာ ထိပ်တိုက်တွေ့မှုနဲ့ အဆုံးသတ်သွားပါတယ်။ အစိုးရ ဖြုတ်ချရေးအတွက် လှုပ်ရှားတဲ့ ဒီ အဖြစ်အပျက် ၂ ခုစလုံးမှာ ကျောင်းသားပေါင်း ရာချီ အဖမ်းခံခဲ့ရသလို အစိုးရ ဆန့်ကျင်တဲ့ မျိုးဆက်သစ် များစွာကို မွေးထုတ် ပေးနိုင်ခဲ့ပါတယ်။ ၁၉၇၆ ခုနှစ်မှာ ကွယ်လွန်တဲ့ နိုင်ငံကျော် စာရေးဆရာ သခင်မြသန်း၊ ၁၉၇၈ မှာ ကွယ်လွန်တဲ့ စာရေးဆရာ ဗမော်တင်အောင်တို့ရဲ့ ဈာပန အခမ်းအနားတွေဟာလည်း သာမန် နာရေးကိစ္စသာမက နိုင်ငံရေး အဓိပ္ပာယ်တွေ ပျော်ဝင်နေခဲ့ပါတယ်။ ဒီလက်ဝဲ စာရေးဆရာ ၂ ယောက် စလုံးဟာ စစ်အစိုးရကို အံတုလို့ အကျဉ်းထောင်နဲ့ ကျွန်းတွေမှာ သက်တမ်း အတော်များများ ကျင်လည်ခဲ့သူတွေ ဖြစ်ပါတယ်။
ပြီးခဲ့တဲ့ ဧပြီလ ၇ ရက်နေ့မှာ ကွယ်လွန်သွားတဲ့ မန္တလေးက လူထု သတင်းစာ ဆရာမကြီးရဲ့ ဈာပနကို ဒီမိုကရေစီ ဘက်တော်သားတွေ တက်ရောက်ကြသလို ဒေါ်အောင်ဆန်းစုကြည်ကလည်း နေအိမ်အကျယ်ချုပ် ဘဝကနဲ့ နှင်းဆီပန်းခွေတခွေ ပို့ခဲ့ပါသေးတယ်။ ဒီဘက်ခေတ်မှာ ဒေါ်အမာ၊ ဆရာကြီး ဒဂုံတာရာတို့ရဲ့ မွေးနေ့ တွေဟာ ဒီမိုကရေစီဘက် တော်သားတွေအတွက် ဆုံချက်ဖြစ်ပါတယ်။ ဒေါ်အမာဟာ ပြီးခဲ့တဲ့ နိုဝင်ဘာ ၂၉ ရက်နေ့က ၉၂ ပြည့် မွေးနေ့ကို နောက်ဆုံး ကျင်းပခဲ့ပါတယ်။ ပြီးခဲ့တဲ့ မေလ ၁ဝ ရက်နေ့မှာ အသက် ၉ဝ ပြည့်သွားတဲ့ ဆရာကြီး ဒဂုံတာရာကတော့ မြန်မာပြည်ရဲ့ လက်ရှိ နိုင်ငံရေး၊ လူမှုရေး အကျပ်အတည်းတွေ အောက်မှာ မွေးနေ့ပွဲ မကျင်းပလိုတာကြောင့် ထားလိုက်ပါတယ်။ မေလ ၂-၃ ရက်နေ့ မုန်တိုင်းနဲ့၊ မေလ ၁ဝ ရက်နေ့မှာ စစ်အစိုးရက လူထုဆန္ဒ ခံယူပွဲတို့ဟာ ဆရာကြီးရဲ့ မွေးနေ့ပွဲကို ဖျက်ဆီးခဲ့တဲ့ အဓိက လက်သည်တွေ ဖြစ်ပါတယ်။
မွေးနေ့ပွဲလို၊ ဈာပနလို့ သာမန်ကိစ္စတွေဟာ အစိုးရရေးအထိ ဖြစ်လာဖူးတဲ့ အတိတ်က သင်ခန်းစာကြောင့် စစ်အစိုးရ ထောက်လှမ်းရေးတွေရဲ့ ကင်မရာ မီးရောင်အောက်မှာ ကျင်းပရလေ့ ရှိပါတယ်။ ဒီအခြေအနေတွေ အောက်မှာပဲ ဒေါ်အမာတို့၊ ဒဂုံတာရာတို့ရဲ့ မွေးနေ့ပွဲတွေကို မြန်မာပြည် အရပ်ရပ်က ဒီမိုကရေစီ အင်အားစုတွေ အရောက် လာကြပါတယ်။ အခမ်းအနားမှာ မွေးနေ့ရှင်ကို ဂုဏ်ပြုကြရုံ သက်သက်မဟုတ်ဘဲ မြန်မာပြည် ရဲ့ နိုင်ငံရေး အခြေအနေ အရပ်ရပ်ကို သုံးသပ်ကြ၊ အကြောင်းအမျိုးမျိုးကြောင့် မွေးနေ့ပွဲ မတက်ရောက်နိုင်တဲ့ သူတွေကို အောက်မေ့ကြ၊ လမ်းခုလတ်မှာ ကျဆုံးသွားတဲ့ သူတို့ရဲ့ လုပ်ဖော်ကိုင်ဘက်တွေကို သစ္စာပြုကြ စတဲ့ နိုင်ငံရေး ရည်ရွယ်ချက်တွေကို တက်ရောက်လာသူတွေက မမေ့မလျော့ လုပ်ဆောင်ကြပါတယ်။ တနည်း ပြောရရင် မြန်မာပြည်က သြဇာ တက္ကမကြီးတဲ့ မွေးနေ့ပွဲ အခမ်းအနားတွေဟာ စစ်အစိုးရ လက်အောက်မှာ ရှားရှားပါးပါးရတဲ့ လူထုတွေရဲ့ ပြောရေးဆိုခွင့်၊ စစ်အစိုးရကို ဝေဖန်ခွင့်နဲ့ နားထောင်ခွင့်ရတဲ့ နိုင်ငံရေး တရားပွဲတွေ ဖြစ်ပါတယ်။
အထက်က မွေးနေ့ပွဲတွေအပြင် လုပ်ဖော်ကိုင်ဘက် လူတစုလောက်နဲ့ အကျဉ်းရုံးကျင်းပတဲ့ မွေးနေ့ပွဲတွေလည်း ရှိပါတယ်။ ပြီးခဲ့တဲ့ ဇွန်လ ၁၂ ရက်နေ့ကလည်း လွတ်လပ်ရေးတိုက်ပွဲဝင် သခင်သိန်းဖေရဲ့ ၉၂ နှစ်ပြည့်မွေးနေ့ကို ရန်ကုန်မှာ ကျင်းပပြီး သခင်တွေက မြန်မာပြည် အခြေအနေ ဟာ လွတ်လပ်ရေး မရခင်ကထက် လူ့အခွင့်အရေး ဆုံးရူံးမှုတွေ ရှိတယ်လို့ ရေးထားတဲ့ စစ်အစိုးရကို ဝေဖန်တဲ့ သဘောထားကို ထုတ်ပြန် ပါတယ်။ မတ်လ ၁၂ ရက်နေ့ကလည်း ဟံသာဝတီဦးဝင်းတင်ရဲ့ မွေးနေ့ အခမ်းအနားကို လုပ်ဖော်ကိုင်ဘက် သတင်းစာဆရာတွေက နှစ်စဉ် ရန်ကုန်မြို့မှာ ကျင်းပခဲ့ပါသေးတယ်။ ၇၈ နှစ်ပြည့်မွေးနေ့မှာ ဦးဝင်းတင်က “စု၊ လွှတ်၊ တွေ့” ဆိုတဲ့ သူရဲ့မူကို မွေးနေ့ သတင်းစကားအဖြစ် အင်းစိန်ထောင်ထဲကနေ အပြင်ကမ္ဘာကို သတင်းစကား ပါးလိုက်ပါတယ်။ ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားတွေကို ပြန်လွှတ်ပါ၊ လွှတ်တော်ခေါ်ပါ။ တွေ့ဆုံ ဆွေးနွေးပါဆိုတဲ့ အဓိပ္ပာယ်ပါ။
မွေးနေ့ပွဲ နိုင်ငံရေး ယဉ်ကျေးမှုကို အတိုက်အခံတွေ သာမက စစ်အစိုးရဘက်ကလည်း အသုံးပြုခဲ့တာတွေလည်း ရှိပါတယ်၊ အထင်ရှားဆုံး ကတော့ ကွယ်လွန်သွားတဲ့ ကရင် အမျိုးသား ခေါင်းဆောင်ကြီး ဗိုလ်ချုပ်မြရဲ့ မွေးနေ့ကို ဗိုလ်ချုပ်ခင်ညွန့်က ရန်ကုန်မြို့မှာ ခမ်းခမ်းနားနား ကျင်းပပေးခဲ့တာ ဖြစ်ပါတယ်။ ကရင်အမျိုးသားဝတ်စုံ ဝတ်ထားတဲ့ ထောက်လှမ်းရေး ခေါင်းဆောင်ကြီးဟာ ကရင့် အမျိုးသား ခေါင်းဆောင်ကြီး အတွက် ဟန်ပါပါ မွေးနေ့ ဆုတောင်း ပေးခဲ့တဲ့ပုံရိပ်ဟာ ဟာသ ဆန်ခဲ့ပါတယ်။ စစ်အစိုးရ ခေါင်းဆောင်တွေထဲမှာ သံခင်တမန်ခင်း အကောင်းဆုံးလို့ သတ်မှတ်ခံရတဲ့ ထောက်လှမ်းရေး ခေါင်းဆောင်ဟာ ဒီမိုကရေစီ ဘက်တော်သားတွေရဲ့ မိခင်ဖြစ်တဲ့ ဒေါ်အမာရဲ့ မွေးနေ့ကို ပန်းခြင်းပို့ခဲ့တဲ့ အခါလည်း ရှိခဲ့ပါသေးတယ်။ ဒါပေမဲ့ ဒီတကြိမ်ကလည်း ကြောင်တောင်တောင် လူရယ်စရာ အဖြစ်အပျက်တခုပဲ ဖြစ်ခဲ့ရပါတယ်။
အစကို ပြန်ကောက်ရရင် မနက်ဖြန်မှာ ဒေါ်အောင်ဆန်းစုကြည် အသက် ၆၃ နှစ်ပြည့်ပါတယ်။ ပြီးခဲ့တဲ့ တလအတွင်းကလည်း ဒေါ်အောင်ဆန်း စုကြည် လွတ်မြောက်ရေးထက် ဒုက္ခသည်တွေ အရေးကို ပိုအာရုံစိုက်သင့်တယ် ဆိုတဲ့ အယူအဆတခုက ရေပန်းစားခဲ့ပါသေးတယ်။ အခုလည်း ဧရာဝတီတိုင်းမှာ အခြေအနေ ဆိုးနေတုန်းပါပဲ။ ဒီလိုအခြေအနေနဲ့ တိုက်ဆိုင်စွာပဲ လူထုခေါင်းဆောင်က အသက် ၆၃ နှစ်ပြည့်သွားတာပါ။ မုန်တိုင်းကြောင့် လူသန်းချီ ဒုက္ခရောက်နေတဲ့ အချိန်မှာ ဒေါ်အောင်ဆန်းစုကြည် လွတ်မြောက်ရေးကိစ္စ၊ တနည်း မွေးနေ့ပွဲ ကျင်းပရတာ မလျှော်ကန်ဘူးဆိုတဲ့ အမြင်တွေ ပေါ်ထွက်လာတာ မဆန်းပါဘူး။ ဒါပေမဲ့ မနက်ဖြန် မွေးနေ့ပွဲမှာ “Happy Birthday!” ဟာ သာမန်ကိစ္စသာ ဖြစ်ပါတယ်။ စည်းရုံး ဆော်သြသူတွေ အနေနဲ့ လူပုဂ္ဂိုလ်တွေ၊ အဖြစ်အပျက်တွေထက် အဲဒါတွေနောက်မှာ ရှိတဲ့လေးနက်တဲ့ တန်ဖိုးတွေကို မျက်ခြေပြတ်မယ်လို့တော့ မထင်ပါဘူး။
mizzima news
Tuesday, June 17, 2008
ဓားပြများက ကျောင်းဆရာမကို ပြန်ပေးဆွဲ
အင်္ဂါနေ့၊ ဇွန်လ 17 2008 16:41 - မြန်မာစံတော်ချိန်
အိုက်ဇော။ ။ ချင်းပြည်နယ် ပလက်ဝမြို့နယ် ပေါင်းမိုကျေးရွာရှိ ကျောင်းဆရာမ တဦးနှင့် ကောလိပ် ကျောင်းသူတဦးကို အမည်မသိ လက်နက်ကိုင် ၅ ဦးက ယခုလ ၉ ရက်နေ့က ပြန်ပေးဆွဲသွားသည်။
၉ ရက်နေ့ ညပိုင်းတွင် လက်နက်ကိုင် ဓားပြ ၅ ဦးသည် ကျေးရွာအတွင်း ဝင်ရောက်ကာ ရွာလူကြီးများအား ခေါ်ယူပြီး ကျပ်ငွေ သိန်း ၇ဝ တောင်းရာ သိန်း ၂ဝ သာ ပေးနိုင်သဖြင့် ပေါင်းမိုရွာ မူလတန်း ကျောင်းဆရာမ မအောင်ပ (၂၆ နှစ်) နှင့် အဘ ဦးဇာနည်အောင် ၏ သမီးဖြစ်သူ ကောလိပ်ကျောင်းသူ မရာရီး (၁၈ နှစ်) တို့အား ပြန်ပေးဆွဲသွားခြင်း ဖြစ်သည်၊၊
“လက်နက်ကိုယ်စီ ကိုင်ပြီး ညမှာ ရွာထဲကို သူတို့ ဝင်လာတယ်။ ရပ်ရွာလူကြီးတွေ ခေါ်ပြီးမှ ငွေတောင်းတယ်။ သိန်း ၇ဝ တောင်းတယ်။ လူကြီးတွေက သိန်း ၂ဝ ပဲ ပေးနိုင်တာကြောင့် ကျန်တဲ့ သိန်း ၅ဝ အတွက် အမျိုးသမီး နှစ်ယောက်ကို ပြန်ပေးဆွဲတဲ့ သဘောနဲ့ ခေါ်သွားတယ်” ဟု ပလက်ဝမြို့မှ အမည်မဖော်လိုသူ ဒေသခံတဦးက ပြောသည်၊၊
မျက်နှာဖုံး စွပ်မထားသည့် ဓားပြများသည် ရွာထဲတွင် ဗမာစကားသာ ပြောဆိုခဲ့ပြီး၊ ကျန်ရှိသည့်ငွေ ပေးချေရမည့် နေရာကို ပြောဆိုခြင်း မရှိသေးကြောင်းနှင့် သူတို့သည် မည်သည့် လက်နက်များ ကိုင်ဆောင်ခဲ့သည်ကို မခန့်မှန်းနိုင်ကြောင်း ဒေသခံများက ဆိုသည်။
ဓားစာခံ အမျိုးသမီးများနှင့် ပတ်သက်ပြီး ရွာမှ တရက်ကြာ လမ်းလျှောက်သွားရသည့် စဥ့်အိုးဝကျေးရွာ အခြေစိုက် ပြည်သူ့ ရဲတပ်ဖွဲ့ထံ ကျေးရွာ လူကြီးများက တိုင်ကြားသော်လည်း တာဝန်ယူ ဖြေရှင်းနိုင်ခြင်း မရှိသေးပါ။
ဓားစာခံများ၏ ဆွေမျိုးများကမူ ဖမ်းဆီး ခံထားရသူများ ပြန်လည် လွတ်မြောက်ရေးအတွက် လိုအပ်သည့်ငွေ ပြည့်မီရန် ရှာဖွေနေကြသည်။
မရာရီး၏ ဆွေမျိုးတဦးက “ဖမ်းသွားကတည်းက အခုထိ သူတို့ ဘာမှ အကြောင်းမကြားသေးဘူး၊ ဘယ်နေရာမှာ ထားသလဲဆိုတာလည်း မသိရဘူး။ အခု ကျန်နေသေးတဲ့ ပိုက်ဆံကိုလည်း သူတို့ကို ပြန်ရွေးဖို့ ရှာနေရတယ်။ အတိုးနဲ့ချေးဖို့ ရှာနေတုန်း” ဟု ပြောသည်၊၊
ယခင်ကလည်း ပလက်ဝမြို့နယ် ကျေးရွာအချို့တွင် လက်နက်ကိုင် အချို့က အလားတူ ဆက်ကြေးသဘော တောင်းခံမှုမျိုး ရှိခဲ့ဟု ဆိုသည်။
MIZZIMA NEWS
Thursday, June 12, 2008
မြန်မာတပြည်လုံးတွင် SAVE BURMA အမည်ရ စစ်သင်္ဘောများ ဗွီစီဒီခွေ ပျံ့နှံ့နေ
12-6-2008
နာဂစ်မုန်တိုင်း တိုက်ခတ်ပြီး နှစ်ပတ်အကြာက မြန်မာလေဘေးဒုက္ခသည်များကို ကယ်ဆယ်ကူညီရေး လုပ်ဆောင်ရန်အတွက် အမေရိကန်စစ်သင်္ဘောများ ဖြစ်ကြသည့် USS Essex, USS Juneau နှင့် USS Harpers၊ ပြင်သစ်စစ်သင်္ဘော Le Mistral နှင့် ဗြိတိသျှစစ်သင်္ဘော HMS Webminster တို့သည် မြစ်ဝကျွန်း ပေါ်ကမ်းရိုးတန်းအနီးသို့ ဦးတည်ခုတ်မောင်းခဲ့ကြသည်။ အဆိုပါ စစ်သဘောင်္ (၅)စင်း မြစ်ဝကျွန်းပေါ် ကမ်းရိုး တန်းအနီးသို့ ဦးတည်ခုတ်မောင်းလာပုံကို ပြသထားသည့် SAVE BURMA အမည်ရ ဗွီစီဒီ မှတ်တမ်းခွေသည် ယခုအခါ မြန်မာတနိုင်ငံလုံးတွင် ပျံ့နှံ့နေပြီး မြန်မာစစ်တပ်အတွင်းမှ စစ်သားမိသားစုများပင် စိတ်ဝင်တစား ၀ယ်ယူအားပေး ကြည့်ရှုနေကြကြောင်း၊ မြန်မာပြည်သူများကြားတွင် “သဘောင်္ခွေ”ဟု လူသိများလျက်ရှိ ကြောင်း သတင်းရရှိသည်။ လက်ဖက်ရည်ဆိုင်များ၊ ဘီယာဆိုင်များတွင် အဆိုပါ ဗွီစီဒီအခွေကို ၀ိုင်းအုံကြည့်ရှု နေကြပြီး လက်ခုပ်လက်ဝါးတီးကာ “မြန်မြန် ၀င်ပါတော့ဗျို့”ဟု အော်ဟစ် အားပေးနေကြကြောင်း မျက်မြင် သက်သေတဦးက ပြောကြားသည်။
အမေရိကန်စစ်သင်္ဘောများ ဖြစ်ကြသည့် USS Essex, USS Juneau နှင့် USS Harpers တို့သည် မြစ်ဝကျွန်းပေါ် ကမ်းရိုးတန်းအနီး ရေမိုင် (၆၀)အကွာ၌ လည်းကောင်း၊ ပြင်သစ်စစ်သင်္ဘော Le Mistral သည် ရေမိုင် (၁၃)မိုင်အကွာ၌ လည်းကောင်း၊ ဗြိတိသျှစစ်သင်္ဘော HMS Webminster သည် ရေမိုင် (၁၂)မိုင် အကွာ၌လည်းကောင်း အသီးသီး စောင့်ဆိုင်းနေခဲ့ကြသည်။ ယခုအခါ မြန်မာစစ်အစိုးရက ကယ်ဆယ်ကူညီ ရေးအတွက် ၀င်ရောက်ခွင့်ပြုရန် ငြင်းဆန်သဖြင့် အမေရိကန်နှင့် ပြင်သစ်စစ်သင်္ဘောများ ပြန်လည်ဆုတ်ခွာ သွားကြပြီး ဗြိတိသျှစစ်သင်္ဘော HMS Webminster သာ ဆက်လက်စောင့်ဆိုင်းလျက်ရှိသည်။
မြန်မာပြည်တွင်းမှ ရောက်ရှိလာသည့် အဆိုပါ ဗွီစီဒီခွေသည် မဲဆောက်မြို့ရှိ မြန်မာရွှေပြောင်း အလုပ်သမား များ ကြားတွင်လည်း ပျံ့နှံ့လျက်ရှိပြီး ကြည့်ရှုသူအပေါင်းက မိမိတို့၏ ညီနောင်သားချင်း ဒုက္ခသည်များကို အလျင်အမြန် ကယ်တင်ရန်အတွက် စစ်သင်္ဘောများ မြန်မြန်ဝင်ရောက်ပါစေဟု ပြောဆိုနေကြကြောင်း ကြားသိရသည်။ အဆိုပါ ဗွီစီဒီခွေကို ကြည့်ရှုရသူ မြန်မာရွှေ့ပြောင်း အလုပ်သမားတဦးက “ရေလည်မိုက် တယ်ဗျာ၊ ကြည့်ရတာနဲ့တင် အားတော်တော်ရှိသွားတယ်။ ဗြိတိသျှစစ်သင်္ဘောကြီးဆို ဒုံးကျည်တွေတောင် ပစ်ပြနေသေးတယ်။ အဲဒီစစ်သင်္ဘောတွေ မြန်မြန်ဝင်ပါစေဗျာ။ ကျနော်တို့ ပြည်သူတွေလည်း အရမ်းကို ဒုက္ခရောက်နေကြပါပြီ။ ဒီစစ်သင်္ဘောတွေဝင်မှ သန်းရွှေတို့လည်း မြန်မြန်ထွက်ပြေးမှာ။ သူတို့ထွက်ပြေးမှ တိုင်းပြည်ကောင်းသွားမှာလေ။ ဒါကြောင့် မြန်မြန်ဝင်လေ ကောင်းလေပဲ”ဟု ပြောဆိုသည်။
နာဂစ်မုန်တိုင်းဒဏ်သင့် မြန်မာဒုက္ခသည်များသည် မုန်တိုင်းတိုက်ခတ်ပြီး တစ်လနှင့် ဆယ်ရက်ရှိပြီဖြစ်သည့် ယနေ့အချိန်အထိ အကူအညီများ ထိထိရောက်ရောက် မရရှိသေးဘဲ စားရမဲ့၊ သောက်ရမဲ့၊ အမိုးအကာမဲ့ ဘ၀များနှင့် ရင်ဆိုင်ကြုံတွေ့နေရသည့်အတွက် ဆက်လက် အသက်ရှင်သန်နိုင်ရန် နိုင်ငံတကာ အကူအညီ များကို အကြီးအကျယ် မျှော်လင့်စောင့်စားလျက်ရှိသည်။ နာဂစ်မုန်တိုင်းကြောင့် လူပေါင်း တသိန်းခွဲခန့် သေဆုံးပြီး ၂.၅သန်းခန့် အိုးမဲ့အိမ်မဲ့ဖြစ်ကာ အတိဒုက္ခရောက်လျက်ရှိသည်။
အပြည့်အစုံသို့...
ပြန်ခေါက်ထားပါ...
Posted by ဒေါက်တာလွဏ်းဆွေ at 1:04 AM
လေဘေး အကူအညီအတွက် တံခါးဖွင့်ထားရန် သခင်သိန်းဖေ ပန်ကြား
နေသွင်
ကြာသပတေးနေ့၊ ဇွန်လ 12 2008 14:44 - မြန်မာစံတော်ချိန်
ချင်းမိုင်။ ။ စစ်အစိုးရအနေဖြင့် လေဘေး ဒုက္ခသည်များထံ အကူအညီ အလုံအလောက် ရရှိရေးအတွက် ကျွမ်းကျင်သူများနှင့် အကူအညီ များကို ခွင့်ပြု လက်ခံရန် သက်ရှိထင်ရှား လွတ်လပ်ရေး တိုက်ပွဲဝင် ရဲဘော်ဟောင်းကြီးက ယနေ့ တိုက်တွန်းလိုက်သည်။
မုန်တိုင်းကျပြီး တလကျော်ကြာ ယခုထိ ဝေးလံခေါင်ဖျားဒေသမှ လေဘေး ဒုက္ခသည်များထံ အကူအညီများ မရောက်ရှိဟူသော သတင်းစကား များ ကြားရပြီးနောက် အသက် ၉၂ နှစ်ပြည့်သွားပြီ ဖြစ်သည့် သခင်သိန်းဖေက ယခုလို ပြောဆိုလိုက်ခြင်း ဖြစ်သည်။
“အစိုးရအနေနဲ့ တတ်နိုင်သမျှ လုပ်ဆောင်ပေးနေပေမယ့် လုံလောက်မှု မရှိတာ ကြားနေရတယ်။ သမာရိုးကျ အတင်းအကျပ် တံခါးပိတ် ထားတာမျိုး မလုပ်ဘဲနဲ့ နိုင်ငံထဲကို ဝင်ရောက်ပြီး ဘေးဒုက္ခရောက်နေတဲ့ ကိုယ့်တိုင်းသူပြည်သားတွေကို ထိထိရောက်ရောက် အကူအညီ ပေးနိုင်ရေးကို ဆောင်ရွက်သင့်ပါတယ်။ ခွင့်ပြုသင့်ပါတယ်” ဟု ရန်ကုန်မြို့ နေအိမ်တွင် ပြုလုပ်သည့် သူ၏ မွေးနေ့ အခမ်းအနားတွင် သခင်သိန်းဖေက ပြောဆိုသွားသည်။
အခမ်းအနားသို့ သခင်လှကွန်း၊ သခင်လှမြင့်၊ သခင်သိန်းမောင်၊ သခင်ချန်ထွန်း စသော လုပ်ဖော်ကိုင်ဖက် သခင်ဟောင်းကြီးများ၊ အမျိုးသား ဒီမိုကရေစီအဖွဲ့ချုပ် ထိပ်တန်း ခေါင်းဆောင်များဖြစ်သည့် ဦးစိုးမြင့်၊ ဦးညွန့်ဝေ၊ ဦးမြင့်သိန်း နှင့် ဦးသုဝေ၊ ဦးဝင်းနိုင် အပါအဝင် ထင်ရှားသော နိုင်ငံရေးသမားများနှင့် ဧည့်ပရိသတ် ၁ဝဝ ခန့် တက်ရောက်ကြသည်။
ဝါရင့် နိုင်ငံရေးသမားကြီးက မြန်မာပြည်၏ လက်ရှိ အခြေအနေ အရပ်ရပ်သည် လွတ်လပ်ရေးမရခင် အချိန်ကထက်ပင် ဖိနှိပ်မှု၊ အကြမ်းဖက်မှု များ ရှိနေပြီး လွတ်လပ်ရေး တိုက်ပွဲဝင်စဉ်က မျှော်မှန်းခဲ့သော လွတ်လပ်ရေး၊ ငြိမ်းချမ်းရေး၊ ဒီမိုကရေစီရေး၊ အမျိုးသား သွေးစည်း ညီညွတ်ရေး နှင့် တိုင်းပြည် ဖွံ့ဖြိုးတိုးတက်ရေးတို့ လုံးဝ ပျောက်ကွယ်နေသည်ဟု ဝေဖန်သည်။
လွတ်လပ်ရေးတိုက်ပွဲဝင် လုပ်ဖော်ကိုင်ဖက်များသည် မေလ ၂၂ ရက်နေ့ကလည်း လေမုန်တိုင်းအလွန် ပြန်လည် ထူထောင်ရေး လုပ်ငန်များတွင် အင်ဒိုနီးရှားနိုင်ငံ၏ ဆူနာမီ အတွေ့အကြုံကို နမူနာယူရန် စစ်အစိုးရကို တိုက်တွန်းခဲ့သေးသည်။ ၂ဝဝ၄ ခုနှစ် ဆူနာမီ ဖြစ်စဉ်က အင်ဒိုနီးရှား နိုင်ငံတွင် ပြည်တွင်းနိုင်ငံရေး ပြဿနာများ ရှိနေသော်လည်း နိုင်ငံတကာမှ အကူအညီ ပေးသူများကို အတားအဆီးမရှိ လွတ်လပ်စွာ ကူညီခွင့်ပေးခဲ့သည့် နမူနာကို ရယူရန် ထောက်ပြခဲ့ခြင်း ဖြစ်သည်။
သခင်သခင်ချန်ထွန်း (၈၇ နှစ်) က စစ်ခေါင်းဆောင်များ၏ သဘောထား ပျော့ပြောင်းမည့် အချိန်ကို ဆုတောင်းနေရသည်ဟု ပြောသည်။ ပုံမှန်အားဖြင့် နိုင်ငံရေးသမားကြီးများ၏ တိုက်တွန်းချက်ကို စစ်အစိုးရက အလေးဂရုပြုသည့် လက္ခဏာ ပြသမှု မရှိပေ။
“ကျနော်တို့ အနေနဲ့က ကျနော်တို့ ထုတ်သမျှတွေ၊ တိုက်ရိုက်ပေးစာတွေ အကုန်လုံးကို အရောက်ပို့ပေးပါတယ်။ ကမ္ဘာ့ကလည်း တိုက်တွန်း၊ ကျနော်တို့ကလည်း တိုက်တွန်း၊ အားလုံးက တိုက်တွန်းနေမှာပဲ။ လက်ရှိ တပ်မတော် ခေါင်းဆောင်တွေ အနေနဲ့ သူတို့က ဘယ်သူမှ၊ ဘာမှ ဂရုစိုက်ဘူး၊ လုပ်ချင်ရာ လုပ်မယ်ဆိုပြီး လုပ်နေတာ၊ မြင်နေတာပဲ။ ဘယ်တော့ ပျော့ပြောင်းလာမယ် ဆိုတာတော့ ကျနော်တို့ စောင့်ကြည့် နေရတာပါပဲ။ သဘောထားတွေ ပြောင်းပါစေတော့လို့ ဆုတောင်းနေရတာပဲ” ဟု သခင်ချန်ထွန်းက ပြောသည်။
ယမန်နေ့က ထုတ်ပြန်သော စစ်အစိုးရ အာဘော် သတင်းစာတွင် ယခုအချိန်တွင် ပြည်ပမှ ဝင်ရောက်လာပြီး လေဘေးသင့် ဒေသများတွင် ကယ်ဆယ်ရေးလုပ်ငန်း လုပ်ကိုင်နေသူပေါင်း ၅၆၉ ဦး ရှိသည်ဟု ဆိုသည်။ သူတို့တွင် ကုလသမဂ္ဂ၊ နိုင်ငံတကာ အစိုးရမဟုတ်သော အဖွဲ့များနှင့် တသီးပုဂ္ဂလများ ပါဝင်သည်ဟု ဆိုသည်။
လူပေါင်း ၁ သိန်းခွဲနီးပါး အသေအပျောက် ရှိခဲ့သော မြစ်ဝကျွန်းပေါ်မှ ကယ်ဆယ်ရေး လုပ်ငန်းများအတွက် အနည်းဆုံး ၆ လကြာ အချိန်ယူ ရမည်ဟု ကုလသမဂ္ဂက တွက်ဆထားသော်လည်း စစ်အစိုးက မြစ်ဝကျွန်းပေါ်တွင် ကယ်ဆယ်ရေး လုပ်ငန်းများ ပြီးဆုံးကာ ပြန်လည် ထူထောင်ရေး လုပ်ငန်းများ စတင်နေပြီဟု ဆိုသည်။
ဤအတောအတွင်း မြစ်ဝကျွန်းပေါ် အစွန်အဖျား ဒေသသို့ ရှေ့ပြေး ရောက်သွားသော သုံးပွင့်ဆိုင် ကယ်ဆယ်ရေး အဖွဲ့က ဒေသတွင်း၌ အကူအညီများ လိုအပ်နေသည်ဟု ပြောသည်။ ကုလသမဂ္ဂ၊ အာဆီယံနှင့် မြန်မာတို့ ပါဝင်သော အဖွဲ့သည် ယခုအခါ မြစ်ဝကျွန်းပေါ်ဒေသ၏ နောက်ဆုံး အခြေအနေကို ကွင်းဆင်းကာ အချက်အလက် စုဆောင်းနေဆဲ ဖြစ်သည်။
MIZZIMA NEWS မှယူပါသည်
သားဖြစ်သူ မူးယစ် ရောင်းဝယ်၍ ထိပ်တန်း ဗိုလ်ချုပ်ကြီးတဦး နှုတ်ထွက်ရတော့မည်
12-6-2008
နယူးဒေလီ။ ။ သားဖြစ်သူ တရားမဝင် မူးယစ်ဆေးဝါး ရောင်းဝယ် ဖောက်ကားမှုများတွင် ပါဝင်နေခြင်းကြောင့် ကစထ (၁) မှူး ဒုတိယ ဗိုလ်ချုပ်ကြီး ရဲမြင့်ကို နှုတ်ထွက်ခိုင်းထားသည်ဟု သတင်းများ ကြားသိရပါသည်။
စစ်အစိုးရ အကြီးအကဲ ဗိုလ်ချုပ်မှူးကြီး သန်းရွှေက ဒုတိယ ဗိုလ်ချုပ်ကြီးရဲမြင့် နှုတ်ထွက် စေလိုသည်ဟု ဆိုသည်။
“(ဒုတိယ ဗိုလ်ချုပ်ကြီး) ရဲမြင့် ဒီနေ့ (ဗုဒ္ဓဟူးနေ့) ဒါမှမဟုတ် မကြာခင် သွားတော့မှာပါ” ဟု စစ်အစိုးရနှင့် နီးစပ်သော သတင်းရပ်ကွက် တခုက မဇ္ဈိမကို ပြောကြားသွားပါသည်။
ငြိမ်းချမ်းရေး အဖွဲ့များနှင့် ဆက်သွယ် ဆောင်ရွက်ရာ၌ တချိန်က ရဲမြင့်သည် သန်းရွှေ၏ အထူး ကိုယ်စားလှယ်အဖြစ် ဆောင်ရွက်ပေးခဲ့ရသူ ဖြစ်သည်။ မက်တာ အင်ဖက်တမင်း ဆေးပြားများ အဓိက ထုတ်လုပ်သူ ဖြစ်သည့် ဝပြည်သွေးစည်း ညီညွတ်ရေး တပ်မတော် (UWSA) အပါအဝင် ငြိမ်းအဖွဲ့များကို မိမိအလိုအလျောက် လက်နက်စွန့်ရန် ဆက်သွယ် ပြောဆို ဆွေးနွေးခဲ့ရသူ ဖြစ်သည်။
(UWSA) သည် ပြည်တွင်း မူးယစ်ဆေးဝါး ဈေးကွက် အများစုကို ချုပ်ကိုင်ရန် ရည်ရွယ် ကြံစည်ခြင်း ဖြစ်သည်ဟု ထိုအမှုကို စုံစမ်းနေသော အဖွဲ့က သင်္ကာမကင်း ဖြစ်နေသည်ဟု ရန်ကုန်မြို့ရှိ မဇ္ဈိမ လျှို့ဝှက် သတင်းထောက်က သတင်း ပေးပို့ပါသည်။
ဒုဗိုလ်ချုပ်ကြီး ရဲမြင့်၏သား အောင်ဇော်ရဲမြင့်ကို မေလ နောက်ဆုံးအပတ်က ရဲတပ်ဖွဲ့က ဖမ်းဆီးခဲ့သည်။ ဤသတင်းကို မဇ္ဈိမက ဇွန်လ (၅) ရက်နေ့က စတင်ဖေါ်ပြခဲ့ပြီး ဖြစ်သည်။ ဤဖမ်းဆီး နှိမ်နင်းမှုတွင် ငယ်ရွယ်သော စီးပွါးရေးသမား တဦးလည်းဖြစ်၊ မြန်မာနိုင်ငံ၏ အချမ်းသာဆုံး စာရင်းဝင် တဦးလည်းဖြစ်သူ မောင်ဝိတ် လည်း အခြား ရုပ်ရှင်လောကမှ နာမည်ကြီး အနုပညာရှင်များနှင့်အတူ အဖမ်းခံခဲ့ရသည်။
စစ်ထောက်လှမ်းရေးနှင့် အထူး ရဲတပ်ဖွဲ့တို့က ကြည်မြင်တိုင် မြို့နယ်အတွင်းရှိ အောင်ဇော်ရဲမြင့်ပိုင် ရဲတံခွန် ဆောက်လုပ်ရေး ကုမ္ပဏီရုံးခန်းကို ဝင်ရောက် ရှာဖွေရာတွင် မူးယစ်ဆေးဝါးများ၊ သေနတ်တလက်၊ လက်ထိပ်များနှင့် မြန်မာငွေကျပ် သန်းပေါင်းများစွာကို သိမ်းဆည်းရမိခဲ့သည် ဟု ဆိုသည်။
“တခန်းလုံး တထောင်တန် ငွေစက္ကူတွေနဲ့ ပြည့်နေတာဘဲဗျာ” ဟု စစ်အစိုးရနှင့် နီးစပ်သူတဦးက မဇ္ဈိမသို့ ပြောကြားသွားပါသည်။
မူးယစ်ဆေးဝါးဂိုဏ်းနှင့် ဆက်စပ်နေသည်ဟု ဖေါ်ထုတ် ရရှိခဲ့ခြင်းကြောင့် မောင်ဝိတ်နှင့် မိသားစုကုမ္ပဏီ မန်နေဂျင်း ဒါရိုက်တာဖြစ်သူ မောင်ဝိတ်ကိုပါ ဖမ်းဆီးခဲ့ခြင်း ဖြစ်သည် ဟု ပြည်ထဲရေး ဝန်ကြီးဌာန သတင်းရပ်ကွက်က ပြောဆိုပါသည်။
မောင်ဝိတ်နှင့် မိသားစု ကုမ္ပဏီသည် ဆိုင်ကလုံး မုန်တိုင်းဒဏ် ခံခဲ့ရသော ဒေသတခု ဖြစ်သည့် ကျိုက်လတ်မြို့နယ်တွင် ပြန်လည် တည်ဆောက်ရေး လုပ်ငန်းများကို လုပ်ဆောင်နေသည်။
သို့သော် အခြား သတင်းရပ်ကွက် တခုကမူ မောင်ဝိတ်ထံမှ ဘာမှ မတွေ့ရဘဲ ပြန်လွှတ်ပေးခဲ့သည်ဟု ပြောသည်။ ရုပ်ရှင် မင်းသမီး အများစု ပါဝင်သည့် ရုပ်ရှင် သရုပ်ဆောင် အများအပြားလည်း ဤအမှုတွင် ဖမ်းဆီး ခံခဲ့ကြရပြီး ယခုအခါ ခံဝန်ဖြင့် လွှတ်ထားသည်ဟု ဆိုသည်။
ရဲအဖွဲ့၏ အလိုရှိသည် စာရင်းတွင် အောင်ဇော်ရဲမြင့်၏ ရင်းနှီးသော မိတ်ဆွေဖြစ်သည့် ရုပ်ရှင်မင်းသမီး နဝရတ် ရှေ့ဆုံးမှ ပါဝင်နေသည်။ သူတို့ ၂ ဦးသည် မူးယစ်ဆေးဝါး အရောင်းအဝယ် လုပ်ငန်းနှင့် ထိုင်းနိုင်ငံနှင့် စင်္ကာပူနိုင်ငံတို့သို့ သွားရောက်ခဲ့ကြသည်ဟု ဤနာမည်ကြီးများနှင့် နီးစပ်သည့် အသိုင်းအဝိုင်းက မဇ္ဈိမ ကို ပြောပါသည်။
အမေရိကန် မူးယစ်ဆေးဝါး တိုက်ဖျက်ရေး အေဂျင်စီ (DEA) ၏ အစီရင်ခံစာများအရ မြန်မာနိုင်ငံသည် မက်တာအင် ဖင်တမင်း ထုတ်လုပ်မှုတွင် အာရှ၌ အကြီးမားဆုံး နိုင်ငံဖြစ်ပြီး အိမ်နီးချင်း နိုင်ငံများသို့ သာမက အမေရိကန် ပြည်ထောင်စုသို့လည်း တင်ပို့ ရောင်းချနေသည်ဟု ဆိုသည်။
ရာဘ နှင့် အခြား စိတ်ကြွဆေးများ ကဲ့သို့သော တရားမဝင် မူးယစ်ဆေးဝါးများကို သုံးစွဲနေကြသူများတွင် မြန်မာ သရုပ်ဆောင် နာမည်ကြီး အတော်များများသည် အောင်ဇော်ရဲမြင့်၏ ဖေါက်သည်များ ဖြစ်နေကြသည်မှာ ပြည်တွင်းတွင် အများသိသော လျှို့ဝှက်ချက်တရပ် ဖြစ်သည်။ ပြည်တွင်းတွင် ‘ခေါင်းခါဆေး’ ဟု လူသိများသော ခရစ် စတယ်မက်တာ အင်ဖင်တမင်းမှာ ရန်ကုန်မြို့၌ တပြားလျှင် ကျပ်ငွေ ၅ သောင်း ပေါက်ဈေး ရှိသည်။
အောင်ဇော်ရဲမြင့်နှင့် ပတ်သက်၍ ထိပ်တန်း ဗိုလ်ချုပ်ကြီး ၂ ဦး ဖြစ်သော သန်းရွှေနှင့် ဒုဗိုလ်ချုပ်မှူးကြီး မောင်အေးတို့က အောင်ဇော်ရဲမြင့်ကို လမ်းလုပ်ငန်းတခုနှင့် ပတ်သက်၍ အမျက်တော် ရှခဲ့ဖူးသည်။
မေမြို့-မန္တလေး လမ်းဖောက်လုပ်ရန် ရဲတံခွန် ကုမ္ပဏီကို အစိုးရက ကန်ထရိုက် ပေးခဲ့ရာ ကောင်းမွန်အောင် ဖောက်လုပ်ခဲ့ခြင်း မရှိသောကြောင့် အေးရှားဝေါလ်ဒ် (Asia World) ကုမ္ပဏီက တာဝန်ယူ၍ ပြန်လည် ဖောက်လုပ်ခဲ့ရသည်။
mizzima news
အဲပုဂံ၏ ရန်ကုန်-ဘန်ကောက် ခရီးစဉ် သုံးလ ရပ်နားမည်
12-6- 2008 
ရန်ကုန် အပြည်ပြည်ဆိုင်ရာ လေဆိပ်တွင် အဲပုဂံလေယာဉ်များ ပြုပြင်မွမ်းမံ ပြင်ဆင်နေစဉ်။
မှတ်တမ်းဓါတ်ပုံ။ ။ မဇ္ဈိမ။
နယူးဒေလီ။ ။ အဲယားပုဂံ၏ ရန်ကုန်-ဘန်ကောက် ခရီးစဉ်ကို ဇွန်လ ၁၃ ရက်နေ့မှစ၍ သုံးလကြာ ခေတ္တရပ်ဆိုင်းမည် ဖြစ်ကြောင်း လေကြောင်းလိုင်း သတင်းရပ်ကွက် အပြောအရ သိရသည်။
လေကြောင်းကုမ္ပဏီက တရားဝင် အကြောင်းပြချက် မပေးဘဲ စက်တင်ဘာလအတွင်း အထိ လေကြောင်းလိုင်းကို ရပ်နားမည်ဟု လက်မှတ် အရောင်းဌာနများသို့ ပေးပို့သော အကြောင်းကြားစာတွင် ပါရှိသည်။
“လွန်ခဲ့တဲ့ အပတ်ကနေ ပြောထားတယ်။ ဒီလ ၁၃ ရက် နောက်ပိုင်းကနေ စက်တင်ဘာလလောက်အထိ ခဏပိတ်မယ် ပြောတယ်။ ပိုတဲ့ လက်မှတ်တွေကိုတောင် ပြန်အပ်လိုက်ပြီ” ဟု Nice Fare ခရီးသွားလုပ်ငန်းမှ လက်မှတ် အရောင်းဌာနမှ မန်နေဂျာ တဦးဖြစ်သူ ကိုသူရ က ပြောသည်။
ရန်ကုန်-ဘန်ကောက် ခရီးစဉ်အား အဲယားဘတ်စ် အေ ၃၁ဝ-၂ဝဝ လေယာဉ်များဖြင့် အပတ်စဉ် တနင်္လာနှင့် သောကြာ၂-ကြိမ် ပြေးဆွဲခဲ့ရာမှ ယခုအခါ လုံးဝ ရပ်နားသွားခြင်း ဖြစ်သည်။
စက်တင်ဘာ ၂ဝဝ၇ ခုနှစ် နောက်ပိုင်း ပြည်ပမှ လာရောက်သော ခရီးသည်များ သိသိသာသာ လျော့ပါးသွားမှုနှင့် အမေရိကန် နိုင်ငံက အဲပုဂံ ကုမ္ပဏီအပေါ် အရေးယူ ပိတ်ဆို့မှု ပြုလုပ်ထားသည့်အတွက် လေကြောင်းလိုင်းပိုင် လေယာဉ်များအတွက် အပိုပစ္စည်းများ ဝယ်ယူရရှိနိုင်မှု အကန့်အသတ်များကြောင့် ရပ်နားလိုက်ရခြင်း ဖြစ်သည်ဟု အဲပုဂံလီမိတက် သတင်းရပ်ကွက်များက ပြောသည်။
အဲပုဂံ လီမီတက်၏ သူဌေးမှာ ဦးတေဇဖြစ်ပြီး နအဖစစ်ခေါင်းဆောင် ဗိုလ်ချုပ်မှူးကြီး သန်းရွှေ၏ မိသားစု အပါအဝင် ထိပ်တန်း စစ်ဗိုလ်ချုပ်များ နှင့် အထူးတလည် ရင်းနှီးကျွမ်းဝင်သူ ဖြစ်သည်။
အမေရိကန်နိုင်ငံက အောက်တိုဘာ ၁၉ ရက်၊ ၂ဝဝ၇ ခုနှစ် မှစ၍ မြန်မာစစ်ဘက် ထိပ်တန်းခေါင်းဆောင် ၂၅ ယောက်နှင့် စစ်အစိုးရနှင့် အနီးကပ်ဆုံး ပူးပေါင်း ရှာစားနေသူ စီးပွားရေသမား ၁၂ ဦးတို့၏ ဘဏ်စာရင်းများကို ထိန်းချုပ်ခြင်းများ စတင်ခဲ့ရာ ဦးတေဇလည်း ပါဝင် သွားသည်။
စီးပွားရေးဆိုင်ရာ အရေးယူ ကန့်သတ်မှု ပြုလုပ်ခဲ့ပြီး ရက်အနည်းငယ်အကြာ အဲပုဂံ၏ ရန်ကုန်-စင်္ကာပူ-ရန်ကုန် ခရီးစဉ်ကို ရပ်နားခဲ့သည်။
ယခုလို ရန်ကုန်-ဘန်ကောက် ခရီးစဉ်အား ရပ်ဆိုင်းလိုက်သည့်အတွက် လက်မှတ်ဖိုးများ အပြည့် ပြန်အမ်းပေးမည် ဖြစ်သည့်အပြင် ကြိုတင် လက်မှတ်ယူထားသည့် ဘန်ကောက်မှ ရန်ကုန် လာမည့် ခရီးသည်များအားလည်း နိုင်ငံပိုင် မြန်မာ့ အပြည်ပြည်ဆိုင်ရာ လေကြောင်း အမ်အေအိုင် သို့ လွှဲပေးထားသည်။
အလားတူပင် အခြားသော ပုဂ္ပလိက လေကြောင်းလိုင်း တခုဖြစ်သော အဲမန္တလေး၏ ရန်ကုန်မှ ထိုင်းနိုင်ငံ ချင်းမိုင်မြို့သို့ ပျံသန်းသော ခရီးစဉ်အား ဇွန်လ ၇ ရက်မှစတင်ကာ သြဂုတ်လ အထိ ခေတ္တ ရပ်ဆိုင်းထားသည်။
“အသေးစိတ် ဘာမှ အကြောင်းကြားထားတာ မရှိဘူး။ လေယာဉ် ခရီးစဉ်ကို သြဂုတ်လ ၇ ရက်အထိ Suspend (ရပ်နား) လုပ်မယ်လို့ အကြောင်းကြားထားတယ်။” ဟု ရန်ကုန်အခြေစိုက် အဲမန္တလေးမှ အမည်မဖော်လိုသူ ဝန်ထမ်းတဦးက ပြောသည်။
“ခရီးသည် နည်းသွားလို့ ထင်ပါတယ်။ ခရီးသည်တွေက ခုမှ နဲနဲကျသွားတယ်။ အရင်ကတော့ အဲလို မဟုတ်ဘူး” ဟု သူက ဆက်ပြောသည်။
မြန်မာလုပ်ငန်းရှင်များပိုင် လေယာဉ် ခရီးစဉ်များ သာမက ပြည်ပ ကုမ္ပဏီများပိုင် လေကြောင်းလိုင်းများလည်း မြန်မာနိုင်ငံသို့ ပြေးဆွဲနေသော ခရီးစဉ်များကိုလည်း အခေါက်ရေ လျော့ချ ပြေးဆွဲနေသည်။
Saturday, June 7, 2008
အမေရိကန် စစ်သင်္ဘောများ ဘာကြောင့် ၀င်ခွင့်မပြုတာလဲ
7-6-2008
အမေရိကန်ပြည်ထောင်စု ပင်တဂွန် စစ်ဌာနချုပ်၏ အကြီးအကဲ ရောဘတ်ဂိတ် (Robert Gate) က မြန်မာနိုင်ငံ၏ မုန်တိုင်း ကပ်ဘေးဒဏ်သင့် ပြည်သူများကို အမေရိကန်စစ်သင်္ဘောများက ၀င်ရောက်ကူညီပေးရန် ခွင့်မပြုခဲ့ခြင်းအပေါ် မြန်မာ စစ် အာဏာပိုင်များအနေဖြင့် နားပင်းနေသည်၊ မထုံတက်တေးနေသည်ဟု စွပ်စွဲခဲ့သည်။ ဤသို့ ဖော်ပြပြောဆိုခဲ့ချက်က မှား ယွင်းနေပါသည်။
မြန်မာနိုင်ငံကို သက်ဦးဆန်ပိုင်ဆန်ဆန် အုပ်ချုပ်နေသည့် စစ်ဘုရင်များသည် နားပင်းနေခြင်း၊ မထုံတက်တေးနေခြင်း မဟုတ်ပါ။ အမှန်တွင် နိုင်ငံရေး အတွင်းကြေဒဏ်သင့်ခံထားရသည့် ၎င်းဗိုလ်ချုပ်များက စိုးရိမ်ကြောက်ရွံ့နေကြခြင်းဖြစ်ပြီး၊ သူတို့ကိုယ်သူတို့ အရေးပါနေသည်၊ သူတို့သာ တိုင်းပြည်အာဏာကို စွန့်လွှတ်လိုက်ပါက နိုင်ငံကြီး အစိတ်စိတ်အမွှာမွှာ ပြိုကွဲသွားနိုင်သည်ဟူသည့် ထင်တလုံး ဘ၀င်ဖြင့် နေထိုင်နေကြခြင်း ဖြစ်သည်။
အချို့သော လေ့လာသုံးသပ်သူများကလည်း အလားတူ ဖော်ပြခဲ့ကြပါသည်။ မုန်တိုင်းကပ်ဘေးသင့် ပြည်သူများကို အမေ ရိကန် စစ်သင်္ဘောများက ကယ်ဆယ်ခွင့် ငြင်းပယ်ခံရသည့် ယခုကိစ္စသည် ကိုလိုနီအတိတ်နှင့်သော်လည်းကောင်း၊ လက်ရှိ ဗိုလ်ချုပ်များ ကိုင်စွဲထားသည့် နိုင်ငံခြားသား မုန်းတီးရေး အယူအဆများနှင့် လားလားမျှ ပတ်သက်ခြင်း မရှိပါ။
မြန်မာ စစ်ဗိုလ်ချုပ်များ စိုးရိမ်ကြောင့်ကြနေသည့်ကိစ္စမှာ အကယ်၍ အမေရိကန်စစ်သင်္ဘောများနှင့် နိုင်ငံခြားတပ်ဖွဲ့များကို ဧရာဝတီမြစ်ဝကျွန်းပေါ်ဒေသတွင် ကပ်ဘေးသင့်ပြည်သူများကို ၀င်ရောက်ကယ်ဆယ်ရန် ၀င်ခွင့်ပြုလိုက်ပါက၊ လူထု များက သူတို့အားကိုးနှင့် အုံကြွဆန့်ကျင်လာကြပြီး စစ်အစိုးရကို ဖယ်ရှားလိုက်မည်ကို စိုးရိမ်နေခြင်းပင် ဖြစ်သည်။ ဤအကြောက် တရားကြောင့်ပင် ဗိုလ်ချုပ်သန်းရွှေဦးဆောင်သည့် စစ်အုပ်စုက အမေရိကန်များကို ၀င်ခွင့်မပြုခဲ့ခြင်း ဖြစ်သည်။
အမေရိကန်တို့က လူသားချင်းစာနာမှုကိစ္စသက်သက်ဖြင့်သာ ၀င်ရောက်လာခြင်း ဆိုသည်ကို မြန်မာစစ်ဗိုလ်ချုပ်များက အမှန်တကယ် စိတ်ထဲတွင် ယုံကြည်ထားနိုင်ပါသည်။ သူတို့ မယုံကြည်သည်က သူတို့၏ လူထုများကိုယ်တိုင်ကိုပင် ဖြစ် သည်။ ၀င်ရောက်လာကြသည့် နိုင်ငံခြားတပ်ဖွဲ့များကို မြန်မာလူထုက အားကိုး၍ အုံကြွနိုင်ပြီး စစ်အစိုးရ၏ နောက်ဆုံးနေ့ များ ဖြစ်သွားနိုင်ပါသည်။
ဆိုကြပါစို့။ ဧရာဝတီမြစ်ဝကျွန်းပေါ်သို့ ၀င်ရောက်လာကြသည့် အမေရိကန် ကမ်းတက်တပ်ဖွဲ့များနှင့် ၀န်ထမ်းများကို စိတ်ပျက်အားငယ်နေကြသည့် ပြည်သူများက သောင်းသောင်းဖြဖြ လက်ကမ်းကြိုဆို၍ သူတို့မုန်းနေကြသည့် နေပြည် တော်ရှိ စစ်အစိုးရကို ဖြုတ်ချပေးရေး တိုက်တွန်းကြမည့် အနေအထားကို မြင်ယောင်ကြည့်နိုင်ပါသည်။ ကယ်ဆယ်ရေး တာဝန်ဖြင့် ၀င်လာကြမည့် တပ်များက ချက်ချင်းဆိုသလို အစိုးရပြောင်းလဲရေး ဆောင်ရွက်မည့် အင်အားစုများ ဖြစ်လာ နိုင်ပြီး၊ သန်းရွှေစစ်အစိုးရကို ဆန့်ကျင်ကြမည့် လူထုအုံကြွမှုကို ထောက်ခံပံ့ပိုးပေးမည့် အင်အားစုများ ဖြစ်လာနိုင်ပါသည်။
သို့သော်လည်း စစ်အစိုးရအနေဖြင့် USS Exxes က ဦးဆောင်လာသည့် အမေရိကန်စစ်သင်္ဘောများကို ကြောက်ရွံ့နေရန် အကြောင်း မရှိပါ။ သူတို့ ပြန်ထွက်ခွာသွားကြပြီ ဖြစ်သည်။ အကူအညီ ကုန်ချိန် တန် ၁,၀၀၀ ကျော် တင်ဆောင်ထားသည့် ပြင်သစ်စစ်သင်္ဘော မစ် (စ်) ထရယ် (Mistral) လည်း မြန်မာ့ရေပိုင်နက်အနီးမှ ခွာ၍ သွားခဲ့ရပါသည်။ သူတို့က မုန်တိုင်း ဒဏ် ဆိုးဆိုးရွားရွား ခံစားခဲ့ ကြရသည့် ပြည်သူများကို ကုန်ပစ္စည်းများ တိုက်ရိုက်ချပေးခွင့် မပြုခဲ့သည့် မြန်မာအစိုးရ၏ သဘောထားအပေါ် အံ့သြ တုန်လှုပ်မိကြောင်း ပြောဆိုခဲ့သေးသည်။
ယခုရှိနေသည့် အမေရိကန်ရေတပ်ရေယာဉ်များတွင် ကမ်းတက်ရေယာဉ် ၃ စီးပါဝင်ပြီး၊ ကုန်ပစ္စည်းကြီးများ တင်ချနိုင်သည့် ရဟတ်ယာဉ်ကြီး ၂၂ စီး ပါဝင်သည့် USS Essex စစ်သင်္ဘောကြီးလည်း ရှိနေပါသည်။ ထိုမျှမက အခြားကမ်းတက် ယာဉ် ငယ်များလည်း ရှိနေကြပါသည်။ အမေရိကန် စစ်ရဟတ်ယာဉ်များကိုလည်း မြန်မာ့လေပိုင်နက်အတွင်း ပျံသန်းခွင့်ကို ငြင်းပယ်ခဲ့သော်လည်း၊ ထိုင်းနိုင်ငံ အူတာပေါင်လေဆိပ်မှ ရန်ကုန်လေဆိပ်သို့ အကူအညီပစ္စည်းများ သယ်ပို့ပေးရန် စီ-၁၃၀ အမျိုးအစား ကုန်တင်လေယာဉ်အချို့ကို ခွင့်ပြုခဲ့ပါသည်။ ဤအနေအထားကပင် စစ်အစိုးရ၏ ခွဲခြားကျင့်သုံးနေသည့် မူဝါဒကို သိသာထင်ရှားစေပါသည်။
အရပ်သား အကူအညီပေးရေးဝန်ထမ်းများကိုသာ မုန်တိုင်းသင့်ဒေသများတွင် ခွင့်ပြုမည်ဟု စစ်အစိုးရ ခေါင်းဆောင်များက ဆိုခဲ့ပါသည်။ သို့သော် ဤနှုတ်ကတိကိုပင် အပြည့်အ၀ လိုက်နာဖြည့်ဆီးပေးခြင်း မရှိသေးပါ။
စစ်အစိုးရ၏ ယခုအပြုအမူကို "ရာဇ၀တ်မှုသင့်စေသည့် လျစ်လျူရှုမှု" ဟု ရောဘတ်ဂိတ်က ဖော်ပြစွပ်စွဲခဲ့ပြီး၊ မြန်မာစစ် အစိုးရထံသို့ ၁၅ ကြိမ်ထက်မနည်း ကမ်းလှမ်းခဲ့သည်ဟု ဆိုပါသည်။ USS Essex သင်္ဘောမှ ရဟတ်ယာဉ်များကို အကူ အညီပေး ရေးပစ္စည်းများ သယ်ချပို့ဆောင်ခွင့်ပြုရန် တောင်းခံခဲ့ခြင်းသာ ဖြစ်သည်။ သို့သော် ကမ်းလှမ်းမှုများအားလုံးကို စစ်အစိုးရက ပယ်ချခဲ့ပါသည်။ စစ်အစိုးရ ဆက်လက်ခေါင်းမာနေပါက ပြည်သူထောင်ပေါင်းများစွာ သေကြေကြရလိမ့်မည် ဟု ဂိတ်က ပြောခဲ့ပါသည်။
အမေရိကန် ကယ်ဆယ်ရေး စစ်အဖွဲ့ကို ၀င်ခွင့်ပြု၍ အမှန်တကယ် ကပ်ဘေးသင့်နေရသည့် ပြည်သူများကို ကယ်ဆယ်ခွင့် ပြုလိုက်သည်ထက်စာလျှင်၊ ယခုလို မထုံတက်တေးနေ၍ မုန်တိုင်းသင့် ရွာသား ထောင်ဂဏန်းအချို့ကို သေဆုံးစေလိုက် သည်ကမှ ဗိုလ်ချုပ်သန်းရွှေအတွက် ပို၍ လုံခြုံမှု ရှိပါသည်။
မြန်မာပြည်သူ သန်းပေါင်းများစွာက အမေရိကန်စစ်သင်္ဘောများ အလာကို စောင့်ကြိုနေကြသည်ကို ဗိုလ်ချုပ်သန်းရွှေ ကောင်းကောင်း သိထားပါသည်။ မြန်မာပြည်သူများက စစ်သင်္ဘောများ သယ်ဆောင်လာမည့် ရိက္ခာ အကူအညီများ သက်သက်မျှကိုသာ စောင့်မျှော်နေကြခြင်း မဟုတ်ပါ။
၁၉၈၈ ဒီမိုကရေစီအရေးတော်ပုံကာလတွင် မြန်မာစစ်အာဏာပိုင်များက စက်တင်ဘာလ ၁၂ ရက်နေ့ နံနက်၌ Coral Sea အမည်ရ လေယာဉ်တင်သင်္ဘော အပါအ၀င် အမေရိကန် ရေတပ်စစ်သင်္ဘော ၅ စီးကို မြန်မာ့ရေပိုင်နက်အနီး ရောက်ရှိလာ ခဲ့သည် ဆိုပြီး၊ အမေရိကန် သံရုံးကို စောဒကတက် ကန့်ကွက်ခဲ့ပါသေးသည်။ စစ်တပ်အာဏာသိမ်းမှု မဖြစ်ပွားမီ ၆ ရက် အလိုတွင် ဤသို့ ၀င်လာခဲ့ကြသည်ဟု ဆိုသည်။
ဤသို့ နိုင်ငံခြား စစ်သင်္ဘောများ တွေ့ရသည့် လက္ခဏာကို ယခင်အာဏာရှင်ဟောင်း ဗိုလ်ချုပ်နေ၀င်းအပါအ၀င် မြန်မာ စစ်ခေါင်းဆောင်များက အလွန်အမင်း စိုးရိမ်မှု ရှိကြပါသည်။ သို့သော်လည်း ၁၉၇၀ ခုနှစ်ကာလများက ဦးနေ၀င်းသည် အမေရိကန်ပြည်ထောင်စုထံမှ မူးယစ်ဆေးဝါး ဆန့်ကျင်ရေးနှင့် ကွန်မြူနစ်သူပုန်များကို နှိမ်နင်းရေးအတွက် ရဟတ်ယာဉ် များအပါအ၀င် စစ်ရေးအကူအညီများကို ရရှိ ခံစားနိုင်ခဲ့ကြပါသေးသည်။
၎င်းအတိတ်ကာလများက မြန်မာနိုင်ငံအနေဖြင့် စစ်အရာရှိများကို အမေရိကန်ရှိ စစ်တက္ကသိုလ်ကျောင်းများသို့ ပို့ဆောင်၍ လေ့ကျင့် သင်ယူစေနိုင်ခဲ့ကြပါသည်။ မြန်မာနိုင်ငံ၏ တရားဝင်မူဝါဒအရ ဆိုလျှင် ပဋိပက္ခဖြစ်နေသော အနေအထားမှလွဲ၍ ကျန်ကာလများတွင် အမေရိကန်များကို ကြိုဆိုသည့်သဘောထားရှိပြီး ယခုတိုင်လည်း ဤမူကို ဆက်လက်ကိုင်စွဲထားဆဲ ဖြစ်ပါသည်။
ဤမူအရ ၁၉၈၈ ခုနှစ် လူထုအုံကြွမှုကာလ၊ မငြိမ်မသက်ဖြစ်နေစဉ်တွင် အမေရိကန်သံရုံးရှိ ၎င်းတို့၏၀န်ထမ်းများကို ကယ်ဆယ်ထုတ်သွားနိုင်ရေး အတွက် စီ-၁၃၀ အမျိုးအစား ကုန်တင်ယာဉ်တစီး မြန်မာပြည်သို့ ဆင်းသက်ခွင့်ပြုရန် တောင်းဆိုချက်ကို မြန်မာစစ်ခေါင်းဆောင်များက ငြင်းဆန်ခဲ့ကြဖူးပါသည်။
ထိုအချိန်က ကောလာဟလများလည်း ထွက်ပေါ်နေခဲ့ပါသည်။ မြန်မာနိုင်ငံရှိ ဒီမိုကရေစီအင်အားစုများကို အကူအညီပေး ရေးအတွက် အမေရိကန် စစ်သင်္ဘောများ လမ်းတွင် လာနေကြပြီဟု လူအများက ပြောဆိုနေခဲ့ကြပါသည်။ ဤကောလာ ဟလများကြောင့်ပင် ၁၉၈၈ ခုနှစ် စက်တင်ဘာ ၁၈ ရက် စစ်အာဏာသိမ်းမှုအပြီးတွင် ထောင်နှင့်ချီသည့် မြန်မာပြည်သူ များ နယ်စပ်ဒေသနှင့် တောတွင်းသို့ ထွက်ခွါ၍ လက်နက်ကိုင်တိုက်ရန် ကြိုးပမ်းခဲ့ကြခြင်း ဖြစ်သည်။ သို့သော်လည်း ဤ ကောလာဟလများမှာ အမှန် မဖြစ်ခဲ့ဘဲ စိတ်ကူးယဉ်သက်သက်မျှသာ အဖြစ်ရှိခဲ့ပါသည်။ အမေရိကန် စစ်သင်္ဘောများ ကလည်း အမှန်တကယ် ရောက်ရှိမလာခဲ့ကြပါ။
ဤအဖြစ်မှ နှစ် ၂၀ ကြာသည့်ကာလတိုင် မြန်မာပြည်သူများက စစ်သင်္ဘောများကို စောင့်မျှော်နေကြဆဲ ဖြစ်သည်။ ယခု တကြိမ်တွင်မူ လူသားချင်းစာနာသည့် အကူအညီများ ပေးပို့နိုင်ရန်အတွက် ဖြစ်သည်။ သို့သော်လည်း ကြေကွဲဖွယ်ကိစ္စမှာ ယခုတကြိမ်တွင်လည်း ဤသင်္ဘောများ အမှန်တကယ် ရောက်မလာဘဲ စိတ်ကူးယဉ်သဖွယ်သာ ဖြစ်ခဲ့ရခြင်း ဖြစ်သည်။
အမေရိကန်ပြည်ထောင်စုက ၂၀၀၃ ခုနှစ်တွင် အီရတ်သို့ ကျူးကျော်တိုက်ခိုက်ခဲ့ရာ၌ မြန်မာပြည်သူများ အကြား၌ အချင်း ချင်း တီးတိုး ရယ်စရာ ပြောခဲ့ကြသေးသည်။ " စိန်ပြီးလျှင် ရွှေလာလိမ့်မည်" ဟု ဆိုခဲ့ကြသည်။ အီရတ်အာဏာရှင် ဆက်ဒမ်ဟူ (စိန်) ပြီးလျှင်တော့ မြန်မာစစ်အာဏာရှင် ဗိုလ်ချုပ်မှူးကြီး သန်း (ရွှေ) အလှည့်ကျလာမည်ဟု ရည်ညွှန်းပြော ဆိုကြခြင်း ဖြစ်သည်။
ယခုတကြိမ်တွင်လည်း ကောလာဟလအသစ်တခုက လူအများ ပါးစပ်ဖြားတွင် ရေပန်းစားနေပြန်ပြီ ဖြစ်သည်။
လူအများက စိတ်ပျက်အားလျှော့စွာဖြင့် ကောင်းကင်ပေါ်သို့ မော့ကြည့်၍ လေယာဉ်များမှ ကျဆင်းလာမည့် အကူအညီ ပစ္စည်းများ စောင့်မျှော်နေကြစဉ်တွင် အကြံပေးနက္ခတ်ဗေဒင်ဆရာတဦးက ဗိုလ်ချုပ်သန်းရွှေကို ပြောလာသည်ဟု ဆိုပါ သည်။ အကယ်၍ ယူနီဖောင်းဝတ် လူဖြူတဦးသာ မြန်မာ့မြေပေါ်သို့ ဆင်းသက်လာခဲ့ပါက စစ်အစိုးရ ချက်ချင်းပြိုကွဲရခြိမ့် မည်ဟု ဆိုပါသည်။ ဤအကြောင်းကြောင့်ပင် ဗိုလ်ချုပ်သန်းရွှေက အမေရိကန်ရေတပ်များ အကူအညီပေးလာမည့် ကိစ္စ ကို ငြင်းဆန်နေခြင်း ဖြစ်ပါသည်။ သူနှင့်အတူ ဗေဒင်နက္ခတ်အယူသည်းလှသည့် ၎င်း၏ဇနီး ဒေါ်ကြိုင်ကြိုင်ကလည်း ထောက်ခံ တိုက်တွန်းပေးနေပုံ ရပါသည်။
ကမ်းတက်ရေယာဉ်များနှင့် ရဟတ်ယာဉ်များမှ ကယ်ဆယ်ရေးပစ္စည်းများနှင့် ဆင်းသက်လာမည့် အမေရိကန်စစ်သားများ ကို "သူတို့လွတ်မြောက်ရေးအတွက် ကယ်ဆယ်ပေးကြမည့် တပ်ဖွဲ့များ" ဟု အထင်မှားနိုင်ကြပါသည်။ ဤအချိန်တွင် ဧရာ ၀တီမြစ်ဝကျွန်းပေါ်ဒေသ၏ ပြင်ပနေရာများတွင်ပါ လူထုအုံကြွမှုများ မီးမွှေးပေးလိုက်သလို ထတောက်လာကြမည်မှာ သံသယရှိစရာ မလိုပါ။ မုန်တိုင်းဒဏ်သင့်၍ ရှင်ကျန်ရစ်ရသူများက အကူအညီများ တောင်းဆိုကြမည့်အပြင်၊ ယခုအခါ ယာယီဒုက္ခသည်စခန်းများမှ နှင်ထုတ်ခံနေကြရသည့် ဒုက္ခသည်များကလည်း အကူအညီတောင်းကြမည်မှာ မလွဲပါ။ မြန်မာ တပ်ဖွဲ့များနှင့် နိုင်ငံခြားတပ်ဖွဲ့များအကြား လက်နက်ကိုင် ငြိစွန်းရမှုများလည်း ရှိလာနိုင်ပါသည်။ ဧရာဝတီမြစ်ဝကျွန်းပေါ် ဒေသသည်ပင် စစ်မြေတလင်း ဖြစ်သွားနိုင်ပါသေးသည်။
သို့သော်လည်း ဤစစ်ပွဲများ ဖြစ်လာပါက ဧရာဝတီမြစ်ဝကျွန်းပေါ်မျှနှင့်ပင် တန့်နေလိမ့်မည် မဟုတ်ပါ။ နေပြည်တော်ရှိ ဖိနှိပ် အုပ်ချုပ်နေသည့် စစ်အစိုးရကို ဆန့်ကျင်မည့် နိုင်ငံလုံးဆိုင်ရာ လူထုအုံကြွမှုလည်း ဖြစ်သွားနိုင်ပါသေးသည်။
အမေရိကန်စစ်သားများကို ဗိုလ်ချုပ်သန်းရွှေ၏ ခံတပ် နေပြည်တော်ကို တိုက်ခိုက်ရန်နှင့် စစ်အစိုးရကို ဖယ်ရှားပေးရန် တောင်းဆိုမှုများလည်း ဖြစ်လာနိုင်ပါသည်။ လေ့လာသူများနှင့် အတိုက်အခံများက ဗိုလ်ချုပ်သန်းရွှေ၏ စစ်အစိုးရကို ဖြုတ်ချရန် နာရီဝက်မျှပင် မကြာနိုင်ဟု ဆိုကြပါသည်။ ဗိုလ်ချုပ်သန်းရွှေနှင့် ၎င်း၏ လက်ဝေခံ လူ ၂၀ ကျော်ခန့် အုပ်စု ကိုသာ ဖယ်ရှားလိုက်ရန် လိုအပ်ပါသည်။
မြန်မာစစ်တပ်ကပါ ဤသို့သော သမိုင်းဝင်အခွင့်အရေးမျိုးကို ပူးပေါင်းလက်တွဲ ဆင်နွှဲကြလိမ့်မည်ဟု လူအများက ယုံကြည် ထားကြပါသည်။
ဤအဖြစ်က ယခုတကြိမ်တွင်လည်း စိတ်ကူးယဉ်အိပ်မက်အဖြစ်မျှသာ ကျန်ခဲ့ပြီ ဖြစ်သည်။ ဗိုလ်ချုပ်သန်းရွှေကို တရား ဥပဒေရှေ့မှောက် ပို့နိုင်ရန် အခွင့်အရေးမှ တကြိမ်လွှဲရှောင်နိုင်ခဲ့ပြန်ပြီ ဖြစ်ပြီး၊ ပြည်သူပြည်သား ထောင်ပေါင်းများစွာ၏ အသက်ကို စတေး၍ သူ၏ လွတ်ရာလွတ်ကြောင်း လမ်းရှာဖွေနိုင်ခဲ့ပြန်ပြီ ဖြစ်သည်။ စစ်သင်္ဘောများကလည်း ဒုက္ခသည် များကို ကယ်ဆယ်ရေးအကူအညီများ မပေးနိုင်ဘဲ လက်ပိုက်ကြည့်နေခဲ့ရပါသည်။
ဤစစ်သင်္ဘောများကို မြန်မာ့ရေပိုင်နက်အတွင်းသို့ ၀င်ခွင့်မပြုနိုင်ကြောင်း အမေရိကန်ပြည်ထောင်စုက ကနဦးကပင် သိရှိ ထား၊ ကြိုတွက်ထားသည်လည်း ဖြစ်နိုင်ပါသည်။ သူတို့၏ တပ်ဖွဲ့ဝင်များက ကယ်ဆယ်ရေးပစ္စည်းများကို ချပေးရမည့်အစား လူမုန်းများလှသည့် စစ်အစိုးရကို ဖယ်ရှားရခြင်းမျိုးနှင့်လည်း နောက်ဆုံး ကြုံကြိုက်ရကောင်း ကြုံရနိုင်ပါသည်။ ယခုသူတို့ ကြုံကြိုက်ရသည့် တာဝန်သည်လည်း မပြီးဆုံးသေးသည့် တာဝန်မျိုး ဖြစ်နိုင်ပါသည်။ သူတို့အတွက် မခက်ခဲလှသည့် မြန်မာ နိုင်ငံ၏ နိုင်ငံရေးအရှုပ်ကို ရှင်းရန်လည်း ဖြစ်နိုင်ပါသည်။ သို့သော်လည်း သေချာသည်မှာ ဤတာဝန်က နာဂစ် ဆိုက်ကလုန်း မုန်တိုင်းကြောင့် ကျန်ခဲ့သည့် အပျက်အစီးများကို ရှင်းလင်းရသည်လောက် ခက်ခဲပင်ပန်းလှမည် မဟုတ်ခြင်းပင်။
အောင်ဇော်ရေးသားသည့် No Warships Please, We're Burmese ကို ဆီလျော်အောင် ပြန်ဆိုဖော်ပြပါသည်။
IRRAWADDY NEWS
ဆိုင်ကလုန်းကိုအသုံးပြု၍ ပြုပြင်ပြောင်းလဲရေးလုပ်ရန် အင်ဒိုနီးရှားပြင်ဆင်
7-6-2008
အင်ဒိုနီးရှားနိုင်ငံက ဆိုင်ကလုန်းမုန်တိုင်းကြောင့် ဖြစ်ပေါ် နေသောအခြေအနေများကို အသုံးချ၍ စစ်အစိုးရအား ပြောင်းလဲစေရန် ပြင်ဆင်နေသည်ဟုပြောသည်။
အသွင်ကူးပြောင်းရေးကာလတခု သတ်မှတ်ကာ အတိုက်အခံခေါင်းဆောင်နှင့် စစ်အစိုးရတို့အကြား သဘောတူညီမှု ရှာဖွေပေးရန် ရည်ရွယ်၍ အင်ဒိုနီးရှား သမ္မတ ရုံးအဖွဲ့၏ အုပ်ချုပ်မှုအောက်မှ လုပ်ဆောင်ရန် ပြင်ဆင်နေခြင်းဖြစ်သည်။
ယင်းကိစ္စအတွက် အတွေးအခေါ်ပညာရှင်များနှင့် အစိုးရ အရာရှိဟောင်းများ စုပေါင်း၍ အသေးစိတ်စီမံချက်တခု ကို ရေးဆွဲထားပြီး နိုင်ငံခြားရေးဝန်ကြီးဟောင်း အလီအလာတတ်(စ်) ပါဝင်သော မြန်မာနိုင်ငံဆိုင်ရာ အထူးကိုယ်စားလှယ်အဖွဲ့ကိုလည်း ဖွဲ့စည်း သွားမည်ဖြစ်သည်။
နေအိမ်အကျယ်ချုပ်ချခံထားရသည့် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် စစ်အစိုးရခေါင်းဆောင်အကြား နားလည်မှုရရှိရန်အတွက် တရုတ်၊ ဗီယက်နမ်၊ ထိုင်းနှင့် စင်္ကာပူ နိုင်ငံတို့ပါဝင်သော ကော်မရှင်တရပ်ကို ဖွဲ့စည်းရန် ညီလာခံတခုကျင်းပပြုလုပ်သွားမည်ဟု အင်ဒိုနီးရှားက ပြောသည်။
ယခုအစီအစဉ်တွင် စစ်အစိုးရဘက်မှ အာမခံချက် (၃) ချက်ပေးရန် လိုအပ်ပြီး အသွင်ကူး ပြောင်းရေးကာလ အချိန်၊ အကြမ်းဖက်အုပ်ချုပ်ရေးမှ ပြောင်းလဲထားသည့် အုပ်ချုပ်ရေးနှင့် နယ်မြေလုံခြုံရေး၊ နယ်မြေတည်ငြိမ်မှုမရှိသည့် လူနည်းစုတိုင်းရင်းသားများနှင့် နားလည်မှုရရှိ ရေးတို့ ပါဝင်သည်ဟု အဆိုပြုချက်တွင် ဖော်ပြထားသည်။
၂၀၀၄ ခုနှစ်အတွင်းကဖြစ်ပွားခဲ့သည့် ဆူနာမီကြောင့် လှိုင်းဒဏ်အပြင်းထန်ဆုံးခံခဲ့ရသည့် အင်ဒိုနီးရှားနိုင်ငံသည် ဆန့်ကျင်ဖက် အာချေး(Aceh)သူပုန်များနှင့် ငြိမ်းချမ်းရေးသဘောတူညီ ချက်ရယူကာ ပျက်ဆီးဆုံးရှုံးမှုများနှင့် ပြန်လည်တည်ထောင်ရေးလုပ်ငန်းများကို အတူတကွ လက်တွဲလုပ်ဆောင်နိုင်ခဲ့သည်။
အင်ဒိုနိုင်ငံခြားရေးဝန်ကြီး မစ္စတာ ဝိရယုဒက “ကျနော်တကိုယ်တည်းအရပြောရရင် အင်ဒိုနီးရှား မှာ ဆူနာမီဖြစ်ပြီးနောက်ပိုင်း နိုင်ငံတကာကယ်ဆယ်ရေးအဖွဲ့တွေကို အလုပ်လုပ်နိုင်ဖို့ တိုင်းပြည် ကို ကျယ်ကျယ်ပြန့်ပြန့် ဖွင့်ပေးသလိုမျိုး အဆင့်ထိ လုပ်သင့်ပါတယ်”ဟု စစ်အစိုးရအား ရည်ရွယ်ပြောဆိုခဲ့သည်။
ယခုကိစ္စနှင့်ပတ်သက်၍ အာစီယံနိုင်ငံများအနေဖြင့် နိုင်ငံရေးရှုထောင့်အရ ၁၉၉၇ ခုနှစ်က ချမှတ်ခဲ့သည့် စစ်အစိုးရအပေါ် အပြုသဘောအရ ဆက်ဆံပြောင်းလဲရေးသာ ဆက်လက်ထားရှိ မည်ဆိုပါက နိုင်ငံတကာမှ စီးပွားရေးပိတ်ဆို့မှုနှင့် ဖိအားပေးမှုများမှာ အချည်းအနှီးဖြစ်ပြီး စစ်အစိုးရအနေဖြင့် ဘာမှပြောင်းလဲမှာမဟုတ်ကြောင်း သူက ဆက်လက်ပြောဆိုသည်။
တရုတ်၊ အိန္ဒိယ နှစ်နိုင်ငံနှင့် မြန်မာအစိုးရသည် ဆက်ဆံရေးကောင်းမွန်နေသည့်အတွက် သြစတြေးလျနိုင်ငံ၊ ဆစ်ဒနီမြို့တွင်ကျင်းပခဲ့သည့် အာရှ-ပစိပိတ်ဆိုင်ရာ(APEC) အစည်းအဝေး တွင် အမေရိကန်သမ္မတ ဘုရ်ှက မြန်မာ့အရေးနှင့်ပတ်သက်၍ မေးခွန်းထုတ်ခဲ့ရာ အင်ဒိုနီးရှား နိုင်ငံသမ္မတ ယူဒိုယိုနိုက တရုတ်နှင့် အိန္ဒိယကိုသာမေးရန် ပြောဆိုခဲ့သည်ဟု ဝိရာယုဒက ပြောဆိုသည်။
အင်ဒိုနီးရှား၏ ယခုအစီအစဉ်တွင် အသွင်ကူးပြောင်းရေးကာလအတွက် (၁၅) နှစ်ခန့် ကြာမြင့် နိုင်သည်ဟု ခန့်မှန်းတွက်ချက်ထားသည်။
နိုင်ငံရေးနှင့် လူ့အခွင့်အရေးကိစ္စကို ပြောပါက စစ်အစိုးရအနေဖြင့် လုံခြုံရေးနှင့် အချုပ်အခြာ အာဏာကိုသာ အကြောင်းပြမည်ဟု ဝိရာယုဒကပြောဆိုသည်။
ဆက်လက်၍ သူက “မြန်မာနိုင်ငံအခြေအနေနဲ့ပတ်သက်ပြီး ကျယ်ကျယ်ပြန့်ပြန့် ကြည့်ကြဖို့ ကျနော့်အနေနဲ့ အားလုံးကို တိုက်တွန်းချင်တယ်၊ အမှန်တကယ်ပဲ ချက်ချင်းကြီး အကုန်ပြောင်း လဲလိမ့်မယ်လို့ ကျနော် မမျှော်လင့်ဘူး၊ အသွင်ကူးပြောင်းရေးကာလဆိုတာ ရှိကိုရှိရမယ်၊ စစ်တပ်နဲ့တွဲပြီးတော့လည်း လုပ်ကိုင်ရပါလိမ့်မယ်”ဟု ပြောဆိုခဲ့သည်။
Yoma 3 news
Friday, June 6, 2008
ထက်မြက်အောင်ရွှေဆိုင် ဓားပြမှု
6-6-2008
ရန်ကုန်မြို့ လှိုင်ဈေးရှိ ရွှေဆိုင်အား ဓါးပြတိုက် ၂၀၀၈ ဇွန် ၃ ရန်ကုန်မြို့၊ မြောက်ပိုင်းခရိုင်၊ လှိုင်မြို့နယ် အမှတ် (၁) ရပ်ကွက်။ လှိုင်ဈေးကြီးရှိ လူစည်ကားနေရာတွင်ရှိသည့် ထက်မြက်အောင် ရွှေဆိုင်အား အမည်မသိသူ တဦးက ဓါးပြတိုက်ခဲ့ကြောင်း မြို့ခံတဦးက ပြောပြသည်။
မေလ ၃၁ ရက် စနေနေ့ ညနေ ၆ နာရီခန့်တွင် အမည်မသိလူတဦးက ဓါးအရှည်တချောင်းဖြင့် ထက်မြက်အောင် ရွှေဆိုင်အတွင်း ၀င်ရောက်ပြီး ရွှေဆိုင်ပိုင်ရှင် ဦးချစ်တင်၏ လည်ပင်းအား ဓါးဖြင့်ထောက်၍ ရွှေ ၂၀ ကျပ်သားခန့်ရှိ လက်ဝတ်ရတနာများနှင့် ငွေများ လုယူ ဓါးပြတိုက်သွားကြောင်း သိရသည်။
လှိုင်ဈေးကြီးတွင် ရဲအစောင့်များရှိသည့်အပြင် ရွှေဆိုင်တွင်လည်း လုံခြုံရေးဝန်ထမ်းများ ရှိသော်လည်း ဖမ်းဆီးနိုင်ခြင်းမရှိဘဲ ထွက်ပြေး လွတ်မြောက်သွားကြောင်း၊ နောက်ရက်များမှာ ရဲစခန်းမှ မြောက်ပိုင်းခရိုင်အတွင်းရှိ ဆိုးသွမ်း နာမည်ကျော်သည့် လူမိုက်အချို့ကို ဖမ်းဆီးစစ်ဆေးခြင်းများ ပြုလုပ်နေသော်လည်း ယနေ့အချိန်အထိ ဖမ်းဆီး နိုင်ခြင်းမရှိကြောင်း သိရပါတယ်၊ နာဂစ်မုန်တိုင်းဖြစ်ပွားပြီးနောက်ပိုင်း လူများက ကုန်ဈေးနှုန်း အဆမတန်မြင့်မားလာပြီး စားဝတ်နေရေး ခက်ခဲ လာသောကြောင့် ယခုကဲ့သို့ လုယက်မှုများ ဖြစ်ပွားလာရခြင်းဖြစ်သည်ဟု အဆိုပါ မြို့ခံက ပြောပါတယ်။
ပြီးခဲ့တဲ့ မတ်လ လဆန်းပိုင်းက ဖြစ်ပွားခဲ့သော ရန်ကုန်မြို့ ကမာရွတ်မြို့နယ် စိမ်းလဲ့ကန်သာလမ်းတွင် ၅ လောင်းပြိုင် လူသတ်မှုသည်လည်း တိတိကျကျ တရားခံဖော်ထုတ်နိုင်ခြင်းမရှိပေ၊ ပြည်တွင်း ဂျာနယ်များတွင် “စိမ်းလဲ့ကန်သာလမ်း လူသတ်မှု ပါလီမန်ခေတ်က အချမ်းသာဆုံး ငွေကိုလေလိုသုံးသူ မိသားစုဝင်အချို့သေဆုံး” ဟူသော ခေါင်းစဉ်ဖြင့် ဖော်ပြခဲ့ပြီး ဂျာနယ်များ ရောင်းမလောက်ဖြစ်ခဲ့ရသည်။ စစ်အစိုးရက တရားခံ ဖော်ထုတ်နိုင်ခြင်း မရှိသော်လည်း စိမ်းလဲ့ကန်သာလူသတ်မှုအကြောင်း ဖော်ပြခဲ့တဲ့ ဗွိုက်စ်ဂျာနယ်နှင့် ဆဲဗင်းဒေးဂျယ်နယ် များကို စာပေစိစစ်ရေးရုံးက ပြင်းထန်စွာသတိပေးကာ ၀န်ခံလက်မှတ်များရေးထားခဲ့ရကြောင်း သိရပါတယ်၊
hittaing news
နောက်ထပ် ကုလ ရဟတ်ယာဉ် ၅ စင်းကို မြန်မာပြည်ထဲ ၀င်ခွင့်ပြုပြီ
ကြာသပတေးနေ့၊ ဇွန်လ 05 2008 22:40 - မြန်မာစံတော်ချိန်
နယူးဒေလီ။ ။ ကုလသမဂ္ဂ စားနပ်ရိက္ခာ အစီအစဉ်အဖွဲ့၏ ရဟတ်ယာဉ် နောက်ထပ် ၅ စင်းကို ဆိုင်ကလုံးဒဏ်ခံ ဧရာဝတီ မြစ်ဝကျွန်းပေါ် ဒေသ ကယ်ဆယ် ထောက်ပံ့ရေး လုပ်ငန်းများတွင် အသုံးပြုရန် မြန်မာ အာဏာပိုင်များက ခွင့်ပြုလိုက်ပြီ ဖြစ်သည်။
အနည်းငယ်ပင် အချိန်နှောင်းမှ ပေါ်ထွက်လာသော ခွင်ပြုချက်အရ ထိုင်းနိုင်ငံ ဘန်ကောက်တွင် ရပ်နား စောင့်ဆိုင်းနေရသော ရဟတ်ယာဉ် ၉ စင်းအနက်မှ ၅ စင်းသည် သောကြာနေ့တွင် မြန်မာနိုင်ငံသို့ ပျံသန်းမည် ဖြစ်ကြောင်း စားနပ်ရိက္ခာ အဖွဲ့ ပြောရေးဆိုခွင့်ရှိသူ အီဒစ် ရှန်ပိန်းက ပြောကြားလိုက်သည်။
"စီစဉ်ထားတဲ့အတိုင်း အဆင်ပြေ ချောချောမွေ့မွေ့ဖြစ်ပြီး ရာသီဥတု ကောင်းမွန်မယ်ဆိုရင် မနက်ဖြန် မနက်ကို ငါးစင်း (ရဟတ်ယာဉ်) ထွက်ခွာမှာ ဖြစ်တယ်" ဟု ရှန်ပိန်းက မဇ္ဈိမသို့ ပြောသည်။
ရန်ကုန်တွင် ရပ်နားထားသော ယခင်က ကြိုရောက်နေသည့် ရဟတ်ယာဉ် တစင်းသည်လည်း အာဏာပိုင်များ၏ ခွင့်ပြုချက် ရရှိပြီးနောက် မြစ်ဝကျွန်းပေါ်သို့ ပျံသန်းနေခဲ့သည်ဟု သူမက ပြောသည်။
တင်္နလာနေ့မှစ၍ အဆိုးရွားဆုံး ဒဏ်ခံခဲ့ရသည့် မြစ်ဝကျွန်းပေါ် ဒေသသို့ ထောက်ပံ့ပစ္စည်းများ တင်ဆောင်ကာ အနည်းဆုံး လေးကြိမ် ပျံသန်းခဲ့ပြီး ဖြစ်သည်ဟု ဆိုသည်။
မုန်တိုင်းမှ သေကံမရောက် သက်မပျောက်ခဲ့သူများကို ထောက်ပံ့ရန် ကုန်ပစ္စည်းများ အပါအ၀င် ကုန်တင် ရဟတ်ယာဉ် ၁၂ စင်းနှင့် စစ်သား ၅ ထောင်ကျော်ပါသည့် အမေရိကန် စစ်သင်္ဘော USS Essex ဦးဆောင်သော ရေတပ်သင်္ဘော လေးစင်းကို မြန်မာ့ကမ်းလွန် အနီးမှ ဆုတ်ခွာ တော့မည်ဟု အမေရိကန်က ကြေညာခဲ့ပြီးနောက် စစ်အစိုးရ၏ ယခုခွင့်ပြုချက် ထွက်ပေါ်လာခြင်း ဖြစ်သည်။
အကြိမ်ကြိမ် ကြိုးစားခဲ့သော်လည်း မြန်မာ စစ်အစိုးရက ခွင့်မပြုသဖြင့် သုံးပတ်ကျော်ကြာ စောင့်ဆိုင်းနေပြီးမှ USS Essex သင်္ဘောအုပ်စုသည် ထိုင်းကမ်းလွန်သို့ ပြန်လည် ရွှေ့ပြောင်းတော့မည် ဖြစ်ကြောင်း အမေရိကန်က ဗုဒ္ဓဟူးနေ့က ပြောကြားခဲ့သည်။
ကုလသမဂ္ဂ၏ အဆိုအရ ဆိုင်ကလုံးဒုက္ခသည် ၂.၄ သန်းအနက် ၁ သန်းကျော်မှာ အထောက်အပံ့ အကူအညီ တစုံတရာ မရသေးဟု ဆိုသည်။
ဆက်သွယ်ရေးနှင့် ကူးသန်း ပို့ဆောင်ရေး အခက်အခဲကြောင့် ဆိုင်ကလုံးဒဏ် ဆိုးရွားစွာ ခံခဲ့ရသည့် ကျေးရွာ အများအပြားသို့ အကူအညီများ မရောက်ခြင်းဖြစ်ကြောင်း ကယ်ဆယ်ရေး လုပ်သားများက ပြောကြသည်။
လပွတ္တာမြို့တွင် ထောက်ပံ့ရေး ပစ္စည်းများ ဖြန့်ဖြူးပေးရာတွင် ကိုယ်တိုင်ပါဝင်ခဲ့သူ ရန်ကုန်အခြေစိုက် ကယ်ဆယ်ရေး လုပ်သားတဦးက ဝေးလံ ခေါင်ဖျားရှိ ကျေးရွာသားများက သူတို့ အနေဖြင့် အကူအညီ မရရှိကြသေးကြောင်း ပြောပြပြီး အကူအညီ တောင်းခံမှုများ ရှိနေသည်ဟု ဆိုသည်။
"ပြောရရင်တော့ သူတို့တွေ ဘယ်အကူအညီမှ မရကြသေးဘူး။ ဘာဖြစ်လို့လည်းဆိုတော့ လမ်းပန်း ဆက်သွယ်ရေး ခက်ခဲလို့" ဟု ကယ်ဆယ်ရေး လုပ်သားတဦးက မဇ္ဈိမသို့ တင်္နလာနေ့က ပြောသည်။
MIZZIMA NEWS
မြန်မာသံရုံးရှေ့ ဆန္ဒပြသူများ ရဲကဖြိုခွင်း
သောကြာနေ့၊ ဇွန်လ 06 2008 18:28 - မြန်မာစံတော်ချိန်
နယူးဒေလီ။ ။ တက်ကြွလှုပ်ရှားသူများ၏ နယူးဒေလီသံရုံးရှေ့ ရှားရှားပါးပါး ဆန္ဒပြပွဲ တရပ်ကို အိန္ဒိယရဲများက ဝင်ရောက် တားဆီးကာ ဆန္ဒပြသမားများကို သောကြာနေ့က လူစုခွဲလိုက်သည်။
နယူးဒေလီ ချနကျာပူရီ အရပ်ရှိ မြန်မာသံရုံးရှေ့တွင် မြန်မာနှင့် အိန္ဒိယနိုင်ငံသား တက်ကြွလှုပ်ရှားသူ ၃၅ ဦးခန့် စုရုံးကာ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ချက်ချင်း လွှတ်ပေးရေးအတွက် တောင်းဆို ဆန္ဒပြခဲ့ကြသည်။
သို့သော် ဆန္ဒပြပွဲမှာ ခဏတာမျှသာ ခံပြီး အိန္ဒိယ ရဲတပ်ဖွဲ့ဝင်များ ရောက်ရှိလာသဖြင့် ဆန္ဒပြသူများ အမြန် အဆုံးသတ် လိုက်ကြရသည်။
“ကျနော်တို့က ဒေါ်အောင်ဆန်းစုကြည်ကို လွှတ်ပေးဘို့နဲ့ အကူအညီပေးရေး အုပ်စုတွေကို ဧရာဝတီ မြစ်ဝကျွန်းပေါ် ဒေသကို လွတ်လွတ်လပ်လပ် ဝင်ရောက်ခွင့်ပေးဘို့ မုန်တိုင်း ဒုက္ခသည်တွေကို ကယ်ဆယ်ခွင့် ပေးဘို့ စစ်အစိုးရကို တောင်းဆို ဆန္ဒပြခဲ့ကြတာပါ” ဟု ဆန္ဒပြရာတွင် ပါဝင်သူတဦး ဖြစ်သည့် ကင်မ် (Kim) က မဇ္ဈိမသတင်းဌာနကို ပြောကြားသွားပါသည်။
သို့သော် ဆန္ဒပြသူများက သံရုံးနံရံတွင် မှုတ်ဆေးဖြင့် ‘မြန်မာပြည် လွတ်မြောက်ရေး’၊ ‘အောင်ဆန်းစုကြည်ကို လွှတ်ပေး’ စသည်တို့ကိုရေးသားနိုင်ခဲ့ကြပြီး၊ မေလ ၂ ရက်နှင့် ၃ ရက်နေ့များက မြန်မာနိုင်ငံကို ဝင်ရောက် တိုက်ခတ်သွားခဲ့သော နာဂစ် ဆိုင်ကလုံး မုန်တိုင်းဒဏ်က အသက်မသေ လွတ်မြောက် ကျန်ခဲ့သူများကို ကယ်တင်ရေးအတွက် လွတ်လပ်စွာ ဝင်ရောက်သွားလာခွင့် ပေးရေး တောင်းဆိုသည့် ပိုစတာများကို ကပ်နိုင်ခဲ့ကြသည်။
ကုလသမဂ္ဂ၏ စာရင်းဇယားများအရ နာဂစ် ဆိုင်ကလုံး မုန်တိုင်းကြောင့် လူပေါင်း ၁၃ဝဝဝဝ သေဆုံး သို့မဟုတ် ပျောက်ဆုံးနေပြီး အနည်းဆုံး ၂.၄ သန်းမှာ မုန်တိုင်းဒဏ် ခံခဲ့ကြရသည်ဟု ဆိုသည်။ မြေပြင် သတင်းများအရ မြစ်ဝကျွန်းပေါ် ဒေသသို့ ဝင်ရောက် လှုပ်ရှားခွင့်ကို စစ်အစိုးရက ကန့်သတ်ထားခြင်းကြောင့် မုန်တိုင်းဘေးမှ အသက်မသေ လွတ်မြောက်ခဲ့သူများကို ကယ်တင်ရေးတွင် အတားအဆီး တရပ် ဖြစ်နေသည်ဟု ဆိုသည်။
“အစားအစာ၊ ရေ၊ ဆေးဝါး နှင့် အမိုးအကာများကို အရေးတကြီး အပူတပြင်း လိုအပ်နေသည့် မြန်မာနိုင်ငံ ဆိုင်ကလုံး မုန်တိုင်းဒဏ်ခံ ဒုက္ခသည်များသည် စစ်အစိုးရက နိုင်ငံတကာ ကယ်ဆယ်ရေး အကူအညီများကို တားဆီး ကန့်သတ်မှုများ လုပ်ဆောင်နေခြင်းကြောင့် ငရဲတမျှ ဆိုးဝါးသော အခြေအနေနှင့် ရင်ဆိုင်နေရသည်။ သဘာဝ ကပ်ဘေး အန္တရာယ်မှာ ယခုအခါ လူကလုပ်သည့် ကပ်ဘေးကြီး ဝမ်းနည်းဘွယ် အဖြစ်ဆိုးကြီးသို့ ပြောင်းလဲသွားရသည်” ဟု သံရုံးသို့ ပေးပို့ သည့် ဆန္ဒပြသူများ၏ ပေးစာတွင် ရေးသားထားသည်။
ဤနေရာသည် တရားဝင် တားဆီး ကန့်သတ်ထားသည့်ဒေသ ဖြစ်သည့်အတွက် သံရုံးရှေ့မှ ဆန္ဒပြသူများကို ဖြိုခွဲရခြင်း ဖြစ်သည်ဟု အိန္ဒိယရဲများက ပြောပါသည်။
အိန္ဒိယ သတင်းသမား အချို့နှင့်တူ ဤဆန္ဒပြပွဲ သတင်းယူနေသည့် မြန်မာ သတင်းသမား တဦးကိုလည်း အိန္ဒိယရဲက ဖမ်းဆီးခဲ့သည်။
အိန္ဒိယ သတင်းသမားများကို ရဲက ပြန်လွှတ်ပေးခဲ့သော်လည်း နယူးဒေလီ အခြေစိုက် မဇ္ဈိမသတင်းဌာနမှ မြန်မာ သတင်းထောက်ကိုမူ ဖမ်းဆီးထားခဲ့သည်။
သို့သော် အဆိုပါ မြန်မာသတင်းထောက် ဇော်ရှမ်း (Zau Shan) ကို ရဲအချုပ်ဖြင့် ထားရှိခြင်း ရှိမရှိ မရှင်းလင်းသေးပါ။
MIZZIMA NEWS
Thursday, June 5, 2008
မုန်တိုင်းအပျက်အစီး အကဲဖြတ်ရန် ကျွမ်းကျင်သူ (၂၀၀) အာဆီယံစေလွှတ်
5-6-2008
နာဂစ်မုန်တိုင်းကြောင့် မြန်မာနိုင်ငံ၏ ပျက်စီးဆုံးရှုံးးမှုပမာဏကို စာရင်းပြုစုရန် ကျွမ်းကျင်သူ (၂၀၀) ပါဝင်သည့် အာဆီယံ အရေးပေါ်အမြန် အကဲဖြတ်ရေးအဖွဲ့ (ERAT) ကို ဧရာဝတီ
မြစ်ဝကျွန်းပေါ်ဒေသသို့ ယနေ့ စတင်စေလွှတ်လိုက်ပြီဖြစ်ကြောင်း အာဆီယံအတွင်းရေးမှူးချုပ် ရုံးက သတင်းထုတ်ပြန်သည်။
အာဆီယံ၊ ကုလသမဂ္ဂနှင့် မြန်မာစစ်အစိုးရတို့ ပါဝင်သည့် သုံးပွင့်ဆိုင်အဖွဲ့က ယနေ့ ရန်ကုန်မြို့၌ ပြုလုပ်သည့် အစည်းအဝေးအပြီး စေလွှတ်ခြင်းဖြစ်ပြီး ထိုအဖွဲ့သည် ဆိုင်ကလုန်းဒဏ်ခံရသည့်
မြစ်ဝကျွန်းပေါ်ဒေသသို့ သွားရောက်၍ အပျက်အစီးများနှင့် လေဘေးဒုက္ခသည်များအတွက် အရေးပေါ် လိုအပ်ချက်များကို ပြည့်ပြည့်စုံစုံ လေ့လာအကဲဖြတ်၍ အစီရင်ခံစာပြုစုမည်ဟု အာဆီယံအဖွဲ့က ပြောသည်။
မုန်တိုင်းဒဏ်ခံရသည့် အဓိကမြို့နယ် (၂) ခုဖြစ်သည့် လပွတ္တာနှင့် ဖျာပုံမြို့နယ်များသို့ ကမ္ဘာ့ စားနပ်ရိက္ခာ အစီအစဉ်၏ ရဟတ်ယာဉ်ဖြင့် အဖွဲ့ (၂) ဖွဲ့ ကြိုတင်သွားရောက်၍ လုပ်ငန်းစတင် လုပ်ကိုင်မည်ဖြစ်ဟု အာဆီယံအတွင်းရေးမှူးချုပ် ဆူရင်ပစ်ဆူဝန်၏ ပြောကြားချက်ကို အာဆီယံ အင်တာနက်စာမျက်နှာတွင် ဖော်ပြသည်။
၎င်းက “ဒီပူးတွဲအကဲဖြတ်အဖွဲ့အပေါ်မှာ ကျနော်တို့ မျှော်လင့်ချက်တွေ အများကြီးထားပါတယ်။ သူတို့ ထုတ်ပြန်မယ့် အစီရင်ခံစာအပေါ် အခြေခံပြီး နာဂစ်ဆိုင်ကလုန်းမုန်တိုင်း ဒဏ်ခံရသူတွေရဲ့ လိုအပ်ချက်တွေကို ဖော်ထုတ်နိုင်လိမ့်မယ်၊ ပြီးတော့ အလိုအပ်ဆုံး ဒေသတွေမှာ ကျနော်တို့ရဲ့ ခွန်အားစိုက် လုပ်ကိုင်နေမှုကို အရှိန်မြှင့်ပြီး ဆောင်ရွက်နိုင်ပါလိမ့်မယ်” ဟု ပြောသည်။
အာဆီယံအကဲဖြတ်အဖွဲ့ကို ကမ္ဘာ့ဘဏ်နှင့် အာရှဖွံ့ဖြိုးရေးဘဏ် (အေဒီဘီ) တို့က ထောက်ပံ့ ပေးခြင်းဖြစ်ပြီး အကဲဖြတ်အဖွဲ့၌ ကမ္ဘာ့ဘဏ်မှ ကျွမ်းကျင်သူ (၁၈) ဦးနှင့် အေဒီဘီမှ (၈) ဦး တို့လည်း ပါဝင်သည်။ မုန်တိုင်းနှင့် ပတ်သက်သည့် သတင်းအချက်အလက်များ ရရှိရေး ပူးပေါင်း ဆောင်ရွက်ရန် နအဖ၀န်ကြီးဌာန (၁၈) ခုမှ အရာရှိ (၅၄) ဦးတို့ကို အာဆီယံအကဲဖြတ်အဖွဲ့က သင်တန်းပေးထားပြီးဖြစ်သည်။
အာဆီယံအဖွဲ့သည် မြန်မာနိုင်ငံ မုန်တိုင်းဒဏ်ခံရပြီး သီတင်း (၂) ပတ်ကျော် အကြာ၌ မုန်တိုင်း ဘေးအကူ အညီပေးရေးနှင့် ပတ်သက်သည့် အရေးပေါ်အစည်းအဝေး စင်ကာပူနိုင်ငံတွင် ကျင်းပခဲ့ပြီး ယခု (၁) လကျော် အကြာ၌ မုန်တိုင်းနှင့် ပတ်သက်သည့် အစီရင်ခံစာ ထုတ်ပြန်ရန် အချက်အလက် စတင်ကောက်ယူခြင်းဖြစ်သည်။
မုန်တိုင်းကြောင့် သေဆုံးသူပေါင်း (၇၇,၇၃၈) ဦး နှင့် ပျောက်ဆုံးသူပေါင်း (၅၅,၉၁၇) ဦးရှိကြောင်း မေ (၁၆) ရက်တွင် မြန်မာစစ်အစိုးရက နောက်ဆုံးရ စာရင်းထုတ်ပြန်ပြီး နောက်ထပ်ကြေညာခြင်း မရှိချေ။ ကုလသမဂ္ဂက သေဆုံးသူနှင့် ပျောက်ဆုံးသူ (၁၃၃,၀၀၀) ရှိပြီး မုန်တိုင်းဒဏ်ခံရသူပေါင်း (၂.၄) သန်းရှိသည်ဟု ခန့်မှန်းထားသည်။
ကယ်ဆယ်ရေးလုပ်သားများနှင့် အစိုးရမဟုတ်သောအဖွဲ့များက သေကျေပျက်စီးမှုပမာဏသည် စစ်အစိုးရ ထုတ်ပြန်သည်ထက် ပိုများမည်ဟု ခန့်မှန်းပြောဆိုကြသော်လည်း တိကျရေရာသည့် စာရင်းထုတ်ပြန်နိုင်ခြင်း မရှိသေးချေ။
အာဆီယံအကဲဖြတ်အဖွဲ့သည် ဆိုင်ကလုန်းဒဏ်ခံရသည့် ဒေသတခုလုံးကို ခြုံငုံစာရင်းကောက် ယူ၍ တိုက်ရိုက် ရရှိသည့် သတင်းအချက်အလက်များ စုဆောင်းကာ ဇွန် (၂၄) ရက် လုပ်ငန်းအဖွဲ့ အစည်းအဝေး၌ ပဏာမ အစီရင်ခံစာ တင်သွင်းမည်ဖြစ်ပြီး ဇူလိုင်လလယ်၌ အဆုံးသတ် အစီရင် ခံစာ ထုတ်ပြန်မည်ဟုသိရသည်။
khitpyaing မှယူပါသည်
မုန်တိုင်းဒုက္ခသည်များကို အကူအညီပေးနေသည့်ဇာဂနာ (ခေါ်) ကိုသူရကို အာဏာပိုင်များက ဖမ်းဆီးခဲ့
5-6-2008
နာဂစ်ဆိုက်ကလုန်းလေဘေးဒုက္ခသည်များအား တက်တက်ကြွကြွ ကူညီနေသည့် လူရွှင်တော် သရုပ်ဆောင် ဒါရိုက်တာ ဇာဂနာ (ခေါ်) ကိုသူရကို အာဏာပိုင်များက ဖမ်းဆီးသွားသည်။
ကိုဇာဂနာ၏ နေအိမ်သို့ အာဏာပိုင်များက ယမန်နေ့ ညဦးပိုင်းတွင် ဝင်ရောက်ရှာဖွေမှုများ ပြုလုပ်ခဲ့ပြီး မည်သည့်အတွက်ကြောင့် ယခုကဲ့သို့ ဖမ်းဆီးသွားသည်ကိုမသိကြောင်း မိသားစုဝင် တဦးက ပြောသည်။
လာရောက်ဖမ်းဆီးသွားသူများမှာ အထူးရဲတပ်ဖွဲ့(SB)၊ စရဖ၊ ခရိုင်မှူးအပါအဝင် (၇) ဦးနှင့် ရပ်ကွက်အာဏာပိုင် (၂) ဦး၊ စုစုပေါင်း (၉) ဦးဖြစ်သည်ဟု ဆိုသည်။
ကိုဇာဂနာကို ဖမ်းဆီးသွားပုံနှင့်ပတ်သက်၍ မိသားစုဝင်တဦးက “သူတို့လာတုန်းက အိမ်မှာ ရှာတယ်၊ ဘာရှာမယ်ဆိုတာလဲ မပြောဘူး၊ ဘာကြောင့် ခေါ်သွားတယ်ဆိုတာကိုလည်း မပြော ဘူး၊ သူတို့ပြောတာက တရက်နှစ်ရက်ပါပဲဆိုပြီး ဆေးတို့၊ အဝတ်အစားတို့ ထည့်ခိုင်းပြီး ခေါ်သွားတာ”ဟု ပြောသည်။
အာဏာပိုင်များက ကိုဇာဂနာနေအိမ်သို့ လာရောက်ရှာဖွေပြီးနောက် စိန်စီသောညဗွီဒီယို တခွေ၊ ရမ်ဘို(ဖိုး) တခွေ၊ နာဂစ်မုန်တိုင်းတခွေ၊ (FEC) သုံးဆယ်နှင့် သမီးဖြစ်သူကို ပို့ပေးရန်အတွက် ဝယ်ယူထားသည့် ဒေါ်လာ (၁,၀၀၀) တို့ကို ရှာဖွေပုံစံများဖြင့် သိမ်းဆီးသွားသည်ဟု ၎င်းက ဆက်လက်ပြောသည်။
“ကျမတို့စိုးရိမ်တာက သူတို့က ဥပဒေကို လီဆယ်တတ်တော့ ပုဒ်မအမျိုးမျိုးတပ်မှာကိုပဲ၊ အခု ထိတော့ ဘယ်မှာထားတယ်ဆိုတာကို သတင်းမရသေးဘူး၊ ကျမတို့က မယုံဘူး၊ သူတို့က ဒီလိုပဲ ပြောနေတာ အမြဲတမ်းပဲ၊ ပြောပြောပြီးခေါ်သွားတာ၊ သူတို့က အမျိုးမျိုးလီဆယ်တတ်တဲ့သူတွေ၊ ရှင်းရှင်းပြောရရင် ကျမတို့က အမြဲတမ်း အနိုင်ကျင့်ခံနေရတာ”ဟု မိသားစုဝင်တယောက်အနေ ဖြင့် စိုးရိမ်နေမှုကို ပြောသည်။
ကိုဇာဂနာသည် နာဂစ်မုန်တိုင်းကယ်ဆယ်ရေး အကူအညီလုပ်ငန်းများကို မေ (၇) မှစတင်ကာ လုပ်ဆောင်နေပြီး လူမှုရေးသက်သက်သာ အကူညီပေးနေခြင်းဖြစ်ကာ အာဏာပိုင်များက ယခု ကဲ့သို့ ဖမ်းဆီးသွားခြင်းမှာ အကြောင်းမဲ့ အနိုင်ကျင့်နေခြင်းသာဖြစ်သည်ဟု ၎င်းက ဆက်လက် ပြောသည်။
“ရှင်းရှင်းပြောရရင် ကိုသူရက (၇) ရက်နေ့ကစပြီး လူမှုရေးပဲလုပ်နေတာ၊ ဘာနိုင်ငံရေးမှာမှ မပါဘူး၊ သူများတွေလည်း လုပ်နေတာ၊ ကိုသူရကျမှ အခုလိုလုပ်တာ၊ အနုပညာလောက က လူတွေအကုန်လုံး လုပ်နေတာ၊ ဘယ်သူ့မှ ခေါ်စစ်တာမရှိဘူး၊ တခုခုဖြစ်ရင် ဇာဂနာ ဇာဂနာနဲ့ အဲလိုပဲ လုပ်နေတာ”ဟု မိသားစုဝင်က ပြောသည်။
နာဂစ်မုန်တိုင်းကယ်ဆယ်ရေးလုပ်ငန်းများကို ကိုဇာဂနာနှင့်အတူ တွဲလုပ်နေသော အခြား အနုပညာရှင်များဖြစ်သည့် ဟာသသရုပ်ဆောင် ကိုအရိုင်း၊ ကိုငှက်ပျောကြော်တို့ကို အာဏာပိုင် များက မေးမြန်းမှုများပြုလုပ်ခဲ့ပြီး လူမှုရေးလုပ်ငန်းများလုပ်နေတာ ကောင်းမွန်ကြောင်းနှင့် ဆက်လက်လုပ်ဆောင်ပါဟု ပြောဆိုခဲ့ကြောင်း ၎င်းက ဆက်လက်ပြောဆိုခဲ့သည်။
Yoma3 news ယူပါသည်
ဘိုကလေးသို့ လက်တွန်းထွန်စက်များ ရောက်ရှိ
ကြာသပတေးနေ့၊ ဇွန်လ 05 2008 17:15 - မြန်မာစံတော်ချိန်
ဘိုကလေး။ ။ လေးဘေးဒဏ်သင့် ဒေသတခု ဖြစ်သည့် ဧရာဝတီတိုင်း ဖျာပုံခရိုင် ဘိုကလေးမြို့နယ်သို့ အစိုးရမှ ထောက်ပံ့သော လက်တွန်းထွန်စက်များ ယနေ့ ရောက်ရှိလာသည်။
မိုးစပါးအတွက် ပျိုးစိုက်ချိန်အမှီ ထွန်ယက် စိုက်ပျိုးနိုင်ရန်အတွက် လယ်ယာနှင့် ဆည်မြောင်း ၀န်ကြီးဌာန အစီအစဉ်ဖြင့် လက်တွန်း လယ်ထွန်စက် (ဧရာ-၁) အမျိုးအစားများနှင့် စက်သုံး အပိုပစ္စည်းများကို စစ်ဘက် သယ်ယူပို့ဆောင်ရေး ကား ၁၀၀ ခန့်ဖြင့် ယနေ့ နံနက်ပိုင်းက ရောက်ရှိလာခြင်း ဖြစ်သည်။
ယခုလို လယ်ထွန်စက်များ ဘိုကလေးမြို့ပေါ်သို့ ရောက်ရှိ မလာခင်ကတည်းက မြို့နယ်အတွင်းရှိ ကျေးရွာများသို့ သက်ဆိုင်ရာမှ ကျွဲနွားများ ချပေးနေသည်ဟု ပြောဆိုခဲ့သော်လည်း ယခုထိ ရောက်ရှိလာခြင်း မရှိသေးပါ။
အထောက်အပံ့ အကူအညီများ အလျင်အမြန် ရမည်ဆိုလျှင် ပြန်လည် စိုက်ပျိုးခွင့် သာမည်ဟု ဒေသခံအချို့က ဆိုသည်။
ဘိုကလေးအပိုင် ဧရာတန်ကျေးရွာမှ ရွာသားတဦးက ''မုန်တိုင်းဒဏ်ကြောင့် စိုက်ပျိုးမြေတွေထဲ ရေငံတွေ ၀င်ပေမယ့် မိုးများတဲ့ ဒေသဖြစ်လို့ လယ်ယာတွေကို အချိန်မှီရင် ပြန်စိုက်ပျိုးနိုင်ပါတယ်'' ဟု ပြောသည်။
သူက ''လေနဲ့ရေ တပြိုင်ထဲ တိုက်ခတ်လို့ မျိုးစပါးတွေ ဆုံးရှုံးခဲ့ရတယ်။ ကျွဲတွေပါ ဆုံးရှုံးးခဲ့တယ်။ အခု ရွာမှာ ဧက ၇၀ ကျော်ကို ကျွဲ ၂ ကောင်နဲ့ အလှည့်ကျ ထွန်ယက်နေရတယ်။ လက်ရှိ အချိန်အထိတော့ မျိုးစပါးတွေ မရောက်သေးပါဘူး။ တကယ်လို့ မျိုးရရင် အလွယ်တကူ ပြန်စိုက်နိုင်ဖို့ အခုလို ထွန်နေတာပါ'' ဟု ဆက်ပြောသည်။
မြို့နယ်အတွင်းရှိ လေဘေးသင့် ကျေးရွာများမှာ အစားအသောက်အတွက် လာရောက်လှူဒါန်းသော စေတနာရှင်များကိုသာ မှီခိုနေရသေးသည်။
ပြီးခဲ့သည့်လ ၂-၃ ရက်နေ့များတွင် နာဂစ်မုန်တိုင်းသည် မြန်မာနိုင်ငံသို့ ဖြတ်သန်း တိုက်ခတ်သွားရာ ရန်ကုန်တိုင်း၊ ဧရာဝတီတိုင်းတို့တွင် ပျက်စီးဆုံးရှုံးမှုများ ဖြစ်ပေါ်ခဲ့ကာ ဆန်စပါး အဓိက ထွက်ရှိရာ ဧရာဝတီတိုင်းတွင် ဆုံးရှုံးမှု ကြီးမားခဲ့ပြီး လူအသေအပျောက် အများဆုံးနှင့် စိုက်ပျိုးမြေဧကများစွာ ထိခိုက် ဆုံးရှုံးခဲ့ရသည်။
MIZZIMA NEWS
Wednesday, June 4, 2008
လန်ဒန် မြန်မာသံရုံးမှ အမျိုးသမီး မြန်မာသံတမန်တဦး ထွက်ပြေပြီ
NEJ/ ၄ ဇွန် ၂၀၀၈
အင်္ဂလန်နိုင်ငံ လန်ဒန်မြို့ မြန်မာသံရုံးမှ သံတမန်အမျိုးသမီးတဦး မိသားစုနှင့်အတူ ဇွန်လ (၄) ရက်နေ့က ထွက်ပြေးသွားသည်ဟု ခိုင်လုံသည့် သံတမန် သတင်းရပ်ကွက်က ပြောသည်။
လန်ဒန်မြို့ မြန်မာသံရုံးမှ ယနေ့ ထွက်ပြေးသွားသူမှာ ရုံးအုပ်ကြီးအဆင့်ရှိ ဒေါ်နွယ်နီဖြစ်ပြီး ခင်ပွန်းသည်၊ သားဖြစ်သူတို့နှင့်အတူ ထွက်ပြေးသွားခြင်းဖြစ်သည်။ မြန်မာသံတမန် ဒေါ်နွယ်နီ ထွက်ပြေးခြင်း အကြောင်းရင်းကို ရှင်းရှင်းလင်းလင်း မသိရသေးဟု လန်ဒန် မြန်မာသံရုံးနှင့် နီးစပ်သည့် သတင်းရပ်ကွက်က ပြောသည်။
ထွက်ပြေးသူ မြန်မာသံတမန် ဒေါ်နွယ်နီ၏ ခင်ပွန်းမှာ အင်ဂျင်နီယာတဦးဖြစ်ပြီး အစောပိုင်း ကတည်းက အပြင်မှာ အလုပ် ခိုးလုပ်နေသူ ဖြစ်သည်ဟု စုံစမ်းသိရသည်။
ထွက်ပြေးသူ ဒေါ်နွယ်နီ၏ ခင်ပွန်းမှာ လန်ဒန် မြန်မာသံအမတ်ကြီး ဗိုလ်မှူးချုပ်နေ၀င်းနှင့်
အထူးရင်းနှီးသူလည်းဖြစ်သည့်အတွက် မြန်မာသံအမတ်ကြီး ဗိုလ်မှူးချုပ်နေ၀င်း၏ ခွင့်ပြုချက်ဖြင့် အပြင်မှာ အလုပ်လုပ်နေသလားဆိုသည်မှာ အတိအကျ မသိရဟု သံတမန်သတင်းရပ်ကွက်က ပြောသည်။ ခေတ်ပြိုင်မှ လန်ဒန် မြန်မာသံအမတ်ကြီး ဗိုလ်မှူးချုပ်နေ၀င်းကို ဖုန်းဖြင့် မေးမြန်းရန် ကြိုးစားသော်လည်း အဆက်အသွယ်မရခဲ့ပါ။
.khitpyaing မှယူပါသည်
နအဖ ဖွဲ့စည်းပုံကို ပြည်တွင်းအဖွဲ့များ လက်မခံ
ဗုဒ္ဓဟူးနေ့၊ ဇွန်လ 04 2008 18:56 - မြန်မာစံတော်ချိန်
ချင်းမိုင်။ ။ နအဖ ဖွဲ့စည်းပုံ အခြေခံဥပဒေကို ပြည်တွင်းရှိ သံဃာ၊ ကျောင်းသားနှင့် တိုင်းရင်းသားအဖွဲ့ ၁၅ ဖွဲ့က အသိအမှတ်မပြု လက်မခံကြောင်း ယနေ့ ထုတ်ပြန် ကြေညာလိုက်ကြသည်။
နအဖ ဖွဲ့စည်းပုံကို အသိအမှတ် မပြုကြောင်း မြန်မာနိုင်ငံလုံးဆိုင်ရာ သံဃာ့တပ်ပေါင်းစု၊ ၈၈ မျိုးဆက် ကျောင်းသားများ၊ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ် (ဗကသ) ၃ ဖွဲ့ပေါင်းနှင့် တိုင်းရင်းသားပါတီ ၁၂ ပါတီက ယနေ့တွင် ပူးတွဲ ကြေညာကြခြင်း ဖြစ်သည်။
ဗကသ ပြောရေးဆိုခွင့်ရှိသူ ကိုလင်းထက်နိုင်က “ဖွဲ့စည်းပုံ ရေးဆွဲနေတဲ့ လူတွေကို ကြည့်လိုက်ရင် အကုန်လုံးလိုလို ကြောက်ပြီးတော့ စစ်တပ်အတွက် ရေးဆွဲပေးနေတဲ့ လူတွေ ဖြစ်တယ်။ ပြည်သူလူထုအတွက် ဦးဆောက်ဦးရွက် လုပ်ပြီးတော့ ရေးဆွဲပေးတာ မဟုတ်ဘူး။ ပြည်သူအတွက် သူတို့မှာ သိပ်ခံစားချက် မရှိဘူး။ သူတို့ စားရေးသောက်ရေး အတွက်ပဲ ရေးဆွဲထားတာပါ” ဟု ပြောသည်။
၈၈ မျိုးဆက် ကျောင်းသားများအဖွဲ့မှ ကိုထွန်းမြင့်အောင်ကလည်း “ပြည်သူလူထု ကိုယ်စားပြုတဲ့ အစိုးရတရပ် ပေါ်ပေါက်ပြီးတော့ ပြည်သူလူထုရဲ့ အကျိုးစီးပွားကို ဖော်ဆောင်ပေးနိုင်တဲ့ ဖွဲ့စည်းပုံတရပ်ကို ဖြစ်တည်သွားနိုင်ဖို့အတွက် ကျနော်တို့က လူထုအားကိုယူ၊ လူထုလှုပ်ရှားမှု ပုံသဏ္ဍာန်တွေဟာ ကျနော်တို့ နိုင်ငံတော်နဲ့ ပြည်သူတွေရဲ့ အကျိုးစီးပွားကို တကယ်လက်တွေ့ကျကျ ဖော်ဆောင်ပေးနိုင်မယ့် နည်းလမ်း ပေါင်းစုံကို ရှာဖွေပြီးတော့ လုပ်သွားမှာပါ” ဟု ပြောသည်။
၃ ဖွဲ့ပေါင်း ပူးတွဲ ကြေညာချက်တွင် ဒီမိုကရေစီနှင့် လူ့အခွင့်အရေး စံချိန်စံနှုန်းများနှင့် ဆန့်ကျင်ခြင်း၊ တိုင်းရင်းသား လူမျိုးစုံ ပြည်သူတရပ်လုံး၏ အကျိုးစီးပွားနှင့် ဘဝလုံခြုံရေးကို ကာကွယ် ဖော်ဆောင်ခြင်း၊ အာမခံချက် ပေးထားခြင်းများ မတွေ့ရှိသဖြင့် စစ်အစိုးရ အာဏာ တည်မြဲရေး အတွက် ဖွဲ့စည်းပုံသာ ဖြစ်သည်ဟု ရေးသားထားသည်။
ထို့အပြင် ဥပဒေ အတည်ပြုရေးတွင် လွတ်လပ်ပြီး သန့်ရှင်း တရားမျှတသော ဆန္ဒခံယူပွဲဖြင့် ပြည့်သူ့ဆန္ဒကို ရယူမှု မရှိခြင်း၊ ပြည်သူကို မသမာသော နည်းပေါင်းစုံဖြင့် တိုက်ရိုက်၊ သွယ်ဝိုက် သော်လည်းကောင်း အကြပ်ကိုင် ဖိအားပေးခြင်း၊ ခြိမ်းခြောက်ခြင်း၊ ပြည်သူ့ဆန္ဒကို အဓမ္မ အတည်ပြုခဲ့သည်များမှာ အသိအမှတ်ပြု လက်ခံနိုင်ဖွယ်ရာ မရှိဟု ဆိုထားသည်။
သံဃာ့တပ်ပေါင်းစုမှ အရှင်ဦးပညာဝံသက “ပါဠိလိုပြောရင် ပရဟိတကို ရှေ့တန်းထားပြီး ဖော်ဆောင်တဲ့ အစိုးရမျိုးကို ဦးဇင်းတို့က ဖော်ဆောင် သွားမယ်။ တိုင်းသူပြည်သား ဒါယိကာ၊ ဒါယိကာမတွေ အားလုံးဟာ စစ်အစိုးရရဲ့ အမိန့်အာဏာ မှန်သမျှကို ဖီဆန်နိုင်တဲ့ သတ္တိတွေ ရှိလာအောင် အလျင်းသင့်သလို ဟောပြောပွဲ၊ တရားပွဲတွေမှာ ဟောပြောစည်းရုံးသွားမယ်။ နောက် ပတ္တနိက္ကုဇ္ဇန ကံဆောင်တာကိုလည်း အရှိန်အဟုန် တိုးမြှင့်ပြီး ဆက်လက် ဆောင်ရွက်သွားမယ်” ဟု မဇ္ဈိမကို မိန့်ကြားသည်။
စစ်အစိုးရ၏ ဖွဲ့စည်းပုံသည် မသမာမှု နည်းမျိုးစုံသုံးပြီး ပြည်သူ့ဆန္ဒကို အနိုင်ကျင့်ဗိုလ်ကျ အဓမ္မ အတည်ပြုခြင်း ဖြစ်သဖြင့် ပြည်သူများအနေနှင့် လေးစား လိုက်နာစရာ မလိုကြောင်း အဖွဲ့အစည်းများက တိုက်တွန်းသည်။
ထို့အပြင် ကုလသမဂ္ဂနှင့် နိုင်ငံတကာ အသိုင်းအဝိုင်းကလည်း ဒီမိုကရေစီနှင့် လူ့အခွင့်အရေးကို လေးစား တန်ဖိုးထားတတ်သော လက်တွေ့ မူဝါဒအားဖြင့်လည်းကောင်း၊ မြန်မာပြည်သူများ၏ အဖိနှိပ်ခံ အချယ်လှယ်ခံ ဘဝကို လူသားချင်း စာထောက်ထားသော ရပ်တည်ချက်များဖြင့် လည်းကောင်း နအဖ စစ်ဖွဲ့စည်းပုံအား အသိအမှတ် မပြုရန်လည်း တိုက်တွန်းထားသေးသည်။
အလားတူပင် ၁၉၉ဝ ရွေးကောက်ပွဲတွင် အနိုင်ရခဲ့ပြီးနောက် ဖျက်သိမ်းခံပါတီ အများစုပါဝင်သော တိုင်းရင်းသား အင်အားစုများ၏ တရားဝင် ထုတ်ပြန်သော သဘောထားတွင် စစ်အစိုးရ၏ ဆန္ဒခံယူပွဲ ရလဒ်ကို အယုံအကြည် မရှိကြောင်း ပြည်တွင်းမှ တိုင်းရင်းသား ၁၂ ပါတီကလည်း ယနေ့တွင် ထုတ်ပြန် ကြေညာသည်။
နအဖ ကြိုးဆွဲ ရုပ်သေးများဖြစ်သော ဒေသအာဏာပိုင် အဖွဲ့အစည်းများနှင့် ဌာနဆိုင်ရာများ၊ ကြံ့ဖွံ့နှင့် စွမ်းအားရှင် ဆိုသူများက မသိရိုးသား နားမလည်သော ပြည်သူများအား ခြိမ်းခြောက် အကြပ်ကိုင်၊ ဖြားယောင်းသွေးဆောင် သိမ်းသွင်းခြင်း၊ မဲရုံတာဝန်ရှိသူများက ထောက်ခံမဲများကို မသမာသောနည်းဖြင့် အတင်းအဓမ္မ ရယူခြင်းများ ကျူးလွန်ခဲ့ကြောင်း ကြားမြင်တွေ့ရသည် ဖြစ်၍ ယခု ဆန္ဒခံယူပွဲသည် လွတ်လပ်၍ တရားမျှတမှု မရှိကြောင်း ရှုမြင်ပါသည်ဟု ကြေညာချက်တွင် ဖော်ပြထားသည်။
ထို့အပြင် တရားမျှတမှု မရှိသော လူထုဆန္ဒ ခံယူပွဲ ရလဒ်၏ တရားမျှတမှု ကင်းမဲ့သည်ကို ခိုင်လုံ မှန်ကန်သော သက်သေ အထောက်အထားများ ဖော်ထုတ်ကြရန် တိုက်တွန်းလိုက်သည်။
ကြေညာချက်ကို ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD)၊ မွန်အမျိုးသား ဒီမိုကရေစီအဖွဲ့ (MNDF)၊ ဇိုမီးအမျိုးသား ကွန်ဂရက် (ZNC)၊ ရခိုင်ဒီမိုကရေစီအဖွဲ့ချုပ် (ALD)၊ ချင်းအမျိုးသား ဒီမိုကရေစီအဖွဲ့ချုပ် (CNLD)၊ ကရင်အမျိုးသား ဒီမိုကရေစီကွန်ဂရက် (KNCD)၊ ကချင်ပြည်နယ် အမျိုးသားဒီမိုကရေစီ ကွန်ဂရက် (KNCD)၊ ကယားပြည်နယ် လူမျိုးပေါင်းစုံ ဒီမိုကရေစီအဖွဲ့ချုပ် (KSANLD)၊ ကယန်းအမျိုးသား ညီညွတ်ရေးနှင့် ဒီမိုကရေစီအဖွဲ့ (DOKNU)၊ မရာပြည်သူ့ပါတီ (MPP)၊ ရှမ်းပြည် ကိုးကန့် ဒီမိုကရက်တစ် ပါတီ (SSKDP) နှင့် ရခိုင်ပြည်သူ့ ဒီမိုကရေစီ တပ်ပေါင်းစု (APDF) တို့က ပူးတွဲ ထုတ်ပြန်ခြင်း ဖြစ်သည်။
တိုင်းရင်းသား ၁၂ ပါတီအနက် ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD) နှင့် ရှမ်းပြည် ကိုးကန့် ဒီမိုကရက်တစ် ပါတီ (SSKDP) မှလွဲ၍ ကျန်ပါတီများ အားလုံးသည် ဖျက်သိမ်း ခံထားရသော ပါတီများ ဖြစ်သည်။
MIZZIMA NEWS
ဒဏ်ရာရ အဖြူရောင်လေးတွေက … ကျောင်းနေပျော်နိုင်ပါ့မလား …
အေးချမ်းမြေ့ | ဇွန် ၄၊ ၂၀၀၈
ကျောင်းဆိုတဲ့ အသံကိုကြားလိုက်တာနဲ့ အဖြူအစိမ်းဝတ် နေ့ရက်ကလေးတွေကို ပြန်မြင်ယောင်ရင်း စိတ်က အလိုလို နုပျိုသွားကြမှာပါ။ ကျမဆို သူငယ်တန်း စတက်တဲ့ နေ့ကိုတောင် မှတ်မိနေသေးတယ်။ ကျမကို သိပ်ချစ်တဲ့ မနာယော ဆိုတဲ့ လားဟူအမကြီးတယောက် လက်ဆောင်ပေးခဲ့တဲ့ လွယ်အိတ် စိမ်းကလေးကို လွယ်ရင်း လိုက်ပို့တဲ့ အဖေ့ကို လုံးဝလှည့် မကြည့်ဘဲ ကျောင်းထဲ တန်းတန်းမတ်မတ် ဝင်သွားခဲ့တာ။ ကျောင်းတက်ရဖို့ စိတ်လှုပ်ရှား ပျော်ရွှင်ခဲ့တာပါ။
ကျမသားကြီး သူငယ်တန်းစတက်တဲ့ နေ့ကိုလည်း မှတ်မိနေသေးတယ်။ ကျောပိုးအိတ်ကလေးကို လွယ်ပြီး လက်ပြ နှုတ်ဆက်နေတဲ့ အဖေနဲ့ အမေကို လုံးဝလှည့်မကြည့်ဘဲ ကျောင်းထဲကိုတန်းတန်းမတ်မတ် ဝင်သွားခဲ့၊ ကျောင်းက သူငယ်ချင်းတွေအကြောင်း ပြောပြလို့ မဝခဲ့တဲ့ သားကြီးရဲ့ သူငယ်တန်းနေ့ရက်တွေကလည်း ဖြစ်မှ ဖြစ်ပါ့မလားလို့ စိတ်ပူခဲ့တဲ့ ကျမကို စိတ်အေးစေခဲ့ရတယ်။
ခု ကျောင်းတွေဖွင့်ပြန်ပြီ…။ ကျောင်းဖွင့်ရာသီမို့ ကျောင်းတွေပြန်ဖွင့်တာ မဆန်းပေမယ့် လောလော လတ်လတ် ဒဏ်ရာ အနာတရတွေ ရခဲ့တဲ့ကျောင်းတွေ၊ အခက်အခဲတွေ တင်းကြမ်းပြည့်နေတဲ့ ကျောင်းသား မိဘတွေနဲ့ ဆရာဆရာမတွေ၊ စိတ်ဒဏ်ရာတွေနဲ့ ကလေးတွေ..။ ဒါတွေအားလုံး စုစည်းပြီး ကျောင်းဆိုတာကို ဘယ်လို ပုံဖော်မလဲဆိုတာ စဉ်းစားစရာ တော်တော်ကောင်းပါတယ်။
ဧရာဝတီတိုင်းက မုန်တိုင်းဒဏ် ပြင်းပြင်းထန်ထန် ခံစားခဲ့ရတဲ့ ဒေသတွေကလွဲရင် ကျန်တဲ့ဒေသတွေမှာ ဒီနေ့ ကျောင်းတွေ စဖွင့်ပါပြီ။ ရန်ကုန်တိုင်းအတွင်းက ကျောင်းတော်တော်များများမှာ အနည်းဆုံးတော့ အမိုးလန်ခဲ့၊ တချို့ ပျက်စီးခဲ့ရတယ်လို့ ဒေသခံတွေက ပြောပါတယ်။ ရန်ကုန်တိုင်းအတွင်းမှာပဲ ကွမ်းခြံကုန်းလို၊ တွံတေးလို၊ ကော့မှူးလို ဒေသတွေမှာ ဆိုးဆိုး ရွားရွား ပျက်စီးခဲ့တယ်၊ လူတွေလည်း သေခဲ့ပါတယ်။
ဧရာဝတီတိုင်းမှာက ရွာလုံးကျွတ်ကို ပျောက်တာတွေ အများကြီးဆိုတော့ အဲဒီထဲမှာ ကျောင်းတွေလည်း အများကြီး ပါသွား ခဲ့မှာပါ။ ကုလသမဂ္ဂ လူသားချင်းစာနာမှုဆိုင်ရာ ပူးပေါင်းညှိနှိုင်းရေးရုံး (UNOCHA) ကတော့ မြန်မာပြည်ရဲ့ မုန်တိုင်းဒဏ်ခံ ရတဲ့ ဒေသတွေမှာ မူလတန်းကျောင်း ၂၄၀၀ ကျော် ပျက်စီးခဲ့တယ် လို့ ဆိုပါတယ်။ အဲဒီလို ပျက်စီးခဲ့တဲ့ အတွက် ကလေး ပေါင်း ၃ သိန်း ၆ သောင်းကျော် ပညာရေး ထိခိုက်မယ်လို့ အဲဒီ ဌာနရဲ့ အစီအရင်ခံစာအရ သိရပါတယ်။
မြန်မာစစ်အစိုးရကတော့ ကျောင်းတွေကို အမြန်ဆုံး ပြန်လည် တည်ဆောက်ပြီး နောက်နှစ်ပတ်မှာ ဖွင့်နိုင်အောင် ကြိုးစား မယ်လို့ ကြေညာထားပါတယ်။ ကျောင်းဆိုတဲ့ အဆောက်အဦရယ်၊ တက်မယ့် ကလေးတွေရယ်၊ သင်မယ့် ဆရာ ဆရာမရယ် ရှိရင် ဖွင့်လို့ရပြီလို့ ယူဆထားပုံရပါတယ်။
ကျောင်းတွေဖွင့်တာကတော့ ဖွင့်လို့ရမှာပါ။ ကလေးတွေကိုလည်း တက်ချင်သည်ဖြစ်စေ မတက်ချင်သည် ဖြစ်စေ တက်ရ မယ်လို့ အမိန့်နဲ့ တက်ခိုင်းမယ်ဆိုရင် တက်ကြရမှာပါပဲ။ ဒါပေမယ့် ဒီကလေးတွေအားလုံးက သာမန်၊ ပုံမှန် စိတ်အခြေအနေ ရှိနေတဲ့ ကလေးတွေမဟုတ်ကြပါဘူး။ မိဘ ဆွေမျိုးတွေ ရုတ်တရက် ပျောက်ဆုံးသွားရတဲ့ ကလေးတွေ၊ ဆာနေ ငတ်နေတဲ့ ကလေးတွေ၊ အိမ်မရှိတော့တဲ့ နေစရာ အမိုးအကာ ပျောက်ဆုံးခဲ့ရတဲ့ ကလေးတွေ ဖြစ်နေမှာပါ။ လူကြီးတွေတောင် ဘယ်လောက်ခံစားခဲ့ရ၊ ခံစားနေရသလဲ။ သိပ်ကို နုနယ်တဲ့ ကလေးငယ်လေးတွေရဲ့ ရင်ထဲက အနာတရတွေက ပိုပြီး ကြီးမားလိမ့်မယ်လို့ ကျမ ယုံကြည်တယ်။
အမေရိကန်နိုင်ငံမှာ မုန်တိုင်းတွေ ဝင်သွားခဲ့ပြီးနောက်ပိုင်း သဘာဝဘေးဒဏ်အပြီး ကလေးတွေအတွက် စိတ်အင်အားနဲ့ ပတ်သက်လို့ လိုအပ်တဲ့ သင်ခန်းစာတွေထည့်၊ သေသေချာချာ ပြင်ဆင်ပြီးမှ ကျောင်းပြန်ဖွင့်လေ့ရှိတယ် လို့သိရပါတယ်။
“မြန်မှာပြည်မှာကျတော့ ကျောင်းဖွင့်ချိန်မို့လို့ ဖွင့်တယ် ဆိုတာမျိုးဆိုတော့ တကယ့်တကယ်မှာ ကလေးတွေက ဘာမှ အဆင်သင့်မဖြစ်ဘဲ ပိုပြီး ကစဥ့်ကလျားဖြစ်လိမ့်မယ်” လို့ ကထိက ဟောင်း တဦးဖြစ်တဲ့ ဆရာမ မေငြိမ်းက ကျမကိုပြောပြ ပါတယ်။ ဆရာမက RFA ရေဒီယို အစီအစဉ်မှာ မြန်မာပြည် ပညာရေးနဲ့ ပတ်သက်လို့ အပတ်စဉ် သုတေသနပြု တင်ဆက် နေသူ တဦးလည်း ဖြစ်ပါတယ်။
ပတ်ဝန်းကျင်အရကော ကျောင်းစာသင်ခန်းအနေနဲ့ကော။ ဆရာဆရာမတွေကိုယ်တိုင်က စိတ်အနာတရ ဖြစ်နေတာမျိုးရှိ နိုင်တယ်။ စာသင်ခန်းဆိုရင်လည်း အရင်ကတည်းက မြန်မာပြည်ကကျောင်းတွေက ကျောက်သင်ပုန်းနဲ့ မြေဖြူလောက်ပဲ ရှိတာမှာ ခုချိန်မှာကျတော့ ဒီ ကျောက်သင်ပုန်းကိုတောင် သစ်ပင် အောက်မှာ ထောင်ပြီးသင်ရမှာလား၊ ကွင်းပြင်ထဲမှာ သင်ရမှာလား ဆိုတာမျိုး ဖြစ်နိုင်တယ် လို့ ဆရာမက ဆက်ပြောပါတယ်။
“အဲဒီလို အကျိုးဆက်တွေက ကလေးတွေအတွက် စိတ်အားငယ်စေတဲ့ အခင်းအကျင်းတွေ ဖြစ်နေလိမ့်မယ်” လို့ သူက ဆိုပါတယ်။ ကလေးတွေခမျာ စိတ်ဖိစီးမှုဒဏ်ကို အပြင်းအထန် ခံစားနေရစဉ်မှာပဲ သူတို့ စိတ် မဝင်စားနိုင်တဲ့ သင်ခန်းစာ တွေကို သင်ယူဖို့ဆိုတာ လဲနေတဲ့သူကို ထပ်ဖိထောင်းသလို ဖြစ်နေမှာပါ။
လပွတ္တာမြို့နယ်အတွင်းမှာရှိတဲ့ ကန်ညီနောင်၊ ပီတွတ်၊ ချောင်းဝ စတဲ့ ရွာတွေကနေ မနေ့ကမှ ပြန်လာတဲ့ မသန္တာ ကတော့ ကလေးတွေရဲ့ အနေအထားက ကျောင်းပုံမှန်တက်ပြီး စာသင်နိုင်တဲ့ အနေအထား မရှိဘူးလို့ဆိုပါတယ်။ သူတို့လို အလှူ လာလုပ်တဲ့ သူတွေကို ကြောင်ငေးကြည့်နေတဲ့ ကလေးလေးတွေကို မြင်တဲ့အခါမှာ ဘယ်သူမှစိတ်မထိန်းနိုင်ဘဲ ငိုမိကြ တယ်တဲ့။
“မိဘမဲ့တွေများတယ်။ အဲဒီဘက်တွေကို အကူအညီတွေမရောက်တော့ အစားလည်း ပုံမှန်မစားကြရဘူး။ ကလေးတွေကို ကြည့်ရတာ စိတ်မချမ်းသာဘူး။ ကျမတို့အားလုံး မျက်ရည်မကျဘဲ မနေနိုင်ဘူး။ ကျမ အထင်တော့ သူတို့ကို ပုံမှန်အနေ အထားရောက်အောင် ပြန်လုပ်ဖို့ကို ကလေးစိတ်ပညာ တကယ်နားလည် တတ်ကျွမ်းသူ တွေ အများကြီးလိုလိမ့်မယ်” လို့ သူက ကျမကိုပြောပြတယ်။
ဆောက်လုပ်ရေး လုပ်ငန်းတချို့ကတော့ အဲဒီဒေသတွေဘက်မှာ စာသင်ကျောင်းတွေ ဆောက်ဖို့ အပြင်း အထန် ကြိုးစား နေတယ်လို့ ဆိုပါတယ်။ ကျောင်းတွေ ဆောက်ပြီးရုံ၊ စာသင်ခန်းတွေ ရှိရုံနဲ့တော့ ဒီကလေး တွေအတွက် ပြည့်စုံနိုင်မယ် မထင်ဘူးလို့ သူကဆက်ပြောပါတယ်။
နာဂစ်မုန်တိုင်းဒဏ်ခံရတဲ့ ဒေသတွေမှာ ကလေးပေါင်း ၁.၁ သန်း ပညာသင်ကြားနိုင်မယ့် ကျောင်းပေါင်း ၄၀၀၀ ကျော် ပျက်စီးသွားရပြီး ဆရာဆရာမပေါင်း အနည်းဆုံး ၁၀၀ ကျော် သေဆုံးခဲ့ရတယ်လို့ ကမ္ဘာ့ ကုလသမဂ္ဂ ကလေးများရန်ပုံငွေ အဖွဲ့ (UNICEF) က ပြောပြထားပါတယ်။
ဒီဒေသက မသေဆုံးဘဲ ကျန်နေမယ့် ဆရာ၊ ဆရာမတွေကိုယ်တိုင်ကကော သူတို့ကိုယ် သူတို့ အနိုင်နိုင် ရပ်တည်နေရတဲ့ ဒုက္ခသည်တွေထဲက ဒုက္ခသည်တွေပဲ ဖြစ်နေဖို့များတယ်။ သူတို့တွေက ကလေးတွေ စိတ်အင်အား မြင့်တက်အောင် ပြောဖို့ စနစ်တကျလေ့ကျင့်ထားတဲ့သူတွေ မဟုတ်နိုင်ဘူး။ ဒီတော့ သင်ခန်းစာတွေကိုပဲ ဒီတိုင်း အစဉ်လိုက်သင်သွား မယ်ဆိုရင် ကလေးတွေကလည်း ဒီသင်ခန်းစာတွေ အပေါ်မှာ အာရုံဝင်စားနိုင်ဖို့ မလွယ်ဘူးလို့ ဆရာမမေငြိမ်းက ပြောပါတယ်။
“ပိုဆိုးတာက မြန်မာပြည်မှာ အဆင့်မီတဲ့ Moral သင်ရိုးလုံးဝမရှိဘူး။ ဒီတော့ ကျောင်းသင်ခန်းစာထဲကနေ စိတ်အင်အား တိုးပွားစရာမရနိုင်တဲ့အပြင် စိတ် ဖိစီးမှုတခုပဲထပ်တိုးလာမယ်လို့ ကျမတော့ထင်တယ်” လို့ သူက ဆိုတယ်။
ဆရာ ဆရာမတွေကလည်း သူတို့လို စိတ်ဖိစီးမှုမျိုးရှိနေတာ ဖြစ်နေမယ်၊ ပတ်ဝန်းကျင်ကလူတွေကလည်း ဒီလိုမျိုးပဲဖြစ် နေမယ်၊ ပြီးတော့ အဲဒါကိုမှ ထူးပြီးကုစားပေးတာမျိုးမပါဘူး။ သင်ကြားနည်းပုံစံတွေလည်း မရှိ ဘူးဆိုရင် စိတ်ဒဏ်ရာရ နေတဲ့ ကလေးတွေအတွက် သိပ်ကိုအန္တရာယ်ကြီးတယ်လို့ သူက ဆက်ပြော ပါတယ်။
ကက်ထရီးနားမုန်တိုင်း ဖြစ်ပြီးတုန်းကဆိုရင် သူတို့သင်ခန်းစာတွေပြောင်းလိုက်ကြပါတယ်။ ဒီလို သဘာဝ ဘေးဒဏ် ထပ်ကြုံရမယ်ဆိုရင် ဘယ်လိုရင်ဆိုင်ကြမယ် ဆိုတာမျိုးကစပြီး အမူအရာတွေနဲ့ လုပ်ပြရ တာ မျိုးတွေ ပြောင်းလဲပစ်ရ တယ်လို့ ကြားဖူးပါတယ်။
“ကလေးတွေဟာ သိပ်ကြီးမားတဲ့ စိုးရိမ်ထ်ိတ်လန့်မှုနဲ့ ပူဆွေးသောကကို ရင်ဆိုင်ခဲ့ရတာမို့ စိတ်ဒဏ်ရာတွေ ရနေပါတယ်။ ကလေးတွေကို နဂိုအခြေအနေရောက်အောင် ပြန်လည် ပြုစုပေးဖို့ ကျောင်းတွေ အမြန်ဖွင့်ဖို့ လိုအပ်ပါတယ်”လို့ UNICEF ရဲ့ ဒေသဆိုင်ရာ ပညာရေးအကြံပေး တဦးဖြစ်သူ ကလစ်မေယာက ဆိုပါ တယ်။
ကလေးတွေရဲ့ စိတ်ဟာ နဂိုကတည်းကမှ နုနယ်ပြီး အထိခိုက် ခံစားလွယ်တဲ့အတွက် ဒီကလေးတွေအတွက် သီးသန့် ကလေးစိတ်ပညာ ဆိုပြီးတောင် ခွဲထားရတာပါ။ UNICEF က ရစ်ချတ် ဘရစ်ဒယ်က ကလေးတွေ အတွက် ပုံမှန်ကလေး ဘဝကို ရပြီး ကြီးပြင်းသွားစေဖုိ့အတွက် ကျောင်းတွေကသာ အကောင်းဆုံးနေရာ ဖြစ်တယ်လို့ ဆိုပေမယ့် ဘယ်လိုကျောင်း မျိုးလဲ၊ ဘယ်လို သင်ခန်းစာမျိုးလဲ၊ ဘယ်လို ပတ်ဝန်းကျင်လဲ၊ ဘယ်လို ဆရာဆရာမတွေလဲ ဆိုတဲ့ မေးခွန်းတွေ အများကြီး ပေါ်လာနိုင်ပါတယ်။
တက်ခါစ အညွန့်အတက် ကလေးတွေကို အဆိတ်အဖဲ့ခံလိုက်ရတဲ့ အပင်ငယ်ကလေးတွေလို စိတ်ဒဏ်ရာ ဗရပွနဲ့ ဝမ်းနည်း၊ အားငယ်၊ ညှိုးနွမ်းနေမယ့် ကလေးလေးတွေအတွက် ပြီး ပြီးရော ဆိုတဲ့ ကျောင်း အဆောက်အဦး တွေနဲ့တင် လုံလောက်နိုင် ပါ့မလား။ စီမံကိန်းချပြီး ဒီနေ့ဒီရက်မှာ ဖွင့်ကို ဖွင့်ရမယ် ဆိုရုံနဲ့တင် ကျောင်းဆိုတဲ့ အဓိပ္ပာယ် ပေါ်လွင်နိုင်ပါ့မလား။ ဒီမေးခွန်း တွေအတွက် အဖြေမရှိခင် နောက်နှစ်ပတ်ဆိုရင်ပဲ မုန်တိုင်းဒဏ် ဆိုးဆိုးရွားရွားခံခဲ့ရတဲ့ ဒေသတွေမှာ ကျောင်းတွေ ကသုတ်ကရက် ပြန်ဖွင့်ကြ ဦးတော့မှာ။
IRRAWADDY မှယူသည်
ရေစိုစပါး ထောင်းပြီး စားနေရဆဲ
ဖျာပုံမှာဆန်ဝေသဖြင့် တန်းစီနေသည့် လူတန်းရှည်ကြီး
မုန်တိုင်းဒဏ်သင့်ခဲ့ပြီး (၁)လကျော်လာသည့်တိုင် နေစရာ အမိုးအကာ လုံခြုံသည့် အိမ်မရှိသေးဘဲ ရေစိုပြီး ပျက်စီးနေသော မည်းညစ်နေသည့် စပါးများကို နေလှမ်းပြီး ကြိတ်ခွဲ ထောင်းစားနေရကြောင်း ဖျာပုံ၊ ဘိုကလေး ကားလမ်းနံဘေးမှ ဒုက္ခသည်များက ပြောသည်။
ဖျာပုံ၊ ဘိုကလေး ကားလမ်းနဘေးမှ ဒုက္ခသည်တဦးက “ကျမတို့က ဘိုကလေးအပိုင် ပတ်ကောဆိုတဲ့ ရွာလေးက။ မုန်တိုင်းပြီးတော့ ကျမတို့ မိသားစု ဘိုကလေးက ဒုက္ခသည်စခန်းတခုကို ရောက်သွားတယ်။ နောက် အစိုးရက မအူပင်ကို ခေါ်သွားတယ်။ မအူပင် အထက်တန်းကျောင်းက ဒုက္ခသည်စခန်းမှာ ခဏနေရတယ်။ နောက်တော့ နေရပ်ပြန်ခိုင်းတယ်။ နေရပ်ပြန်ရင်လည်း ဘာမှရှိတော့မှာ မဟုတ်လို့ အလှူရှင်တွေ လာတတ်တဲ့ ဒီကားလမ်းနံဘေးမှာပဲ တဲလေးထိုးပြီး နေတယ်။ ကယ်ဆယ်ရေး အဖွဲ့တွေက မိုးကာစ အပြာရောင် (၁)စပေးတယ်။ ဆန်ကို ဖျာပုံမှာ ပေးတယ်ဆိုရင် သွားပြီး တန်းစီယူတယ်။ ကျန်တဲ့အချိန်ကတော့ ဒီမိုးထိထားတဲ့ စပါးတွေကိုပဲ နေလှမ်း၊ ခြောက်ရင် ကိုယ့်ဘာသာကိုယ် ကြိတ်ခွဲ၊ အဲဒီ ဆန်မကောင်းတာကိုပဲ ပြုတ်စားတာမျိုး လုပ်တယ်”ဟု ပြောသည်။
အစိုးရက လေဘေးဒုက္ခသည်များကို ဒုက္ခသည်စခန်းများမှ အတင်းအကျပ် နေရပ်ပြန်ပို့ခဲ့ပြီး ဖြစ်သော်လည်း ဘုရားတန်ဆောင်းနှင့် ဘုန်းတော်ကြီးကျောင်းများတွင် ခိုလှုံနေသူများလည်း ရှိနေသေးသည်။ အဆိုပါ ဒုက္ခသည်များအတွက် အဓိက ကူညီပံ့ပိုးပေးနေသူများမှာ ကမ္ဘာ့စားနပ်ရိက္ခာအစီအစဉ် (WFP)နှင့် ပုဂ္ဂလိက အလှူရှင်များဖြစ်ကြောင်း၊ သို့သော် ပြန့်ကျဲနေသည့် ဒုက္ခသည်များနှင့် အချို့ လူသူအရောက်အပေါက်နည်းသည့် နေရာများသို့ WFP ကလည်း ဆန်မဖြန့်ဝေနိုင်ကြောင်း အဆိုပါဒေသ၌ ကူညီကယ်ဆယ်ရေး လုပ်နေသူတဦးက ပြောသည်။ မုန်တိုင်းဒဏ်သင့် ဧရာဝတီတိုင်း နေရာအတော်များများ၌ ရေစိုပျက်စီးနေသော မကောင်းသည့် စပါးများကို နေလှန်း၊ ကြိတ်ခွဲ၊ ထောင်းပြီး ပြုတ်စား နေကြရကြောင်း သိရသည်။ WFP ကလည်း ၎င်းတို့စုဆောင်းထားသည့် ရိက္ခာဆန်များသည် ဇူလိုင်လလယ်အထိသာ ခံမည်ဖြစ်ကြောင်း၊ ရန်ပုံငွေ ထပ်လိုကြောင်း၊ နိုင်ငံခြားမှ မြန်မာပြည်ထဲ ဆန်သွင်းလာပြီး ဒုက္ခသည်များကို ရိက္ခာဝေငှရန် စစ်အစိုးရထံ ခွင့်ပြုချက် တောင်းခံထားကြောင်း အေဂျင်စီသတင်းများအရ သိရသည်။
ခေတ်ပြိုင် မှယူပါသည်
အမေရိကန်သင်္ဘောများ မြန်မာ့ကမ်းလွန် ပင်လယ်ပြင်မှ ထွက်ခွါတော့မည်
ဗုဒ္ဓဟူးနေ့၊ ဇွန်လ 04 2008 16:55 - မြန်မာစံတော်ချိန်
နယူးဒေလီ။ ။ နာဂစ်မုန်တိုင်းမှ အသက်မသေ လွတ်မြောက်ခဲ့သူများကို ကူညီကယ်ဆယ်ရန် ကယ်ဆယ်ရေး ပစ္စည်းများ တင်ဆောင်ကာ မြန်မာ့ကမ်းလွန် ပင်လယ်ပြင်တွင် စောင့်ဆိုင်းနေကြသည့် မိမိတို့၏ ရေတပ် သင်္ဘောများသည် မြန်မာ စစ်အစိုးရက ခွင့်မပြုသဖြင့် စိတ်မကောင်းစွာ ပြန်လည် ဆုတ်ခွာရတော့မည်ဟု အမေရိကန်နိုင်ငံက ယနေ့တွင် ပြောကြားသွားသည်။
မိမိတို့အား ဆိုင်ကလုံးမုန်တိုင်း ဒုက္ခသည်များထံ အရောက်သွား၍ ကူညီ ကယ်ဆယ်ခွင့် ပေးပါရန် အနည်းဆုံး ၁၅ ကြိမ်မျှ မြန်မာ စစ်အစိုးရကို နားချ ပြောပြခဲ့သော်လည်း စစ်အစိုးရက ငြင်းပယ်ခဲ့သည်ဟု အမေရိကန် ပစိဖိတ် ရေတပ်ဖွဲ့ တပ်မှူး ရေတပ်ဗိုလ်ချုပ်ကြီး တင်မိုသီဂျေကီတင်း (Admiral Timothy J. Keating) က ကြေညာချက် ထုတ်ပြန်၍ ပြောကြားသွားသည်။
“သိန်းနဲ့ချီတဲ့ ပြည်သူတွေ ခံစားနေရတဲ့ ဒုက္ခတွေကို သက်သာရာ ရစေဖို့နဲ့ နောက်ထပ် အသက်တွေ မဆုံးရှုံးရအောင် ကျနော်တို့ ရပ်တည် လုပ်ဆောင်ခဲ့ပေမယ့် မြန်မာ စစ်အစိုးရရဲ့ နဲနဲမှ မလိုက်လျောတဲ့ ရပ်တည်ချက်ကြောင့် အခုလို မကယ်ဆယ်၊ မကူညီနိုင်ခဲ့တာကို ကျနော် စိတ်မကောင်းလည်း ဖြစ်ရပါတယ်။ မချင့်မရဲလည်း ဖြစ်ရပါတယ်” ဟု ကီးတင်းက ပြောကြားသည်။
ဤသို့ မိမိ၏ ကြိုးပန်းမှုများ အရာမထင် ဖြစ်ပြီးနောက် ဗိုလ်ချုပ်ကြီး ကီးတင်းက ယူအက်စ်အက်စ် အက်ဆက်စ် စစ်သင်္ဘောအုပ်စု (USS Essex group) နှင့် အမေရိကန် မရိန်းတပ်ဖွဲ့ အမှတ် ၃၁ ရေကြောင်းချီတပ်ဖွဲ့ (31st Marine Expeditionary Unit – MEU) တို့ကို မိမိတို့၏ ယခင် စစ်ဆင်ရေး တာဝန်များ ပြန်လည် ထမ်းဆောင်စေသင့်ကြောင်း ထောက်ခံ တင်ပြခဲ့သည်ဟု ဆိုသည်။
“ယခုအခါ ဤထောက်ခံ တင်ပြချက်ကို ကာကွယ်ရေးဝန်ကြီးက အတည်ပြုလိုက်ပြီ ဖြစ်သည်” ဟု ကြေညာချက်တွင် ရေးသားဖော်ပြထားသည်။
အက်စ်အက်စ် စစ်သင်္ဘော အုပ်စုသည် ယခုအခါ ထိုင်းနိုင်ငံ ကမ်းရိုးတန်းသို့ ဦးတည် ထွက်ခွာသွားတော့မည် ဖြစ်ပြီး ဇွန်လ ၁၁ ရက်နေ့တွင် ကျန်ရှိခဲ့သော ရဟတ်ယာဉ်များနှင့် စစ်သည်တော်များကို ပြန်လည် တင်ဆောင်မည် ဖြစ်သည်။
“အကယ်၍သာ မြန်မာအစိုးရက စိတ်ပြောင်း၍ ဒုက္ခခံစားနေရသော ပြည်သူများအတွက် မိမိတို့၏ အပြည့်အဝ ကူညီမှုကို တောင်းခံလာခဲ့လျှင် မိမိတို့က ကူညီရန် အသင့် ရှိနေပါသည်” ဟုလည်း ကီးတင်းက ဆက်လက် ပြောဆိုသွားသည်။
ယူအက်စ်အက်စ် အက်စ်ဆက်စ် စစ်သင်္ဘောအုပ်စုသည် မေလ ၁၃ ရက်နေ့ကတည်းက မြန်မာ့ကမ်းလွန် ပင်လယ်ပြင်တွင် အခြေပြု စောင့်ဆိုင်းနေခဲ့သည်။ လူပေါင်း ၁၃ဝဝဝဝ ကျော် သေဆုံး သို့မဟုတ် ပျောက်ဆုံးခဲ့ရပြီး လူပေါင်း ၂ သန်း ၄ သိန်း အိုးမဲ့အိမ်မဲ့ ဖြစ်ခဲ့ရသည့် လေဘေး ဒုက္ခသည်များအတွက် အရေးပေါ် လိုအပ်နေသည့် လူသားချင်းစာနာသည့် အကူအညီများ ပေးအပ်ရန် ဤသို့ စောင့်ဆိုင်းနေခဲ့ခြင်း ဖြစ်သည်။
ဆိုင်ကလုံးမုန်တိုင်း ဒုက္ခသည်များကို ကယ်တင်ရန် နိုင်ငံတကာ၏ ကြိုးပန်းမှုကို မြန်မာစစ်အစိုးရက ဟန့်တား ပိတ်ပင်ခဲ့သည့်အတွက် ‘သောင်းနှင့်ချီသော အသက်များ’ ဆုံးရှုံးခဲ့ရသည်ဟု အမေရိကန် ကာကွယ်ရေးဝန်ကြီး ရောဘတ် အမ် ဂိတ်စ် (Robert M. Gates) က ပြောဆိုအပြီး ရက်ပိုင်းအတွင်းမှာပင် အမေရိကန် ရေတပ်သင်္ဘောများ ပြန်လည် ဆုတ်ခွာတော့မည့် ကြေညာချက် ထွက်ပေါ်လာခြင်း ဖြစ်သည်။
ကယ်ဆယ်ရေးပစ္စည်းများ တင်ဆောင်ကာ ရန်ကုန်မြုိ့သို့ ပထမဆုံးအကြိမ် ပျံသန်း ထွက်ခွာသွားသည့် အမေရိကန် စစ်လေယာဉ်ဖြင့် ဗိုလိချုပ်ကြီးကီးတင်း ကိုယ်တိုင် လိုက်ပါသွားပြီး နိုင်ငံတကာ ရေပြင်တွင် စောင့်ဆိုင်းနေသည့် အမေရိကန် စစ်သင်္ဘောများပေါ်သို့ လာရောက် လေ့လာ လည်ပတ်ပါရန် မြန်မာစစ်အစိုးရကို ကမ်းလှမ်း ဖိတ်ခေါ်ခဲ့သည်။ အမေရိကန် အစိုးရ၏ လူသားချင်း စာနာထောက်ထားသည့် အကူအညီများနှင့် ရည်ရွယ်ချက်များအပေါ် စိုးရိမ်ပူပန်မှုများ လျော့ပါးရေးအတွက်လည်း အမေရိကန် စစ်လေယဉ်များနှင့်အတူ လိုက်ပါ ပျံသန်းကြည့်ရှုပါရန်လည်း ဖိတ်ခေါ်ခဲ့သေးသည်။
သို့သော် မုန်တိုင်းဒဏ် အဆိုးဝါးဆုံး ခံခဲ့ရသည့် ဧရာဝတီ မြစ်ဝကျွန်းပေါ်ဒေသသို့ ဒုက္ခသည်များအား ကူညီ ကယ်ဆယ်ရန် ခွင်မပြုခဲ့ဘဲ အမေရိကန်၏ ကမ်းလှမ်းချက်ကို ပယ်ချခဲ့သည်။ ဤသို့ဖြင့် သင်္ဘော ၄ စင်းပါ အက်စ်အက်စ်စစ် သင်္ဘောအုပ်စု၊ အလတ်စားနှင့် အကြီးစား သယ်ယူပို့ဆောင်ရေး ရဟတ်ယာဉ် ၂၂ စီး၊ အမေရိကန်စစ်သည် ၅ဝဝဝ ကျော်ပါဝင်သည့် ကယ်ဆယ်စောင့်ရှောက် တုံ့ပြန်ရေး ပူးတွဲအလုပ်အဖွဲ့ (Joint Task Force Caring Response) ၏ ကြိုးပန်းမှုများသည် အလဟဿ ဖြစ်ခဲ့သည်။
ကယ်ဆယ်ရေး ပစ္စည်းများ သယ်ဆောင်လာသည့် ပြင်သစ် စစ်သင်္ဘောသည်လည်း မြစ်ဝကျွန်းပေါ် ဒေသသို့ သွားရောက်၍ ဆိုင်ကလုံးမုန်တိုင်း ဒုက္ခသည်များကို ကူညီကယ်ဆယ်ရန် စောင့်ဆိုင်းနေရာ မြန်မာအစိုးရထံမှ ခွင့်ပြုချက် မရသဖြင့် မြန်မာ့ကမ်းလွန် ပင်လယ်ပြင်တွင် စောင့်ဆိုင်း နေရာမှ ပြင်သစ်အစိုးရက ယခု ရက်သတ္တပတ် အစောပိုင်းက ပြန်လည် ရုပ်သိမ်းခဲ့သည်။
ဆိုင်ကလုံး ဒုက္ခသည်များကို ကူညီရန် ကယ်ဆယ်ရေး ပစ္စည်းများနှင့် နိုင်ငံတကာ အကူအညီပေးရေး လုပ်သားများကို ကြိုဆိုသော်လည်း ကယ်ဆယ်ရေး လုပ်ငန်းအတွက် မည်သည့် နိုင်ငံခြား စစ်လက်နက်ပစ္စည်းကိုမျှ အသုံးပြုခွင့်မပေး ဟူသော မိမိတို့၏ မူဝါဒကို မြန်မာစစ်အစိုးရက ဆက်လက် စွဲကိုင်ထားသည်။
မေလ ၂ ရက်နေ့က မြန်မာနိုင်ငံကို နာဂစ် ဆိုင်ကလုံးမုန်တိုင်း ဝင်ရောက် တိုက်ခတ်အပြီး အမေရိကန်နိုင်ငံက လျင်မြန်စွာ တုံ့ပြန် ဆောင်ရွက်ခဲ့သည်။ USAID နှင့် အမေရိကန် ကာကွယ်ရေး ဌာနတို့က အရေးပေါ် ကယ်ဆယ်ရေးပစ္စည်း ပေါင်ချိန် ၂ သန်းကျော်ကို လေယာဉ်ဖြင့် ၁ဝ၆ ခေါက် သယ်ယူ ပို့ဆောင်ပေးခဲ့သည်။ ဤဆိုပါ အကူအညီ ပစ္စည်းများသည် အနည်းဆုံး ဒုက္ခသည် ၄၁၇ဝဝဝ ထံသို့ ရောက်ရှိခဲ့ပြီး ဖြစ်သည်ဟု ယုံကြည် ယူဆရသည်။
သို့သော် ကမ္ဘာ့ကုလသမဂ္ဂ အဖွဲ့ကြီးကမူ စုစုပေါင်း မုန်တိုင်းဒဏ်ခံခဲ့ရသော ပြည်သူ ၂ ဒဿမ ၄ သန်းအနက် ခန့်မှန်းခြေ ၁ ဒဿမ ၃ သန်းထံသို့သာ ကယ်ဆယ်ရေး ပစ္စည်းများနှင့် အကူအညီိများ ရောက်ရှိသေးသည်ဟု ပြောဆိုထားသည်။
MIZZIMA မှကူးယူပါသည်
Monday, June 2, 2008
မုန်တိုင်းအလွန် နိုင်ငံရေး
မင်းဇင် | ဇွန် ၂၊ ၂၀၀၈
နာဂစ် ဆိုင်ကလုန်းမုန်တိုင်းက မြန်မာနိုင်ငံကို တိုက်ခတ်ဖျက်ဆီးခဲ့ချိန်တွင် နိုင်ငံရေးအကျဉ်းသားများကိုလည်း ချမ်းသာ မပေးခဲ့ပါ။ ရာနှင့်ချီသော နိုင်ငံရေးအကျဉ်းသားများ ချုပ်နှောင်ခံထားရသည့် နာမည်ဆိုးဖြင့် ကျော်ကြားလှသော အင်းစိန် အကျဉ်းထောင်သည်လည်း ရန်ကုန်မြို့၏ အဆိုးရွားဆုံး ထိခိုက်ပျက်စီးခံခဲ့ရသည့် နေရာတခု ဖြစ်ခဲ့ရသည်။
ပြင်းထန်လွန်းသည့် လေလှိုင်းများက သစ်ပင်ကြီးများကို အမြစ်ကျွတ်အောင် ချွတ်ယူခဲ့ပြီး ထောင်အခန်းများတွင် မိုးရေများ ဖြင့် ပြည့်လျှံလာခဲ့သည်။ လျှပ်စစ်မီးများ ပြတ်တောက်ခဲ့ပြီ။ မိုးရေစိုစွတ်၍ အေးချမ်းနေသည့် အကျဉ်းသားများစွာက စတင် ၍ အမှောင်ထဲတွင် ဆူပူ အော်ဟစ်ကြတော့သည်။
မုန်တိုင်းပြင်းထန်နေဆဲ၌ပင် ထောင်ဆူမှု ဖြစ်ပေါ်ခဲ့ပြီး အစောင့်များက စတင်ပစ်ခတ်ခဲ့ကြသည်။ ထောင်အခန်းတခုရှိ အကျဉ်းသားများက ထောင်ကို စတင်မီးရှို့လိုက်ကြရာ မီးခိုးများက တခြားအခန်းများသို့လည်း ကူးစက်ပျံ့နှံ့လာခဲ့သည်။
မျက်စိ ရောဂါခံစားနေရသည့် အထင်ရှာဆုံး အကျဉ်းသား ကျောင်းသားခေါင်းဆောင် ကိုမင်းကိုနိုင် အဖို့လည်း မီးခိုးများ ကြောင့် အသက်ရှုကျပ်လာခဲ့ရသည်။ မျက်စိများကလည်း မီးတောက်လုမတတ် နာကျဉ်ခံစားလာရသည်။ အချို့သော သူ၏ ရဲဘော် အကျဉ်းသားများမှာ မီးခိုးငွေ့များကြောင့် မေ့မျောနေကြပြီ။
တချို့သော စာနာသနားကြသည့် ထောင်အစောင့်များက ထောင်အခန်း တံခါးကို ပိတ်ဆို့နေသည့် လဲကျနေသော သစ်ပင် များ၊ သစ်ကိုင်းများကို ဘေးဖယ်ပစ်ကြပြီး နိုင်ငံရေးအကျဉ်းသားများကို ထောင်ဆေးရုံနေရာသို့ ပြောင်းရွှေ့ပေးခဲ့၍သာ ကံကောင်း ထောက်မသည်ဟု ဆိုကြရမည်။
"ကိုမင်းကိုနိုင်ရော၊ အခန်းထဲက တခြားအကျဉ်းသားတွေရော အကယ်၍ အချိန်မီ လာမကယ်နိုင်ဘူးဆိုရင် မီးခိုးတွေနဲ့ သေသွားနိုင်တယ်"ဟု နိုင်ငံရေး အကျဉ်းသားဟောင်းတဦးဖြစ်သူ ကိုဘိုကြည်က ပြောသည်။ သူက ထိုင်းနိုင်ငံအခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) (AAPP)ကို ဦးဆောင်နေသူတဦးလည်း ဖြစ်သည်။
ဤရုန်းရင်းဆန်ခတ်မှုအတွင်း အကျဉ်းသားများ မည်မျှသေဆုံးရသည်၊ ဒဏ်ရာ ရရှိသည်ဟူ၍ အစိုးရက တရားဝင်ထုတ်ပြန် ကြေညာချက်များ မရှိခဲ့ပါ။ သို့သော် (AAPP) အဖွဲ့က အကျဉ်းသားအနည်းဆုံး ၃၆ ဦး ပစ်သတ်ခံခဲ့ရသည်ဟု ယုံကြည်ရ ကြောင်း ဆိုသည်။
ဆိုးဆိုးရွားရွား မုန်တိုင်းသင့်ခံခဲ့ရသောဒေသများရှိ နိုင်ငံရေးအကျဉ်းသားများ၏ မိသားစုဝင်များလည်း သေဆုံးခဲ့ရကြောင်း နောက်ပိုင်းတွင် သူတို့ ကြားသိခဲ့ကြရပါသည်။
နိုင်ငံရေးအကျဉ်းသားတဦး ဖြစ်သူ ကိုသီဟသက်ဇင်၏ မိသားစုဝင် ၉ ဦးအနက် ၈ ဦး မုန်တိုင်းအတွင်း သေဆုံးခဲ့ရကြောင်း ပြန်ပြောပြကြပါသည်။ သူ၏ မိဘများနှင့်အတူ အဘွားဖြစ်သူ၊ သားဖြစ်သူနှင့် မောင်နှမများ မုန်တိုင်းအတွင်း အသက်ဆုံးပါး ခဲ့ကြရပါသည်။ သူ၏ ဇနီးတဦးသာ အသက်ရှင် ကျန်ရစ်ပါသည်။
မုန်တိုင်းတိုက်ခတ်နေစဉ်အတွင်း အင်းစိန်အကျဉ်းထောင်အတွင်း ဖြစ်ပွားခဲ့ရသော အခြေအနေသည် မြန်မာ့နိုင်ငံရေးကို ပုံပြုဖော်ပြနိုင်သည့် လောက အငယ်စားကလေးဟုပင် ဆိုနိုင်ပါသည်။
လူပေါင်း ၁၃၄,၀၀၀ ဦး အသက်ဆုံးရှုံးရပြီး အနည်းဆုံး လူတသန်းနီးပါးအိုးအိမ်မဲ့ဖြစ်စေခဲ့သည့် နာဂစ်ဆိုင်ကလုန်း မုန်တိုင်း တိုက်ခတ်ပြီးနောက်တွင် စစ်အစိုးရက ကပ်ဘေးဒုက္ခ ကယ်ဆယ်ရေးလုပ်ငန်းများအတွက် လျစ်လျူရှုထားမှု၊ ဖင့်လေး လုပ်ဆောင်နေမှုများကို ကမ္ဘာက မြင်တွေ့ခဲ့ကြရပြီး ဤသို့လူအများအပြား အသက်ဆုံးရှုံးစေရလောက်အောင် တာဝန်ရှိမှု အပေါ် "လူသားမျိုးနွယ် တရပ်လုံးအပေါ် ရာဇ၀တ်မှု" ကျူးလွန်နေပြီဟု ဆိုခဲ့ကြသည်။
နိုင်ငံအတွက် အရေးပါသည့် အချိန်တွင် မုန်တိုင်းက တိုက်ခတ်ဖျက်ဆီးခဲ့ပြီး နိုင်ငံရေးအရ အကျိုးဆက်များလည်း မလွှဲ မရှောင်သာ ဖြစ်ပေါ်စေလိမ့်မည် ဖြစ်သည်။ မည်သို့ ဆက်လက်ဖြစ်ပေါ်လာမည်ကို မည်သူမှ ခန့်မှန်းနိုင်ခြင်း မရှိပါ။
"အခြေအနေတွေကတော့ အရင်အတိုင်း ပိုနေမြဲ ကျားနေမြဲ အခြေအနေကိုတော့ ပြန်မသွားတော့ဘူး"ဟု မြန်မာနိုင်ငံတွင် ၁၉၉၉ ခုနှစ်မှ ၂၀၀၂ ခုနှစ်အထိ အမေရိကန်ပြည်ထောင်စုသံရုံး တာဝန်ခံအဖြစ် ဆောင်ရွက်ခဲ့သူ ပရစ်ဆီလာ ကလပ် (Priscilla Clapp) က ပြောပါသည်။
စစ်အစိုးရက နိုင်ငံတကာ၏ စာနာမှုအပေါ် အမြတ်ထုတ်ရန် ကြိုးစားနေစဉ်၌ပင် ၎င်း၏ "စည်းကမ်းပြည့်ဝသည့် ဒီမိုကရေစီ လမ်းပြမြေပုံ" ကိုလည်း မုန်တိုင်းဒဏ်ကြောင့် မည်သို့မှ သက်ရောက်မှုမရှိကြောင်း ပြသရန် လုပ်ဆောင်နေသည်။
"သူတို့က ဆန္ဒခံယူပွဲကို အတင်းဇွတ်တိုးဆက်လုပ်ပြီး အောင်မြင်တယ် ကြေညာလိုက်တာဟာ သူတို့ကိုယ်သူတို့ ခုခံတဲ့ အနေအထားမျိုးနဲ့ လုပ်တာပဲ၊ သူတို့က ဒီ (ဖွဲ့စည်းပုံ)ကိစ္စကို ချက်ချင်းမလုပ်ရင် မုန်တိုင်းကြောင့် ကိစ္စတခုလုံး လမ်းကြောင်း လွဲသွားနိုင်တယ်ဆိုတာ သိထားတော့ လုပ်တာပေါ့"ဟု မစ္စ ကလပ်က ဆိုပါသည်။
မယုံကြည်နိုင်လောက်စရာပင် ယခုဖွဲ့စည်းပုံ အခြေခံဥပဒေကို မဲဆန္ဒရှင်များ၏ ၉၈ ရာခိုင်နှုန်း ကျော်က ထောက်ခံမဲ ပေးခဲ့ ကြသည် ဟု စစ်အစိုးရက ထုတ်ပြန်ကြေညာခဲ့ပါသည်။
"ဆိုင်ကလုန်းပြီးတဲ့ နောက်ပိုင်းမှာ လမ်းပြမြေပုံ လုပ်ငန်းစဉ် တခုလုံးဆိုတာက မြန်မာ့နိုင်ငံရေးနဲ့ ဆီလျော် စပ်အပ်မှု မရှိ တော့ဘူးလို့ ကျနော်ထင်တယ်"ဟု လူသိများသည့် ကျောင်းသားခေါင်းဆောင်ဟောင်း ကိုမိုးသီးဇွန်က ပြောပါသည်။
"အရေးအကြီးဆုံးကတော့ အခု နာဂစ်မုန်တိုင်းက စာမေးပွဲစစ်လိုက်တာပဲ၊ သူတို့ခေါင်းဆောင်မှုအပေါ် စစ်တပ်က ဘယ်လောက် သစ္စာ ဆက်ရှိမလဲဆိုတာကို စမ်းသပ်လိုက်တာပဲ၊ စစ်တပ်အတွင်း အကွဲအပြဲတွေပေါ်လာလိမ့်မယ်"ဟုလည်း သူက ဆိုသည်။
တချို့သော လေ့လာသုံးသပ်သူများက ဆန္ဒစွဲအရဖြစ်စေ ခန့်မှန်းတွက်ချက်ကြရာတွင် စစ်အစိုးရ၏ မုန်တိုင်းအပေါ် တုံ့ပြန်မှု၊ ညံ့ဖျင်းလွဲချော်မှုများသည် သူတို့ စစ်အစိုးရကို ချိနဲ့အားလျော့စေမည်ဟု သုံးသပ်ကြပါသည်။ အထူးသဖြင့် ဗိုလ်ချုပ်မှူးကြီး သန်းရွှေ၏ ခေါင်းဆောင်မှုကို ထိခိုက်စေလိမ့်မည်ဟု ဆိုကြသည်။ သေချာသည်မှာ "သံဃာများ၏ ရွှေဝါရောင်လှုပ်ရှားမှု ကြီး" ကို အကြမ်းဖက်ဖြိုခွဲနှိမ်နင်းပြီးချိန် လွန်ခဲ့သည့်နှစ် စက်တင်ဘာလမှစ၍ စစ်အစိုးရအပေါ် လူထုထောက်ခံမှု သိသိ သာသာ ကျဆင်းလာနေခဲ့ပါသည်။
"ကျနော်တို့ ကြားသိရသလောက် စစ်တပ်ထဲမှာ သဘောထားကွဲလွဲမှု သိသိသာသာရှိနေတယ်" ဂျော့တောင်းတက္ကသိုလ်မှ မြန်မာ့အရေး ကျွမ်းကျင်သူ ဒေးဗစ် စတိန်းဘာ့ဂ် (David Steinberg) က ဆိုသည်။ " ဒါပေမယ့် အခုလိုတင်းမာမှုတွေက စစ်တပ် ကွဲစေလောက်အောင် ဖြစ် မဖြစ်၊ ဘယ်လိုအဆင့်မျိုးတွေမှာ ဖြစ်ပေါ်နေတယ် ဆိုတာတော့ ကျနော် အသေအချာ မသိဘူး။ အခုလက်ရှိခေါင်းဆောင်မှုကို ခြိမ်းခြောက်မှု ဖြစ်စေလောက်အောင် အထက်ပိုင်းမှာ ဖြစ်နေတာလား မသေချာဘူး။ သို့သော်လည်း အပြောင်းအလဲတွေ ဖြစ်လာခဲ့မယ်ဆိုရင်တော့ စစ်တပ်ကပဲ စတင်ဖြစ်လာရမှာပဲ"ဟု သူက သုံးသပ်ပါသည်။
သို့သော်လည်း စစ်တပ်အရေး လေ့လာသုံးသပ်နေကြသူများက ဗိုလ်ချုပ်သန်းရွှေကို ခြိမ်းခြောက်စိန်ခေါ်မည့်သူများ ၎င်း အနီး လက်အောက်ရှိ စစ်တပ်အရာရှိများတွင် ရှိမနေဟု ဆိုကြသည်။ ဗိုလ်ချုပ်သန်းရွှေ သေဆုံးပြီးမှသာလျှင် အပြောင်း အလဲ ဖြစ်ပေါ်လာဖွယ်ရှိသည်ဟု သူတို့က ဆိုကြသည်။
အတိုက်အခံခေါင်းဆောင် အများစုကမူ အပြောင်းအလဲများ ဖြစ်ပေါ်လာစေရေးအတွက် လူထုလှုပ်ရှားမှုများဖြင့် ဖော်ဆောင် လျှင် ဖြစ်နိုင်သေးသည်ဟု ယူဆနေကြပါသည်။ အကယ်၍ လူထုအုံကြွလှုပ်ရှားမှုဖြင့် ခြစားပြိုယွင်းနေသည့် စစ်တပ် ခေါင်းဆောင်မှုကို စိန်ခေါ်ခဲ့လျှင် စစ်တပ်အတွင်း အကွဲအပြဲများက ပေါ်ထွက် ရှေ့တန်းရောက်လာမည်ဟု တွက်ဆ နေကြသည်။
"စစ်တပ်က လူထုဘက်ကို ရပ်တယ်၊ မရပ်ဘူးဆိုတာက မြန်မာ့နိုင်ငံရေးကို အဆုံးအဖြတ်ပေးလိမ့်မယ်"ဟု ဗမာပြည် ကွန်မြူနစ်ပါတီ၏ ပြောရေးဆိုခွင့်ရှိသူ ဖိုးသံချောင်းက ပြောပါသည်။ " လူထုအုံကြွလှုပ်ရှားမှုကြီးဆိုတာက စစ်တပ်အတွင်း အပြောင်းအလဲတွေ ဖြစ်လာအောင် တွန်းဆော်ပေးမယ့် ကိစ္စပဲ"ဟု သူက ဆက်ပြောသည်။
သို့သော်လည်း လူထုအုံကြွမှုကြောင့် ဖြစ်စေ၊ မုန်တိုင်းနောက်ဆက်တွဲ ဆိုးကျိုးများကြောင့်ဖြစ်စေ စစ်အစိုးရ အင်အားချိနဲ့ လာမည့် အနေအထားကို လူအများထင်သာမြင်သာ တွေ့ရမှု အနည်းငယ်မျှသာ ရှိပါသည်။ စစ်အစိုးရက နိုင်ငံခြားအရန်ငွေ သန်း ၄,၀၀၀ ကိုင်၍ ရပ်တည်နေပြီး သဘာဝဓာတ်ငွေ့ရောင်းရငွေမှ လစဉ် ဒေါ်လာငွေ သန်း ၁၅၀ ကျော် ရရှိနေပါသည်။ သို့သော်လည်း လေ့လာသူများက ဤငွေများကို လူသားချင်းစာနာမှုကယ်ဆယ်ရေး အကူအညီများအဖြစ် ဖြစ်စေ၊ ပြန်လည် တည်ဆောက်ရေး လုပ်ငန်းများအတွက်ဖြစ်စေ သုံးစွဲရန်အလားအလာမရှိဟု ဆိုကြပါသည်။ စစ်အစိုးရက မုန်တိုင်းပြီးပြီးချင်း ဒေါ်လာငွေ ၄. ၅ သန်း ချပေးခဲ့သော်လည်း ဤငွေအများစုမှာ စစ်အစိုးရကို ထောက်ခံပံ့ပိုးနေကြသူများထံမှ လာသည့် အလှူငွေများသာ ဖြစ်ပါသည်။
တခြားတဘက်တွင် ပြန်ကြည့်ပါကလည်း မြန်မာနိုင်ငံ၏ အရပ်ဘက် လူမှုအဖွဲ့အစည်းများမှာ ချိနဲ့နေနှင့်ကြပြီး ဖြစ်သည်။ ရုပ်ဝတ္ထုအရ ဖြစ်စေ၊ စိတ်ဓာတ်ရေးရာအရ ဖြစ်စေ အားပျော့ချိနဲ့နေကြပါသည်။ စီးပွားရေးအရလည်း ကာလကြာရှည် ဆက်လက်၍ ထိခိုက်နစ်နာနေရဦးမည့် အလားအလာ ရှိနေပါသည်။
သို့သော်လည်း ဆိုင်ကလုန်းနာဂစ် မုန်တိုင်း၏ရှေ့တန်းစစ်မျက်နှာတွင်မူ သာမန်ပြည်သူအများစုက တတ်အားသရွေ့ အကူ အညီအထောက်အပံ့များ ပေးနေကြပါသည်။ သို့သော်လည်း ဤအကူအညီများဖြင့် ပြန်၍ ထူထောင်နိုင်လိမ့်မည်ဟု တွက်ဆ ထား၍ မရပါ။ စနစ်တကျ ဆောင်ရွက်သည့် ရေရှည် ပြန်လည်ထူထောင်ရေး လုပ်ငန်းများ အမှန်လိုအပ်နေပါသည်။ ကုလ သမဂ္ဂ ဌာနများ၏ တွက်ချက်မှုအရ နိုင်ငံ၏ နေရာတချို့တွင် ရိက္ခာပြတ်လပ်မှုများ ဖြစ်ပေါ်နိုင်သည်ဟု ခန့်မှန်းထားကြ ပါသည်။
လူထုက စစ်အစိုးရအပေါ် စိတ်ဆိုးဒေါသဖြစ်ကြသော်လည်း သူတို့၏ အကြောက်တရားက ဒေါသထက်ပို၍ လွှမ်းမိုးထားပုံ ရပါသည်။ အကယ်၍ ယခုလတ်တလောကာလတွင် လူထုအုံကြွဆန္ဒပြပွဲများ ဖြစ်ပေါ်လာပါကလည်း အချိန်တို ဆန္ဒပြပွဲ များနှင့် အကြမ်းဖက်မှုများ ကြုံတွေ့ရကာ နိဂုံးချုပ်ရဖွယ် ရှိနေပါသည်။
ထိုမျှမက ဒေါ်အောင်ဆန်းစုကြည်နှင့် ကိုမင်းကိုနိုင်တို့ ထိန်းသိမ်းချုပ်နှောင် ခံထားရသမျှ အတိုက်အခံအင်အားစုများ၏ အခန်းကဏ္ဍကလည်း ဆက်လက်၍ ကန့်သတ်ခံထားရဖွယ်၊ ဘေးရောက်နေဖွယ် ရှိပါသည်။ ယခုမုန်တိုင်းကယ်ဆယ်ရေး လုပ်ငန်းများကြားထဲမှ လူထုခေါင်းဆောင်သစ်များ ထွက်ပေါ်လာပါကလည်း တနည်းအားကိုးဖွယ် ရှိပါသည်။ သို့မဟုတ်ပါ က အားမရှိလှပါ။
လူထုကြားထဲမှ ခေါင်းဆောင်သစ်များ ထွက်ပေါ်လာရန် ဖြစ်နိုင်ခြေတော့ ရှိနေပါသည်။ သို့သော်လည်း လက်ငင်းနိုင်ငံရေး ကိစ္စများအပေါ် သြဇာသက်ရောက်နိုင်လိမ့်ဦးမည် မဟုတ်ပါ။ ပိုအရေးကြီးသည့်အချက်မှာ ယခုလိုပေါ်ထွက်လာသည့် ခေါင်းဆောင်သစ်များအပေါ် စစ်အစိုးရ၏ ဖိနှိပ် ခြိမ်းခြောက်ပြီး အညွန့်ခြွေ အကင်းသတ်လိုက်နိုင်ပါသေးသည်။
တချိန်တည်းမှာပင် ကုလသမဂ္ဂကလည်း ၎င်း၏ပြဌာန်းထားချက်ဖြစ်သည့် "ကာကွယ်မှုပေးရေးဆိုင်ရာ တာဝန်ရှိမှု" (Responsibility to Protect) မူအတိုင်း အရေးယူမှု မရှိကြောင်း ထင်ရှားပြသခဲ့ပါသည်။ အနောက်နိုင်ငံများ အနေဖြင့် မြန်မာနိုင်ငံ ဒီမိုကရေစီ ရရှိရေးအတွက် ဆက်လက်တိုက်တွန်း အားပေး ထောက်ခံနေကြမည် ဖြစ်သော်လည်း စိတ်ဓာတ် ရေးရာအရ၊ စကားလုံးများအရ ထောက်ခံအားပေးမှုများသာ ဆက်လက်ရှိနေပါလိမ့်မည်။ လက်တွေ့ဆောင်ရွက် ပေးနိုင်ရန် အလားအလာ မမြင်ရသလောက် ဖြစ်ပါသည်။ သူတို့က တရုတ်နိုင်ငံနှင့် အာဆီယံနိုင်ငံများ၏ ပူးပေါင်းကူညီမှု၊ ဖိအားပေး လာမှုကိုသာ အဓိကမျှော်လင့် အားကိုးနေကြပါသည်။
ဤအချိန်တွင် စစ်အစိုးရက စုပြုံကျဆင်းလာမည့် နိုင်ငံတကာ လူသားချင်းစာနာမှု အကူအညီများကို ထီပေါက်သည့် သဖွယ် မြင်နေပါလိမ့်မည်။ အထောက်အပံ့များ ဆက်လက် စီးဆင်းစေရုံလောက်သာ ကယ်ဆယ်ရေးလုပ်သားများ ခွင့်ပြုထား၍ ပြန်လည်တည်ဆောက်ရေးအတွက် ငွေများကို စိတ်ကူးယဉ် စောင့်စားနေနိုင်ပါသည်။
မြန်မာပြည်သူများနှင့်အင်းစိန်အကျဉ်းထောင်အတွင်းရှိ နိုင်ငံရေးအကျဉ်းသားများ၏ ကံကြမ္မာမှာမူ ဆိုးရွားဒုက္ခရောက်နေဆဲ ဖြစ်သည်။ လက်ရှိအချိန်တွင် နိုင်ငံရေးမုန်တိုင်းထန်လာမည့် အစပျိုးလက္ခဏာများ မတွေ့မြင်ကြရသေးသော်လည်း လေထန် လှိုင်းကြီးနေသည်ကိုတော့ သိမြင်နိုင်ပါသည်။ မြန်မာနိုင်ငံတွင် ခိုလှုံနိုင်စရာ လုံခြုံသည့် ဆိပ်ကမ်းဟူ၍ အနည်းငယ်မျှသာ ရှိပါလိမ့်မည်။
IRRAWADDY မှယူပါသည်
